信不信由你 — 靖天向高空發展
某日下午, 突然收到婆婆電話…
佢話靖天俾舅父仔發現無故坐左o係佢張床到玩….
平時舅父仔都會俾靖天入佢亂到十彩既房間都玩…..
點知呢一日, 舅父仔如常咁抱左佢入房, 跟住就顧住上网唔理佢… 
轉個頭, 就發現靖天坐左o係佢自己張床上面玩公仔…..
車…. 咁咋麻…
只係舅父仔依家既睡房, 就係以前靖天媽媽”做女”時住既地方…
成間房既設計, 都係靖天媽媽一手”設計”, 包括所有床, 衣櫃, 枱既高度, 闊度, 都係媽咪要求訂造的……
咁有咩特別呀?!
特別, 就特別在張床既高度…..
屋企樓高8呎半…
張床既高度剛剛係媽咪坐o係度既”身長”
可以想像.. 以我咁既高度…
其實床上既空間係幾咁窄…
咁又點o者?!
即係… 床以下既高度 / 空間就會多一點
如果要搵條梯擒上去… 都有好幾級要走…
再者, 此梯設計活動式… 即係… 又窄又斜….
講咁耐想講乜….
咁… 靖天無緣無故點解會o係舅父仔張床?
但舅父仔堅稱話佢無抱靖天上床…
即係佢自己爬上去?!
無可能!!!!!!!!!!
靖天步行能力雖強, 亦都走過百多級樓梯
但以呢張床既梯斜度同埋高度
心肝根本無可能爬得上去!!!
原先婆婆都話舅父仔講大話…
點知佢地真係抱返心肝落地, 要佢爬一次…
結果, 婆婆同舅父仔8對眼 (對, 兩位都係大近視的!)都見到心肝
一步步的爬左上去…
床上既高度剛剛夠靖天企, 結果.. 心肝就超興奮!!!
晚上, 我地決定要靖天爬一步証明…
結果……
片中所見, 級與級之間既闊度根本就唔足以令靖天爬到上去…
所以就我同爸B所驗證… 靖天係失敗的…
係因為有相機影住所以分左心?!
還是根本係婆婆同舅父仔o係度吹牛?!
不過經此一役
舅父仔既房門就要長關…
一個唔小心, 靖天真係爬左上去, 又唔覺意跌左落黎…
就真係唔入醫院都唔得….
還是小心一點較好!!! 
(218)
ANSON最近岩岩識得喺bb床自己禽出黎!
嗶, 如果真係爬到咁高好危險啊, 真係估佢唔到咁厲害~~~
所以房門要長關了…….
婆婆屋企大過自己屋企, 有時睇唔到咁多…..
嗚…………..
有時BB嘅能力, 你真係估佢唔到 !!
人前做唔到的, 往往係人後就發揮佢小宇宙. 小心D好, 所以你決定長關門係啱 !!
靖天好大膽啊 !!! 咁高喎 @@ 真係驚人 !!!
傳說中既最年輕既本港女運動攀選手？
anyway, 舅父同婆婆加埋係8隻眼咋，如果8對眼就變左做… @_@
收到靖天媽媽響我個sina blog 既留言。我都好開心呢。
我相信靖天婆婆同舅父唔會講大話!! 舅父間房高危哦~ 要關門了…..
話唔定靖天知道張床係你做女時瞓過, 要上去索下你”陣除”喎…..
Unexpected!The power of a little girl!
好犀利!!!
我都唔想關門, 不過睇佢唔掂真係…. 唔好搏囉
係啊!!
啋……….
我其實未見過都唔知真定假, 不過即管信信婆婆同舅父啦
不客氣!!!! 希望多交流麻!
唔係啦, 亂講!
犀利曳曳?
遺憾我未見過~~~
我其實想佢爬下, 但無人見到就… 好危險呢
咦….. 依家俾舅父講, 好dirty呢
怪唔得跌落床了!