靖天生病了 Day 5 + 第一次看中醫 [15個月篇]
醫師: 病成咁, 睇下仲有無得救?! 09年4月19日, 星期日
早一晚心肝嘔完3次, 朝早又嘔多次…. 就乖乖地在廳玩玩具, 看電視…..
咪咪磨磨, 終於鐵定出去一會朋友介紹的中醫…..
呢個中醫也算不上什麼名醫, 只係在該區什為出名, 不過朋友住荃灣都遠走紅磡看這位醫師… 相信都應該有返咁上下料子吧?! 
…
不過, 佢還算十級串…….
之前致電俾佢, 問佢營業時間, 佢竟然答: 同平時一樣囉….. (咁平時即係幾點呀?!) 
再問15個大既BB看不看 (怕去到空歡喜一場), 點知佢竟然話: 15日我都睇啦….
醫師, 問下o者, 唔洗咁串麻….
星期日的呢個早上, 未夠10點就去到 (印象中從沒有如此神心去睇一個醫生!!! 
) 已經有7-8個在排隊中…… 還好, 只係7-8個, 怕下午人會更多呢….. 還是早上好一點….
臨出門口前食過4安奶, 上車一會心肝已經訓左…. 點知上到屯門公路, 心肝開始咳…… 不停的咳, 越咳越犀利….. 心知不妙, 諗住拿拿聲幫佢拍拍心口, 點知….. 已經嘔了一小啖奶……. 快快幫佢抹下後….. 心肝又繼續咳…. 見心肝越咳越犀利, 諗住將佢由CARSEAT抱返起…. 已經來不及了…. 
心肝好似玩噴水咁, 係咁吐o的奶出黎….. 越吐越咳, 越咳越吐….. 連衫的衣領同埋CARSEAT的安全帶也濕了… 
最後不得不請爸B將車停下….. 還好, 在小欖附近可以將車泊在一旁… 爸B協助清理好, 給心肝換上外套 (還好, 帶左外套出街, 唔係心肝就敷住自己O的奶出九龍了!!) 再抱住心肝…. 等心肝可以訓得好一點…. 也不用繼續咳, 繼續作嘔……. 
還好, 好快就到步, 爸B先安排我落車去排隊…. 等左半個鐘度, 就輪到我地…..
心肝全程訓住咁俾醫生睇症….. 犀利犀利!!! 以為醫師串串的, 又唔係啊, 仲好nice好細心…
把過脈…. 醫師就問:
夜晚係咪成日踢來踢去無時停?! ————– 中! (咁都知?!)
係咪有咳咳?! ————– 中! (無可能錯啦!)
係咪嘴唇乾乾, 成日想飲水?! ————– (諗左陣) 中! (平時零清水的靖天, 呢幾日竟然開口要飲水, 仲唔叫中?!)
然後醫師就係咁寫寫寫…..
趁佢寫, 我就將過去一星期發生既野由頭講一次俾醫師知…… 發燒, 咳到嘔, 無胃口….
然後醫生話: 佢肝肺都好熱氣, 積住o的熱o係入面, 加上燒左咁多日, 個肝又熱又頂住脾胃, 點會有胃口… 開兩劑藥過佢食, 食左應該好好多了….
爸B呢個時候問: 佢胃口咁差, 飲o的開奶茶好無?!
醫生話: 唔得唔得, o個o的唔飲得住….. 我開呢服藥已經可以幫到開胃, 搞掂呢度先….
如是者, 醫師開左兩日藥俾靖天, 承惠160個大洋!!! 又唔太貴啊!!!
之前輪到爸B睇埋…. 把完脈講既, 又係100%中曬….. 
又係開左兩服藥, 承惠150個大洋!!!!
然後就一家三口返屋企….. 煲藥去!!!!
其實咁複雜既野, 其實當然要找婆婆幫手…..
心肝的那服藥認為複雜… 將四碗半水, 煲埋七分, 仲有一小包藥料, 要o係碗剩2碗水時後加的…… 還好有靖天婆婆, 唔係都唔知點算…. 
