靖天上學了@ 蒙特梭利親子班 第3課
靖天像個小小學生, 排隊等入課室嗎?! 
比起上星期, 心肝今日好乖巧啊…. 差不多9點先醒, 跟住食左少少奶, 又便便埋, 就開開心心出門口, 去到巴士站仲學識左什麼叫”雀雀”….. 上到巴士一陣仲訓埋, 落車先醒… 眠一眠, 至少唔會一上堂就扭計麻…
o係課室門口等左陣, 都無扭計…. 上兩課一放低佢已經喊了…..
靖天: 『影左巧多張相喇… 得未呀… 瞪到對眼咁大, 好攰耶….. 』
不過見到上一課既茄茄哥哥大喊, 搞到心肝有點兒不知所措, 仲話”驚驚”… (人家喊你又要驚?! )
今日靖天第一個到步 (每堂都咁貴, 真係一秒都係錢, 唔好蝕俾佢!!! 
), 除左鞋已經走來走去, 玩東玩西…..
靖天玩到咁上下, 總會走到玻璃前看看風景~~~
本來自己玩得好地地, 見到哥哥玩分顏色, 佢就走去搞亂檔…
不過今堂係最後一堂…. 家長們可以任意跟住小朋友了, 下堂開始老師話要坐埋一邊等小朋友自己工作… 唔…. 到時唔知靖天會唔會扭計呢?! 
上一課心肝因為病病地, 搞到好扭計….
今課好返曬啦, 又訓夠, 心情又靚喇… 結果當然唔扭計, 不過都係無乜貢獻… 
又係見哥哥玩得過癮, 爭返黎玩…… 點知唔夠10秒就走開左……
又一個小驚喜… 佢將一塊小布, 掉左入垃圾筒啊…
呢個垃圾筒同屋企既一模一樣, 知道用黎”掉野”…..
放小布入筒, 是因為上兩課教過用過既濕布要放入垃圾箱…..
即係… 靖天將兩件事, 混埋左一齊黎做…….
呢塊布係工具唔係抺布…. 係小木箱, 唔係垃圾筒……
有時靖天既行為, 真係令我好費解……
同班既幾個小朋友其實有明顯既進步, 例如記得o的工具放邊度, 又會攞到自己個位跟住玩, 玩完又會放回原位…..
靖天呢? 得個零……….
以搞破壞為今課既目標, 將所有珠仔, 波波, 圖書, 通通掉到地上, 跟住就走左去…..
靖天今課的新工作…. 倒紅豆, 當然……. 係徹底失敗…. 
靖天今日的新”工作”….. 小發現就是心肝總會放好, 然後攞起容器既”耳仔”… 
靖天又亂來了….. 咁樣放豆都得?! 又係新玩法?
靖天經過既地方, 都會好似打完十號風球咁……. 
原先個提籃用黎將第2o的野, 點知心肝又要鍾意用黎放玻璃片?! 仲要好得戚….
另一個新工作….. 正正看右下圖, 就知已經出事了…..
結果… 靖天成條裙都濕曬….. 
又係搶回來的工作…., 又係另類玩法….. 天啊!!!!!
玩到亂七八糟, 心肝反應係勁興奮…….
因為老師既唔主動, 又要迫我搵野黎問……
其實呢個年紀既小朋友, 係咪真係未識定定咁坐o係度做一個工作?
係架, 因為佢想滿足自己既空間感 (講緊靖天), 所以就會不停咁來走去, 搞東搞西….. 呢個年紀既小朋友, 睇野係好宏觀, 基本上佢係當左呢度成間房係一件玩具, 佢入到黎, 就係玩緊呢件大玩具, 所以唔會著眼於細微既東東….
呢番說話, 又真係似曾相識….. 好似上家長班時聽過?! 定睇書時見過?!
不過事後, 我就有點兒懷疑Daisy講既係咪Model Answer?! 事關…. 隔離o個位16個月大既小男孩, 好似已經可以定定地坐o係度做一個工作, 幾個字都唔郁喇喎…… 爭個幾月, 真係變化咁大? 忽然睇到”細微工作”?!
本來玩緊藤籃, 不過靖天當然係…. 唔會乖乖地玩個夠啦……
是日戲肉…….
本課經典之作~~~
如是者, 佢就係咁掉下, 放下, 玩左十數分鐘….
