靖天: 『牙痛慘過大病, 今天上課辛苦媽咪了!』

呢一課, 已經無上一課咁順利了….

本星期靖天俾出牙仔煎熬著, 半夜更是喊得可憐….. 靖天出門口的情緒還好, 但媽咪的精神就差到極點….  也預想到, 這一課, 靖天定必”玩野”…..  還好, 上到巴士一會已經睡著, 訓一覺, 待會上課應該可以捱上好幾分鐘吧….

今次見到KOKO的小公主 – mAVIS了…. 她的主動, 令我大開眼戒… 好得意好CUTE啊!!!

還有再見茄茄, 也十分主動啊……

反觀靖天, 呆呆的….. 是怕陌生? 抑或牙肉還在痛說不出”HELLO”?

到達課室, 一於以往先係抗拒入課室, 但一入到課室又忽然變得自如…..

 
靖天一入到課室又攞返佢上堂既”鐵兜”走來走去….

剛開始, 心肝一如以往, 要巡場一番……

靖天左看右翻, 還跟大姐姐一齊玩一個工具….. (今次不是搶的啊!!!)

今日Ms Daisy已經無理靖天…  反而理我呢個媽咪….

課堂間有個小朋友玩完個積木掉到成地係, 我怕整到自己又整到其他小朋友（其實都係怕整親我心肝, 嘻) …  所以就執返整齊放埋一邊…. 點知呢個時候Daisy就話我太好手尾了…  仲叫我執玩具, 一定要俾佢知道我執緊玩具, 從而令佢慢慢學習, 玩完就要收拾既道理….

係既係既….. 太懶了…有時想快快執好就算….   咁以後唯有…. 做返好一點吧!!!

今日Ms Daisy唔理靖天, 咁唯有我主動走去問左佢幾個問題…..

屋企存放玩具問題

問Ms Daisy係咪真係需要整返架將o的玩具續個放好放整齊

Daisy話放整齊一件件係想佢明白所有野都有系統, 從而慢慢訓練到佢腦袋思維都係有條理, 唔會雜亂無章….. 如果放曬入膠箱, 就只會學到所有野可以”炒埋一碟”, 亂放放擺 (包括思考分析) 都無所謂…..

咁無位放個架, 點算好?!

將佢鍾意既玩具放出黎, 如果某件玩具佢都唔鍾意玩, 就可以out啦…  到一段時間, 再將o的玩具Rotate (即係收埋玩左一陣子既玩具) 放整齊俾佢當新玩具玩…. Daisy話唔洗一次過放幾十件玩具出黎, 橫掂, 佢都唔會玩得曬…..

睇黎, 想在家都有個”蒙氏環境”, 真係係時候還心肝一個屬於自己的房間了….

“搶”玩具問題

Daisy解釋, o係小朋友世界, 根本無”搶”呢回事, 只係佢本來見到一件玩具係靜止左, 死既, 忽然有個小朋友攞黎玩, 玩具就忽然變得識郁, 有左Movement, 咁個玩具自己識郁, 當然好奇想攞黎玩, 於是一手… 就”搶”左去……

真係係”蒙氏”先講得通…. 心服口服了!!!

點解決好?! Daisy話要同佢地講”排隊“…… 唔好”no”, 唔好”曳”, 唔好”打”… NO negative Wordings…. 慢慢等佢地學習, 玩, 就要排隊, 學習等候…..  

好一句”排隊”, 所有”搶玩具”都變成一種遊戲…. 實在不得不佩服Daisy同埋佢既教學!  (著實幼潛有無學過, 好似有, 又好似無…. )

趁未開課, 先拍一下課室的環境…. 兩邊大窗, 連我這個大人都感到十分舒服….
右上圖的那張椅子, 原來係Ms Daisy找人特制的…
椅子比宜家傢俬的還要矮, 仲o係椅下加多條”橫樑),
等個子較小的學生們有得”度腳”…
太有心思了….

