靖天去拜山2009
靖天: 『仲有咁遠路…. 媽咪您揹我上山啊!』
又係一年一度既清明周……….
上年心肝仲係一團綿花…… 得3個多月大….
肥騰騰媽咪 + 細細粒靖天
靖天還沒有長出頭髮~~~~
靖天: 『發生咩事? 做咩非禮我?!』
今年, 心肝已經15個月了…. 曉行, 曉扭計…… 相信, 今年應該係最辛苦的一年…. 出年, 靖天得要自己走路上山啊!!!!
咁賴皮既靖天, 當然都係推佢上山較好….
出發中的靖天,滿臉笑容, 表情多多
今年要多謝叔公一早pre-拜山左兩日, 除曬雜草, 我地上到去只係再清清四週, 掃掃太爺的”住宅”, 燒燒東東, 就此….. 不過都搞左個半鐘…. 
靖天由本來靜靜的, 然後開始左扭右扭, 繼而R上R下 (唔知係咪有蚊咬….), 最後要我抱住佢…. 
還好, 今年有少少風, 在樹蔭下等等等, 未算超慘烈….
拜完山, 去左傳說中既”艇”…..個門口!!!
無得入去, 都影返張”到此一遊”!!!
媽咪: 『望下鏡頭影張相啦, 女…』
靖天: 『我唔望呀, 吹咩… 合埋眼, 睇你唔到~~』
媽咪: 『………. 洗唔洗咁串呀?!』
然後就去唔知邊個親戚既家中食小小東西, 休息休息…….
食過奶既靖天, 精神還可以….
一小時後, 開始扭眼訓…. 仲要發忟憎… 結果…. 俾媽咪濕左一鑊!!!
一心諗住去馬灣公園影相既我們…..
因為早上既節目太”豐富”, 又拖得太耐…. 心肝最終支持不住…… 睡了~~~~ 
繼而成棚人跟住”咱們仨“, 唔會再有心機…..
唯一的6大張相片……這就是馬灣公園!!!!
最後去到馬灣公園, 成個市集咁…… 仲要成串樓梯要上…. 見靖天訓左, 推車上去又唔係, 抱住佢走上去又唔係….
結果, 放棄左一年一度既”馬灣之行”…….
十級失望同唔開心既媽咪 + 訓到成隻豬既靖天 + 濕透既爸B (揹住成副影相架生走上走落唔滴汗就假) = 早早回程, 耳根清靜!
算吧, 也許明年等施工左好多年既”艇”開左, 我們再去吧….. 
幾日後, 靖天又去左拜媽咪既公公…..
如上年一樣, 又係媽咪單拖帶心肝坐巴士, 坐地鐵, 去到無雷公咁遠既柴灣…..
今年較冷清了…. 靖天既舅父仔, 姨婆, 仲大兩個表舅父, 都唔得閒…..
還好, 有傻姨, 全程係咁講野講野…. 一o的都唔冷清!!! 
攝於2008年3月28日, 靖天3個月還沒有啊, 個奶咀佔左佢個面1/3呀, 哈哈!
上年靖天算訓足全程, 無喊無扭計…..
今年呢… 要走來走去, 見舅父點香, 又要吹熄佢….
還好, 呢一日天氣十分唔錯, 唔太熱唔太凍, 人亦都好少, 探太公都探得特別舒服!!! 
攝於2009年4月7日, 靖天剛15個月大
靖天大個不少了….. 討厭心肝, 大得咁快!!!! 
太公公, 太爺爺, 靖天明年再見你們了!!!!! 
(198)
哈哈, 時間真係過得快, 我都記得你舊年係forum到話要帶埋囡囡去拜山, 我地仲話bb咁細, 可唔可以唔帶呀….轉眼間…靖天大得仲快!!!
嗯嗯……
真係咁快又一年咯!
隻艇5月開啦…幾號就唔知…遲D熱D, 玩完隻艇仲可以游埋水TIM.
附近珀麗灣嘛…
哈哈…一年修哂身!好野!
唔緊要啦.. 特登去至好玩麻…. 再找日子去一趟專拍照呢 @@
我之前都有同CYRUS去影相呀! 幾靚幾多野影! 不妨去多次呀!!
除非隻艇對外開放啦~
還是等隻艇開左再去了…. @.@
你都超fit呢!
5月咁快? YOYOYOYO!!!!!
游埋水…. 馬灣?
O個個灘….. 游唔游得水架?! =.=