放下靖天, 爸B同媽咪就出去食少少野…. 買返o的日用品…. 茶實係想賣甩靖天, 唔洗餵藥…
幾個小時後, 以為婆婆已經搞掂…. 點知婆婆話o的藥太苦, 餵唔到….. 要我將餘下的一半自己餵埋佢….. 
回到婆婆家, 一試o的藥…. 咁苦既?!
醫師, 你又話帖藥甘甘甜甜易入口?! 玩野呀?! 
一早出去睇醫生, 俾左錢, 藥都煎好, 點都要食曬…. 結果, 媽咪同婆婆夾手夾腳, 將碗藥餵光….
足足用左….. 半日時間…. 分左十幾次, 分左幾十筒針筒咁灌心肝飲……….
一路餵, 婆婆就一路鬧, 話個醫師唔得, 俾o的咁苦既藥BB飲….. 其實應該佢最心痛吧?! 餵到尾尾, 都唔多想餵….. 因為心肝全程極度反抗, 幾乎180度”R”腰, 喊到合實個嘴黎喊…. 結果我地要夾硬”撓”開佢個嘴先吱到o的藥落去…….
殘忍吧…… 真係好殘忍….
傻姨衰到一見心肝食藥就走入房…. 話我地咁好唔殘忍………. 鬼唔知咩?!
餵藥呢幾個鐘, 心肝足足換了3件衫…. 每每食藥都因為爭扎而出曬汗… 作作T-Shirt都汗透似的…… 做靖天媽媽的心痛吧? 痛…. 但可以怎樣?! 由她不吃就不餵, 由她的病一直拖完又拖再食返西藥?!
==================================================
其實在爸B同媽咪外出期間, 心肝食左半碗藥訓的一個午覺… 婆婆話心肝訓得異常平靜, 沒有碌來碌去, 沒有好快就扎醒….. 奶也肯吃下5安, 又肯吃上少少燉蛋…. 人也沒有前幾日的忟忟憎憎….
因為咁, 所以先如斯堅持心肝要將藥喝乾….
黃昏時吃過整碗藥後, 發現心肝不斷冒汗….. 頭仔永遠都好似沖完涼無抹乾身似的….
跟傻姨玩了個幾鐘… 婆婆跟心肝沖左個涼… 汗都不停的冒出來… 剛沖涼, 轉頭又濕透…
婆婆話, 心肝燒左咁多日, 一滴汗都無 (對, 真係搵半滴汗都無, 點熱點焗都無汗!!!) 依家肯出汗, 是真的痊瘉的徵象了!!! 
是因為那碗中藥? 還是心肝咁o岩呢個時間自己好返?! 不能100%說實…..
然後, 晚上七點多, 心肝又累極入睡…. 因為心肝一路訓一路冒汗… 加上天氣濕濕立立的, 婆婆怕佢出左汗又攝親, 所以決定開少少空調, 等屋企涼爽少少… 再跟靖天蓋上被子.. 就由她睡個夠……
一睡, 就是晚上的11點多…… 因為我們睇金像獎太吵了… 心肝也給吵醒….. 
回到家….. 吃過5安奶…. 一會心肝又繼續睡下去……… 到天明!!!!
==================================================
早上醒來, 爸B話心肝整個晚上都沒有轉身, 印象中心肝打從識轉身開始, 都未點試過可以訓得咁定….. 
除左初入睡的時候咳了幾聲…. 整晚都沒有再聽到心肝咳…
早上醒來要奶… 吃過5安也沒有咳到嘔……
然後就跟爸B起身東玩玩, 西搞搞…..
病, 似乎好了9成….
剩下的只是胃口同埋杰杰的痰……
還看今午婆婆餵心肝服第2帖藥後的效果如何再決定下一步吧……
==================================================
(733)
我都係住紅磡架 , 我仔仔又係成日病 , 睇西醫又唔多有效咁 , 可唔可以比紅磡中醫既資料比我呀 ? 十萬個感激 ……………..
your email please?
can u give me also, fionwmw@hotmail.com
sent
why you just now sent the name not 長X?
It should be 長x and the doctor name is 陳xx. please check email again!
麻煩妳可唔可以send個紅磡中醫資料比我thanks!!
email: lucky2candice@hotmail.com
sure1
紅磡中醫….我由細到大都住係紅磡唔覺既
係唔係叫長x…如果係我覺得mama姐
係呀…..
