『咱們仨』初到深圳書城
靖天: 『請問… 我又去左邊呢?!』
靖天做完白老鼠, 本來諗住去BBQ, 又諗住影好多相…….
結果個天唔鍾意我地…. 
無得影….. Q都無得我地B…….
還好因為近期迷上"英文耳朵", 入面介紹既書單, 香港無得一套咁買, 於是決定搏一搏, 北上傳說中極大既書城搵下….
今次決定由"落馬洲"過關…. 地鐵駁地鐵…. 又真係幾舒服…. 
一到福田已經…. 好想掉低心肝去揼個骨, 梳乎一番…. 
靖天, 快O的大個啦, 明年今日, 一齊去爽下好無? 
靖天: 『大鄉里出城, 坐火車都要影相, 你地兩個唔好話識我!』
終於, 北上既四個關口我地都試過……..
羅湖關口 – 唔洗講, 白痴都識啦
王崗關口 – 坐小巴去到落馬洲, 跟住坐"黃巴"過香港關, 然後又坐"黃巴"過埋大陸關, 搞掂! 出左關, 一係坐巴士, 一係坐的士, 或者可以揀白牌車
香港區域叫落馬洲, 返左大陸就叫王崗
福田關口 – 坐地鐵去到上水, 轉落馬洲支線 (好似遠過去羅湖站), 跟住過香港關, 再過埋大陸關, 就到達福田, 一出就係福口地鐵站 (前身叫王崗地鐵站的)
出左關口坐乜都得, 一出門口已經見到N咁多間"骨場"………
香港區域叫落馬洲, 返左大陸就叫福田
王崗同福田關最容易搞錯, 其實只係o係隔離, 但又唔知點解祖國要搞兩個咁相似既關口出黎, 惹人誤會.
深圳灣口岸 – 應該都專係為大西北既子民而設….. 出關後都係坐巴士或者的士, 或者係轉旅遊巴去廣東省其他地區; 一o的都唔近深圳地鐵站, 不過如果去世界之窗等地方, 深圳灣口岸應該係最近既一個.
出左關口, 跟手就落地鐵站 (推住靖天, 福口關口好似真係最舒服….. ), 坐4個站就到少年宮站……. 即係書城所在地…..
靖天: 『俾份地圖我, 我要去水立方揼骨呀!!!』
上地鐵一陣, 扭計的靖天, 表情多多…..
靖天唔耐煩, 爸B就玩變魔術分散靖天注意….
好爛的魔術…..
一有餅食, 就成個開心曬…… 真…現….實!!!!
然後靖天又扭計, 因為俾爸B虐待囉!~~~
靖天: 『少年宮? 少年住既王宮? 媽咪我想要個"靖天宮"啊!!!』
傳說中既深圳書城…. 大到丫!!
靖天: 『媽咪要書唔要女….. 我文盲架喎, 咁算點呀? 』
今天的小收鑊……. 英文書幾本, 不算十分便宜, 不過都估比香港平……
一場黎到, 點可以空手而回!!! 
大飽口福…. 仲有兩粒紅寶石送…. 可以換翅 / 鮑魚 / 雪蛤… 當然質數就… 
一個杯, 一枝飲管, 已經可以引到靖天咁開心… 
靖天全程都算係咁咯, 唔會一坐低就扭計….. 仲搵左個"伴"陪佢… xdxdxdxd
下午俾爸B虐待完, 夜晚要俾媽咪玩, 靖天巧可憐啊!
爸B話好似唔俾影相, 所以呢… 無影到食物…
呢間野有得食, 有PS2打, 有WII, 仲有小扭扭波波… 勁! 
趁靖天乖乖地, 爸B又走左去搵野食, 即刻影返幾張相先…
影完靖天, 當然有老公份呢… 港女, 鍾意自拍, 又對啊!!!!
靖天…. 變左隻豬, 所以無佢份!!!! 
食左差不多個半鐘, 走既時候仲可以憑收據抽獎一次…… 一向零抽獎運既爸B同媽咪, 今次決定將個重任交俾靖天…… 結果, 心肝無令我地失望… 一碌, 就碌左個大獎, 係免費自助餐券一張!!!!
靖天, 您巧勁呀!!!!!!!!!!!!!!!!!!!!!!!! (下次份幼潛報名表, 麻煩你自己填自己交返!! 
)
靖天: 『下次買六合彩預埋我啦, 媽咪~~~ 中左你咪做全職C9喇!!!』
之後坐返的的落福田口岸過關…. 靖天今日真係好腳頭…. 我地10點半去到過關, 上左尾二o個班火車…… 如果個的士佬行錯路, 我地就可能好….大..…鑊…….. 
呢個關口, 咁早收檔, 以後都要記住記住….. 
(378)
捉錯字時間：
係皇崗，唔係王崗。
路人甲姓王，所以對個王字特別敏感。
另外，靖天對彩虹襪襪好得意呢。
個書城好吸引喎! 我都要快d幫嵐嵐申請回鄉証喇!
靖天去街, 駛唔駛帶埋飯仔同奶出去呀? 我見你地好輕便喎!
你地真係勁, 帶住個女周圍去. 可想靖天幾好湊. 我個仔就…….
攸 咩最尾果張相你隻手有d鑽石閃閃ga?? 有古惑!!!
係咪即係搵唔到英文耳朵D書呀? 係我就慳番唔使老遠走去喇.hohoho~
你地好勁呀….我唔敢帶MACY去深圳喔~~
wow….靖天又出遊!!!
細細個都已經見慣世面~~
咁下次約埋, 我帶你地上去喇? xdxdxdxd
返大陸咋麻…. 傻瓜黎既
衰鬼丫………
無呀無呀, 搵唔到呀…….. 嗚嗚!!!!!
(我估我知你係邊個喇, 哈哈!!!!!!)
勁乜鬼, 我住咁西北, 返大陸方便過落旺角呀
係想閃….. 張coupon, 哈哈
靖天唔要粥, 唔要固體, 我地只帶奶架咋…….
計足時間, 1餐就一餐, 不會帶多, 嘻!!!
感覺輕便少少咁囉.
係既係既, 受教受教!!!
(唔怪得我打既時候硬係覺得怪怪地啦!!!)
yeah, 係朋友仔送架!