靖天生病了 Day 2 [15個月篇]
生病的第二天…..
服過2日藥… 情況似乎….. 仲衰o的~~~~ 
09年4月15日, 星期三
第一晚服過3次藥後, 夜晚9點幾開始又慶下慶下咁…….
入睡的頭一個小時… 不停的咳….. 咳…… 咳…… 
最終又咳到嘔…..
感覺靖天喉嚨好痕好痕… 痕到咳, 咳到作嘔, 繼而真係嘔………
整個晚上都睡得不太好… 睡一會, 醒 一會…… 
醒一會, 咳一會…..
起來, 奶也只不過食左4安….
精神仍可以支持到在玩耍聽歌, 但雙眼明顯是不同了, 腫腫的, 滿眼淚光….
早上, 中午服過藥後, 似乎好了一點…. 燒退了, 咳也少了……
誰知到了晚上, 又黎過…..
今日食藥還可以… 始終媽咪比婆婆更狠… 沒有餵到周身係之餘, 似乎食得更”乾淨”….
可惜, 全日埋單奶吃不過十安…. 
再係咁絕食下去… 恐怕很快靖天就要到醫院打點滴維持營養了…..
討厭的燒同咳, 幾時才能離靖天遠一點….. 再遠一點?!
=================================================
經過多日超苦的退燒水折磨, 靖天離遠見到藥水樽已喊定先…. 抱佢埋餐枱, 已經踢曬腳想走…. 餵下去, 更加合實隻唇, 點撓都撓唔開……
結果, 唯有喝罵靖天, 等佢張口大哭… 再夾硬將藥灌下去…..
終於….
多日來的睡眠不足 + 壓力 + 屈結….. = 跟靖天一起痛哭!!!!
到夜晚, 婆婆餵藥後, 有意無意又講了一句說話…. 怪我生得靖天身子那麼弱, 累她每月都要食藥探e生……
是無心之說…..
但又再一次浮現年多前每天每晚每分每秒的懷疑與自責…..
也許, 我真的生錯了靖天吧?!
晚上跟友人說起… 她安慰靖天不是先天不足, 故後天只要多多努力定必能補救….
是真的嗎?!
其實…… 心很痛….
晚上爸B問了數個問題…. 我不是E生, 怎樣答?! 他埋怨, 我跟靖天共處了整整一天, 怎會不知道?!
我真的不知道… 要是我知道, 我才不會令心肝如斯辛苦……
其實…… 有誰能明白……
做人母親甚艱難….
做一個稱職的母親更難……
做一個令人滿意認同的母親, 難上加難…….
也許… 身理心理, 我根本還沒有預備好懷靖天…….
其實……可以點做先合格……
(523)
唔好對自己要求咁高啦, 小朋友病左都無法, 好多時都唔係大人可以控制到既, 病菌無處不在, 要搞搞震話咁易, 唯有在小朋友病時令佢地無咁辛苦, 訓多d休息多d ga ja…你媽要怪你生靖天生成咁, 不如怪佢平日無好好打好靖天個身子吧, 邊有得出事就怪晒是但一方
唔好怪自己，你已經好盡力去做一個好媽媽！我是由衷的欣賞你對靖天的那份努力和愛嫁！
靖天咁唔鍾意食藥水，其實你有冇諗過帶佢去睇中醫？我見有個蒙媽佢個仔仔又係好唔鍾意食西藥，反而唔怕飲中藥喎！同埋順手調理吓靖天，話唔定會有意想不到的結果。呢個媽媽可能你喺BK都會見過：宗熹媽
唔好氣妥呀~ 靖天你都要快d好番，唔好要咁錫你的媽媽擔心你喇！
加油呀~靚媽
雖然我未有小朋友
但每日睇妳既 blog
可以明白到做一位媽咪既壓力
亦可以感受到妳對靖天完完全全既愛
我唔知道可以點樣安慰妳
但只係希望妳會知道身邊有好多人都好支持妳 ga
加油 p^.^q
路人甲間唔中會響search返自己個名: frankstam
先至記得響呢度留過言(好明顯唔記得左做乜會有第一次留言)
睇左呢個blog一段時間，見到靖天大個左，今次仲見到媽媽自責添。
職業病令我覺得，人生百味係要由靖天去領略，今日病病，已經係對佢一種考驗，而不如意事亦係生命中必然會遇到既，靖天媽媽，你身心係咪預備好迎接靖天其實唔重要喇，因為靖天已經識行添喇。
至於令人滿意認同既媽媽，可以咁講丫，無呢樣野嫁。靖天爸爸、你、靖天三個人都滿意認同對方先係重要嘛。
向前看，靖天細細個病下，係吃苦既經歷，最終佢係會因為父母既照料而快高長大。見到呢度好多文字及圖片，我反而覺得靖天好幸福呢。
希望路人下次再睇呢度時，會有更多既歡樂啦。
anyway, 我今日又比老細插我無art work，再望到呢度，做乜版面精美左咁多嫁… …
唔好自責啦, 我由一出世開始病到大, 細細個又係成日發燒成日咳, 依家咪一樣肥肥白白, 反而唔知係咪細個病得多, 有好多抗體, 依家少病左好多…
小病是福, 靖天知道有你呢個咁錫佢既媽咪, 幸福都黎唔切啦…
做母親唔係一份工作, 唔需要用合唔合格黎衡量, 呢份關係與生具來, 只要你曾經付出無私的愛, 你已經係一個稱職既母親, 母女關係唔需要人滿意認同, 只要你地自己覺得寧馨自在已經好足夠, 努力加油!!