靖天唔鍾意自己工作, 反而鍾意”觀察別人”….  望完又望, 腦袋先轉到要action!
(左圖) 同學仔在玩”入錢UN’, 靖天看得入迷…..

今日終於都最見到第八位同學仔, 原來佢上堂病左啊……呢個同學仔18個月大… 但已講得一口流利廣東話 + 大量英文生字… 課堂間佢唔小心撞親靖天, 經佢媽咪解釋一番, 之後靖天經過, 佢竟然主動咁講左句”Sorry” …. 當然, 心肝就啋你傻, 佢識鬼咩叫sorry~

細問佢既媽咪, 係咪成日俾好多”DVD”佢聽, 呢位媽咪話從來都無買相關既教材, 只係從佢11個月開始, 就辭左份工全職湊囝囝…. 之後, 就發現囝囝開始乜都講一聲… 出到街見到什麼車, 都分到. bENZ, hONDA….  

呢個小朋友, 應該係小神童吧?!

望住人家既囝囝18個月已經….. 係因為小朋友本身學習能力強? 還是”全職媽媽”既威力?!

不過今課, 確實令我大開眼戒…….

等剛才的同學仔走了, 靖天就坐下玩呢個”豬仔錢UN”….
因為幼潛時已經練習過”入飲管”, 加上在一一生日會已玩過類似”玩具”, 所以心肝玩得自如了!

只是一個小工具, 已經令靖天坐在玩上十幾分鐘…
靖天的專心, 再一次令我看得嘩然!!!

看到靖天的”另類玩法“麼!?

倒轉個”錢un”黎入, 亦不見得特別容易….
入左一輪, 靖天開始不專心了… 眼睛望住同學仔在工作, 自己又做令一樣東東….
是出牙仔問題吧? 今課靖天不停放東東入口….. 似乎在退步中?!

剛才靖天的唔專心, 就是俾這個”吸吸”吸引著….. 上課靖天已經玩得入迷…
今課亦然…. 玩玩下仲要放埋入口…..
靖天…. 加左”顏色”既水, 好喝嗎?!

本來玩得好地地, 忽然唔知看到什麼, 就跟住走…..
原來…. 為左佢….. 俾佢攞到, 又如何….. !!!! ????

見到一個小玩具, 心肝必然將佢放入徬邊的”小口袋”….. 然後就斯斯然走開…
(明明個玩具都唔係咁玩….. ) 是什麼令心肝”放好小玩具”就斯然走開?

媽咪發現一個”水樽”, 原意係用黎噴落窗跟住學”刮玻璃”, 示範左…
點知心肝選擇…自己噴自己…..  巧搞笑耶!!!
呢頭喊完 (話好整親咁….), o個頭又再噴自己…  
老師話原來好多小朋友都係咁…覺得好得意喎….. (得意又要喊?! )

最後半小時, 心肝終於支持唔止….. 扭計了…..

靖天今日表現, 做回一個小bb吧?! 是因為出牙問題? 抑或情緒問題?!

倒不像上一課般如斯穩定…. 玩不到十分鐘, 就需要走到我身邊, 坐在我腳上….

“假設無辜“, 希望靖天情況會慢慢好轉及變得穩定….. 期待著……

後話:

課前問過Ms Daisy能否考慮加開星期六的親子班, 因為好多在職家長平日都不能前來上課, Ms Daisy解釋因為星期六要預留俾”大仔”, 即係已上幼稚園的小朋友上堂, 又或者係家長班, 時間同場地問題, 所以都未能安排.

她又解釋, 其實上左家長班, 某程度已經可以在家實行”蒙氏政策”, 在家長同大仔, 佢話當然會將時間先安排俾小朋友上課….

Ms Daisy再話佢地計劃加擴中心面積, 如果成功, 到時就可以安排星期六加開親子班了….

曾經問過既媽咪們, 希望小小資訊可以幫到你們吧!

如相片不能顯示, 請”重新整理 / REFRESH再試試,
不好意思啊!!!

(280)

Comments

comments