係長X呀~!
麻麻地?! 噢…. 可能唔夾?!
可唔可以send個紅磡中醫資料比我thanks!!
可否留電郵?!
電郵: chui_apple2001@yahoo.com.hk
thanks!!
sent!~
好多謝你的回覆!
不用客氣啊!
我都一樣係無意中睇到你個blog, 希望你都可以比紅磡中醫既資料我,可以嗎? my email: kikirain@hotmail.com 十分謝謝!
己發;
妳好呀! 我都係無意中睇到你個blog, 可唔可以比紅磡中醫資料我呀, sukilai_112@hotmail.com, 唔該哂你呀!
好呀~
妳好呀! 我都係無意中睇到你個blog, 可唔可以比紅磡中醫資料我呀, ssballball@yahoo.com.hk, 唔該哂你呀!
同ＢＢ餵藥真係好慘，係大人同ＢＢ都好慘，靖天要叻叻，身體健康就唔駛食藥啦！
妳好呀, 我誤打誤撞睇到妳個blog, 可唔可以比紅磡中醫資料我呀, 我同阿仔都受緊濕疹之苦, 想試試看中醫, lotus88lily@yahoo.com
many thx! :)
陰公囉,病咗咁多曰,靖天好番你鬆口氣囉!
是玫瑰疹嗎？
Would You pm me to let me know the chinese doctor detail? I really want my son sleeping well at night too!
please email the doctor detail to me, thank you very much. thanks.
查實我都想帶聰兒去睇中醫架.. 可惜佢既 G6PD 令我卻步 @@ 唉
希望呢個醫師幫到靖天啦
原來靖天之前病左, 希望她好快完全好番曬, 精靈活潑兼胃口大開。 靖天&靖天媽咪加油!
唔好意思呀, joyce~~
約會可能要告吹….. 但願靖天可以快點好返!!!
會有影響的麼?………………..
暫時, 好似幫到少少啊
簡直係詳細過新聞報導。
不過呢位大夫似乎好勁！可以執到一劑令靖天出汗到換3件衫既葯，咁大運動量，乜病菌都走晒出唻啦。
大夫話葯味甘甘地之說，我記得所有中醫師包括涼茶鋪既解話都係搵笨既，因為傳說個人有虛火就飲既野會有苦味。
聽到靖天漸漸好番，路人甲相當高興！
出汗係好事黎
希望靖天快d好番!
希望靖靖快D好返啦！
有時見到Ｄ宝貝病真係好心痛,調理下,好快就變返隻活潑ＢＢ啦。
有好轉就好啦!!!
辛苦D就值得!!!!
加油!!!加油!!!
靖天有好轉，辛苦都值得！
醫師係電話裏頭的對答串得好好笑呀！XDDDDD!
睇完呢篇卜, 個人真係安心晒………. 靖天加油呀………快d好番………….. 做個百厭星……..
我個女唔舒服時,都係一D汗都無,,,所以, 我寧願佢一身大汗……你個女係咪睇虹橋嗰個中醫呀??佢超勁架…..希望靖天身體健康, 快D好番~~
謝謝有心…….
希望靖天可以快快好返吧
Becky你實在太有心了……..
謝謝你啊!!
我都希望靖天可以快一點好返~~~~
出身汗, 應該真係會快點好…..我都信
唔係虹橋呀…..
出左九龍睇啊!!!
感謝路人甲的鼓勵…..
呢位大夫都算係咁…. 吃過兩帖藥, 已經好返9成半…
餘下既少少痰, 同埋胃口改善
相信都係持久戰…
還望可以快快搞掂…
好想同靖天去街啊!!!
乜咁夜唔訓呀?
謝謝米b 媽的慰問, 太窩心了!!!!
謝謝你啊, 真的謝謝關心啊!!!
出曬力咁, 加曬油………..
真係好想佢快快好返呢!!!
我email你丫~~~
謝謝有心, 應該不是了
退燒已經第5天, 還沒有發疹
你的電郵?!
唔知該e師e濕疹如何?!
不過我e左你喇~~
謝謝你啊!!!
可以的, 希望幫到你~~~