媽咪愛看書
冰山一角的圖書……
數數手指, 已經有5年未試過如斯勤力過… 
前陣子忽然看中一本叫”愛因斯坦不玩識字咭“的圖書… 經网友的提示, 原來圖書館會有……. 
點知去到圖書館係…全部外借… 
結果足足等左個幾星期, 先收到預約通知可以借得!!!!!
全書370頁…. 偏偏借書期係14天….. 之前試過借其他圖書, 如果有人已預約, 係無得續借… 為免有人借左無得續書… 即係…. 要14日內睇曬一本370既圖書….. 
好, 為左靖天, Toilet Reading, Dinner Reading, Lunch Reading, Pre-sleeping Reading…… 最終….. 睇左8成… 因為中間有部份實在……悶!!!! skip左~ 
其實只需要睇”序”, 睇”介紹”, 睇”封面”, 已經一針見血….. 句句都”腰心腰肺”… 中曬作為新任媽媽對教育子女既疑懷同埋憂慮…… 
然後, 又從网上預約多本關於一歲育兒及蒙特梭利既圖書…… 連帶”愛因斯坦”這本圖書及拍下的那6本書之前, 其實已一口氣看過3本圖書….
即係這個三月份…. 我將會看畢足足10本圖書…. 
對上一次咁勤力…. 應該係讀大學要做功課 / 應付考試….. 不過為左靖天, 多花點時間看多一點書, 知道多一點…. 又如何?! 
靖天越大, 對如何將佢教好, 實在有太多疑惑…….
眼看鄰家的寶寶”FLASH”得頭頭是道, 講英文”勒勒聲”……
聽到鄰座的寶寶什麼東東都會做會說一餐……
再望望靖天…. 一隻唔多曉大既番薯….. 唔驚… 就呃人既……
看這些育兒書最大的好處, 是大部份既圖書都主張”零壓力予小孩”, 簡單黎講即係唔洗點教由佢自由發展成長….. 咁睇左咁多本, 心靈自然有返慰藉… 又大大的理由俾自己, 可以唔洗理靖天, 到時到候佢都會乜都識…….
多花點作息的時間找找心靈慰藉, 也不錯吧…..
其實都係想俾自己知道, 曾幾何時, 我都為靖天付出過, 看過下書…..
拿, 靖天, 我曾幾何時都為您勤力過架……….. 
(161)
其實你都唔洗驚靖天呀!我覺得佢俾好多小朋友聰明(聰明過jason好多啦
)個個小朋友進度唔同,最緊要佢有一個開心快樂健康既童年…
加油呀……
WOW!!! 好勤力的媽媽！
我都好耐冇好好利用過圖書館資源了！你點醒左我！haha!
如果…我有你呢份毅力的話….
@@
你真係好偉大~~
不是偉大呢…. 是將勤補拙也~
我睇書既心態係, 想學識應付同了解anson多d, 同埋改左自己一向以為岩既主權睇法…
我都睇緊一本叫三歲改變一生, 不過內容相當深奧, 又唔係好具體, 所以好多時每段都要睇兩次…
不過都係有益既…我會prefer捨自己認為岩用果d, 唔岩用或者有懷疑既就唔會跟lu…費事anson同自己都辛苦~
靖天媽咪好努力啊 !!! 讚 @@@
我就無咁好心機啦 .. 我一見到書就頭暈架啦 .. 哇哈哈 @@
所以 .你睇左 . 上黎分享一下 .. 就最啱我呢條懶蛇啦 !! 哈哈
靖天媽媽:
真係十萬個佩服妳的熱誠和投入, 真係要俾十個「勁」妳先得!
相信靖天大個女, 一定會成材的! :P
上黎分享…. 即係要做讀書報告……. @.@…….
著實未到還書日, 我都唔知自己睇唔睇得曬…… orz~~~
不是啊…… 熱誠和投入…. 因為”湊女好好玩”, kekekeke
至於靖天成材與否, 我….. no comment…… =.=
都係有卜友提醒我先記得原來呢個世界上有圖書館咋. xd
唔係呀, 唔好亂講呢
男bb 進度大部份都會慢一點, 所以唔好咁諗呀……
o的男bb成日都鍾意收埋收埋一次過爆出黎….
所以靖天唔係叻啊…. 唔好讚佢呢…..