其實整個課堂心肝都好鍾意將o的大大小小既物件搬來搬去, 放來放去, 倒完又執, 執完又倒, 再倒再執…. 沒完沒有……
根據Ms Daisy不停重複既評價係, 靖天空間感不足….. 要多一點Movement…. 怎麼樣的movement? 總之move得既都係……
係咪去得公園唔夠? 屋企唔夠大? ……. 不是不是, 只係佢develop緊自己, 需要不同種類既movement同空間去滿足自己…. 咁做家長既點算?! 俾好多高矮肥瘦既容器佢玩, 總之屋企玩得既”沙煲冷叉”都俾佢玩…… 
玩, 不是問題… 不過諗下諗下, 都係唔明什麼叫”空間感不足”……..
靖天一臉茫然…
因為當靖天諗住走埋去呢位哥哥度時,
哥哥仔就好大聲咁尖叫.. 嚇到靖天成個呆左….
(而呢位哥哥, 就係本班重點”客人”之一…… 
)
課後終於鼓起勇氣問左Daisy有關救世軍幼稚園推行蒙特梭利教學既事宜…….結果呢? 又俾我知道多一點秘密…… “兒童無限”認可既蒙幼只限於博愛E院旗下既任xx幼稚園, 咁…. 對於救世軍著力推銷蒙特梭利教學, 當然……. (一早幫心肝報左救世軍, 為既就係蒙特梭利四個字… 當然係唔會講佢壞話呢….. 還是自己知好了……)
後記:
老師會觀察小朋友既學習同埋行為, 媽媽們亦都會留意自己子女在做什麼… 但係今日我選擇唔觀察靖天, 倒返轉頭觀察其他爸爸媽媽同埋Ms Daisy既行為……
要觀察靖天, 用不著俾250個大洋遠遠走出九龍吧…..
更甚既係, 打從第一課後, 已經再沒有聽到Ms Daisy主動走埋黎同我講心肝既學習情況, 反觀佢就好主動咁呢幾堂都會不停同某兩位小朋友既家長傾談, 研究, 觀察…. 就佢眼神方向所見, 70%時間都係望住…. 某2-3位小朋友, 要不走到該小朋友同佢交流一番, 要不走到該父母面前傾談一大段時間…… 餘下20%時間就俾一位超級主動媽媽說東說西, 最後的10%, 也該平圴分配給餘下的小朋友, 包括靖天吧? (那靖天從Ms Daisy的時間表中, 著實又分到多少?!)
不是我最後15分鐘故意問Daisy一些明知的問題, 她都不會多看我女兒兩眼….. 再給我上兩堂的評語… 是.. 一…模…一….樣….的!!!!! 
明白靖天沒有人家子女的乖巧與機靈, 但我們倒也實實在在的付了千個大洋啊….. 是該公平一點吧?!
是因為靖天沒有問題, 發展正常, 所以無話可說?
抑或我這個孩子無藥可救, 所以都無謂嘥口水?
還是如我所料, 她只偏重某幾位”客人”?
好好歹歹, 都應該跟我說一句, 等我知道, 靖天有否問題吧?! 要是”無乜特別, 正正常常”, 那我就不再付你千個大洋報讀下一期了!!!!!! 所謂的工具, 有錢倒也可以買回來麻!!!
完全理解蒙特梭利所指的觀察是何其重要, 但要是要等到最後一課, 才有觀察得出的結論, 那有什麼意思? 小朋友每天都在變, 都在長大, 早一點根枱問題, 不是更好麼?!
曾幾何時看過一位媽媽的卜, 都曾為兒子報讀兒童無限, 上過一期就沒上了, 原因? 就是8課內, Daisy一句評語都沒有, 最後該媽媽忍不住問Daisy兒子的進度, Daisy只說了一句: Ok, 正常, 無乜特別…….
你一課收費也不平宜, 就這草草一句就收人家2000大洋? 狠了一點吧?!
絕對不希望我跟靖天的遭遇如該媽媽般淒慘…….
明白Daisy想做父母的主動一點當然不是問題 (我也挺主動啊, 這個老公都是自己追回來的! ) 但作為客人, 是否也該給我一點甜頭呢? 不是首課的兩小句評價, 就算吧?!
課始終要上, 看看我這個無乜耐性既媽咪, 幾時忍唔住狠狠的跟Daisy理論一番吧?! 
呢一課, 靖天上緊享受的, 但做媽咪的, 卻甚不是味兒……. 
(966)
你嘅感受有多少似我同嵐嵐上今期嘅幼潛, 學費畀左, 但係得著好似唔多. 希望餘下幾堂可以有大改善!