何需自責呢! 講到病，我個囝仲病得密過靖天，都未試可以有一個係完全無病……你可以用正面啲去想，依家病會加強她的抗體，都第時大過就無咁容易病啦。
天朗一見到餵藥針筒 / 匙都係會好驚咁走，於是某日，我將佢啲藥倒進佢個飯碗，再用飯食匙餵佢，他不知食得幾開心，食完仲好似唔夠想多食，好傻仔!!!! 你都可以試吓用唔同的道具餵佢，可能會好啲。
旁人的說話不需理會，靖天身子弱有時亦不是我們做母親可以控制得到。 靖天出生後你對佢既付出大家都睇得到，你成日帶靖天周圍玩、周圍學，唔通唔開心咩?
最後，我諗你有時可能真是俾自己太大壓力，試吓放鬆啲啦!
不要自責是最重要的啊 !!
曾幾何時 .. 聰媽都有自怨 .. 是因為我 .. 聰兒才會有這麼難醫的病嗎 ??
皮膚 + 鼻 + 氣管 超級敏感症 (每天也要聞苦到想嘔的類固醇) 是我的錯嗎 ???
但 .. 思前想後 @@@@
上天給這樣的身子予孩子 , 是希望從小磨練孩子吧 !!! 當孩子一天一天的長大 . 健康便回慢慢的向孩子走過來 !!
Add Oil
靖天也要加油呀 @@
唔好咁諗啦…
病左你都唔想, 何況生病從來都唔係人可以控制~
小病是福, 小朋友有時病下可以增強免疫力同抵抗力, 第時返學接觸到病菌有左抗體就反而無咁易病!
加油唔好氣餒呀!
冇一個定義的,亦都唔係每個小朋友一樣, 我之前都成日話自己唔稱職0架,但係你0地都成日話我0架啦,所以只要放開一點就可以,你已經做得很好,冇必要再怪自己囉
Hi Mama,
How’s 靖天? With Mama’s love and care, she will get well soon. My daughter also visited the doctor evey month since her 1st birthday :( U know she kept coughing for 2.5 months after going to DIsneyland and the doctor said it’s becuase I’ve serious ashma… Since the birth of my daughter, I’ve been blaming myself from time to time for not be able to look after her personally…for transmitting disease to her…for all sorts of things…and I know how tiring it is…so let’s add oil together and relax :)
咁衰既….. 素未謀面, 都俾你整喊到?!
謝謝你的支持與鼓勵, 辛苦, 還是會努力下去…. 我還等著靖天跟我說聲: Mama I Love you……..
btw… 人係進步麻, 要讚讚靖天爸b了… 版面係佢設計的啊!!!!呵呵…..
謝謝你, cat~~~
靖天昨晚高燒至102度…. 快痴線既我, 看到你跟frankstam的留言…. 很窩心…..
也謝謝你的鼓勵, 我明白母愛是無私的, 也許總有挫折的時候….會努力撐過去的….
天朗媽媽, 謝謝你的一番鼓勵…….
天朗要上育嬰院, 身體當然需要多一點抗體麻….
婆婆只怪責我把靖天”玩謝”… 沒有給她休息… 雖然我無…… @.@
燒左咁多日, 壓力是有的…… 愛莫能助既感覺, 其實好痛……
我明白… 也差點忘記聰兒的病更難搞…..
我會努力的… 靖天也該會!!!
謝謝鼓勵……
只係每月都好似auntie visit咁…… 好大壓力
謝謝鼓勵!
要一齊加油啊!!!!
原來係宗熹媽……. 好出名呢, 哈哈!!!
中醫… 會了~~~ 應該這兩天就會去試試朋友介紹的那個, 希望可以幫到靖天麻!
由你成日睇我個blog, 已經係最大支持啦, yy~~~ :)
唔………… 我都唔知講咩好……
總之, 心一o的都唔好受