靖天: 『咁多飯, 邊食得曬架?!』

某日, 如常咁煲定o的粥水過靖天開奶用……

之後o的飯都會嘥左……

見呢一日天氣好, 心情好, 決定用o的白飯教靖天自己食野…..

還記得好耐之前已經知道靖天有意識用匙舀野食, 只係…. 心肝食固體既情況一直都時好時差, 但求佢肯食曬成碗粥仔 / 粉仔, 已經唔想再要求佢要自己食…..

結果, 心肝還是懂得用匙舀起食物 (其實係空氣多o的… ) 再放入口…. 準確度當然有待改進, 至少都肯做, 識做….. 已經十分托賴了……

技巧當然唔多得, 但有意識, 已經合格了…

開完食飯, 跟手學埋飲紙包飲品!!!  靖天嫌太無聊, 決定增加難度, 要自己飲…之餘, 仲要抽起枝飲管, 再篤返入去….

呢一日係心肝第一次飲維他奶啊!!!!

似乎心肝完全解理佢飲到係因為有呢枝飲管, 而枝飲管係要插入紙盒入面先飲到… 結果佢又抽起, 又篤入去… 來來回回數篇, 直至篤唔準, 就放棄了!

靖天: 『咁難篤既…. 都係就咁飲算咯!!!』

但見靖天食得咁可愛, 決定黎一個”自家playgroup”, 玩一o的痴立立既野 — 爛飯!

靖天: 『開飯未呀?!』

擺好個檔口, 心肝開始掂下, 篤下, 都十分斯文…

靖天: 『炒呀炒, 炒呀炒…… 』似足一個小廚師啊!

見靖天玩左咁耐都只係用工具, 媽咪決定收起工具, 教靖天用手去感受!!!!

搞左一陣, 心肝終於敢放隻手上o的爛飯度了!!

臨近尾聲, 心肝一如以往, 玩到成身都係…… 今次過份到將對腳放埋上個煲上面….  點解要咁做….. 都唔係太清楚…..

玩到成腳都係, 仲要係咁叫住”腳腳”

靖天:『我要幫隻腳敷個mask呀!』

心肝玩”痴立立”既東西已經好幾次, 比起早一陣子, 佢接受既程度真係增加不少….. 是好事, 但出到街, 又會繼續嗌”驚驚”…. 係練習未夠多?　還是扮”驚驚”?!

(86)

Comments

comments