靖天: 『媽咪話今日有驚喜俾我… 究竟係咩呢?! pLUTO, 你知唔知呀? 』

一直都無打算同心肝去迪士尼, 因為太…. 窮了!!!

350蚊一位, 就算心肝唔洗俾錢, 爸B媽咪兩個加埋都要700大元!!!!

迪士尼初開時已經去過兩次 (仲要兩次都唔洗錢…. ), 心知所謂既迪士尼…. 真係…

咁既價錢, 不如帶心肝多走幾轉海洋公園仲好… (可惜都係未去過… )

點知某日朋友仔問我有無興趣去…. 因為有平飛….

都係350蚊一位….. 不過買一, 送一……..

已經趕唔切問爸B, 就極速應承左!!!

無得揀…. 今次唔去, 都唔知幾時會去…. 傻姨又話唔會再搵到免費飛….  $350 FOR 2, 梗係通殺!!!!!

如是者, 我地就為靖天帶來半天的奇妙旅程了……

Pluto, 我帶你返屋企見同鄉喇……..

****************************************************

如常起身換衫餵奶同準備出發物資……

跟住輕輕鬆鬆跟爸B去左KFC食左個免費2人餐… (因為申請左KFC信用咭, 有免費COUPON!)

之後就慢慢行去坐西鐵去迪士尼…..

靖天: 『等我set定機, 準備影靚相先….』

上到西鐵一陣心肝已經好乖咁訓左……  (即係唔會扭計了!!!)

去到南昌站, 靖天仲訓緊啊!!!

約一小時車程…. 因為靖天訓左吧, 所以唔算太辛苦…..

去到欣奧站爸B已經影影影…. (梗係, 好日都唔會黎呢度!!! )

到左欣澳喇…….. 靖天仲係成隻豬仔咁…….不過都要影返張合家幅留個念!

媽咪學影相?! …….. (都係做麻豆開心o的~~~ )

上到迪士尼地鐵又係咁影係咁影….

第一次一家大細坐迪士尼地鐵, 可惜….. 靖天豬…..

出左閘又繼續影呀影…… 350蚊喎, 唔影好嘥耶!!!!!

雖然呢一日天氣麻麻, 亦無損爸B拍攝心情… SET埋腳架, 影返張大合照~~~

(右上圖) 搞左好耐既合照….  媽咪未出發, 先興奮…..

影到打左俾朋友仔o係閘口接我地都唔記得左…..  

入場後, 爸B仲問洗唔洗攞地圖…..  啋….. 個場咁細, 黎一次都記得啦…

事後發現, 雖然之前同爸B黎過一次, 但佢真係完全無印象, 完全唔記得邊度打邊度…  

老公, 你大過我….. 都係幾日O者, 洗唔洗咁無記性呀?!

入場一陣, 心肝就俾"大合奏"嘈吵左了…..

…. / 續

如相片不能顯示, 請"重新整理 / REFRESH再試試,
不便之處, 敬請原諒!!

爸B正在好努力, 好努力咁執整齊o的相….
媽咪正在好努力, 好努力咁整"格仔相"…..
同時間就超努力, 勁努力咁upload o的video…..
需要多一點時間……
下次都係唔好拍咁多片, 爸B都唔好影咁多相好了…..

曾幾何時, 有朋友仔向我投訴, 話我好將o的野咁多篇寫, 好吊癮…..
但係, 爸B影左咁多相, 自己又拍左咁多片….
一篇過, 就會變成一篇"論文"…..
(人家講野唔洗咁記耐呀?)
証明我夠小氣, 咁先似女人… 仲要係三八O個隻!~
(咁你可以唔放咁多相啊?!)
咁….. 自己覺得靚既野, 何不放出來讓人家看看, 說兩句嫉妒之話?!
(唔覺得好煩麼?)
整格仔相, UPLOAD VIDEO, 真係好煩, 不過寫O個個都唔怕,
睇既, 嫌煩可以不看啊!!!
(是太無聊吧?!)
倒也是….. 月月有人出糧過我打blog, 唔專業一點, 對唔住自己老闆喎~~
(咁串, 你講曬啦~!!)
係… 第一日識我?!
[以上一番說話, 想講好耐… 今日終於按耐不住…!!]

….. 更多….

『咱們仨』平遊迪士尼 [出發篇]

『咱們仨』平遊迪士尼 [小鎮大街篇]

『咱們仨』平遊迪士尼 [巡遊篇]

『咱們仨』平遊迪士尼 [動玩篇]

『咱們仨』平遊迪士尼 [煙花篇]

『咱們仨』平遊迪士尼 [回程篇]

(196)

Comments

comments