另外, 靖天好叻, 識得蓋好個筒 (佢好似識得做好耐喇可?)…我好鐘意睇住佢拎住d蓋呀, 匙呀, 陏吓陏吓, 好搞笑! 等我都拎廚房d野畀嵐嵐玩先!
睇黎我都要親自上上先知道箇中既好與壞, 不過仲有3堂, 睇下dasiy仲會唔會比更多指導你啦
蒙特梭利真係咁好呀? 我打去問, 原來要父母上著堂之後才受bb報名, 都好特別…但因我之前沒聽過, 所以… $250係1個鐘嗎?
我想問你有冇聽過 People impact 的 baby impact呀? 佢地都講到有佢地自己特別, 話有專業伻估, 但都好貴, 要$250/堂/1個鐘, 在旺角.
其實成日都好疑惑.. 俾D紅豆size嘅野佢地玩,由得佢地放入口,怕唔怕鯁死? @.@
我報大窩口果間, 不過都係無希望多…等3年喎…
我一直都無報到，就係想睇下除左正面既comment以外，會唔會有反面既~
你既觀點我都好明白～ 比著我都會好唔開心～
宜家我愈來愈有興趣上家長班，一來想學下蒙點教小朋友，二來睇左咁多書同你地d blogs，要一一口述比anson ba知都幾難，而且我講點夠miss講咁有說服力丫．．．
不過點都好，相信靖天點都有得著掛？我見到佢好開心四千萬咁既口咁笑既樣，真係好開心喎！
噢 .. 不要氣結 !! 等待一下吧 !! 可能她會慢慢跟你詳談呢 @@
其實救世軍都ok, 我認為正宗蒙氏幼稚園在香港是行不通的, 因為涵接小學真係可能會有問題, 反而救世軍的取其概念再加入香港元素會好d.
我都申請左救世軍幼兒園, 可惜原來要一出世就入申請表, 差唔多要等兩至三年至入到, 我都打定輸數…
Hi, 明白你的感受, 上pg就係想聽下d專業意見同評估嗎!
但點解你會咁buy蒙xxx呢套教學法呢?
非也非也, 只係我有幾位同事以前係幼稚園校長同老師, 我曾問過呢套教法, 佢地都話名過其實.
佢地話其實無話邊套教學法特別好,各有優點, 最緊要個小朋友受唔受,
同埋, to my surprise, 佢地都唔大贊成咁早讀n班,佢提我, bb係大仔 (0801), 一定要足歲至好比佢讀k, 咁佢心智先至比d細仔成熟, 有advantage. 佢會讀得開心d (因為有成功感).
btw, 剛剛知道我5月幼潛o既tutor係馬姨姨, she is good? right.
期待著
我都希望, 我無幫靖天揀錯學校……………
連大陸, 台灣都做得小, 中學都係蒙氏教學, 香港真係做得好差………
你都幫米b報左救世軍了? 邊區呀?
嗯? 莫非軒軒媽也試過類似經驗?
三言兩語好難講出點解我鍾意;
但軒軒媽咁問, 難道是不太認同此教法?
原來如此……. 果然有研究……
所以你問我點解咁buy…… 三言兩語又好難答你….
讀n班其實都已經足左年歲喇, … 因為暫未打算幫囡囡插班麻….. 出年9月讀n班, 已經2歲有多了….
馬姨姨好野黎架!!! 好多人都係咁講!!!
哈哈. 要睇住架……
but………….. 我估佢地都assume左唔會放入口
大窩口又係超多人報呢………
其實佢都係睇報名number 排落去
好多家長都會讀n1 救世軍跟住走左去讀九塘 / 其他名校 (升k1時)
到時就會有spare位……..
如果米b想讀, 可考慮由n2讀起?
說服anson ba, 上堂係無得揀…… 哈哈!
正如當初我都叫埋爸B去, 就係想佢知道什麼是蒙特梭利……
靖天有否得著, 就未完全知道.
但做媽咪既, 暫時得著都係SO-SO….. 希望只係我一課既主觀性, daisy唔係呢o的人…… (不過下半part課堂將改為令一位導師主理了!!!!)
課程是1.5小時的, 2000蚊, 8堂.
家長班就 (我記得) 980 一個, 第2位加長半價;
你講的機構我無聽過啊….. 250蚊個鐘, 好貴啊!
嵐嵐班的老師叫乜名啊?
我都少少擔心遇著個不好的老師……..
蓋好個筒幾時識我都唔知佢幾時學識…. 都係呢1-2個月既事啊…..
廚房野唔怕玩爛, 一玩無妨啊!