靖天上學了 @ 幼潛第7課
靖天: 『落雨濕濕, 唔返學可以麼?』
燒左5日, 以為星期六都繼續燒到上唔到堂…. 點知早一日已經退燒, 今天精神還不錯, 只係痴身一點, 累一點… 可以一齊上學去……
練習一 – 兒歌 “拉拉手”
練習希望可以培養小朋友既社交能力, 初時小朋友跟父母練習都無問題, 到要搵partner練習時, 小朋友們都唔多願意…. 係男女授授不親卦?! 
拉拉手, 拉拉手,
拉個圓圈慢慢走, 慢慢走,
放開手兒拍拍手, 拍拍手!
(放開手兒坐下來, 坐下來!)
練習二 – 飲食訓練提升 (用匙舀食物)
先用匙食”星星餅”, 繼而食香蕉仔… 看似容易, 其實又好似好難…..
靖天還好都做到… 不過就只可以舀食物入口, 但就唔可以自碗上舀起食物…
(厭食成咁, 仲有咩期望… 
)
練習三 – 小腿上肢訓練
張姨姨用膠墊扎起, 做左幾個唔同高度既”梯級”, 要小朋友”由低學起”. 張姨姨話其實小朋友已經15個月, 係時候要學習點樣上落樓梯, 咁o係屋企無樓梯, 就可以用o的鞋盒 , 軟墊, 櫈仔, 等佢地可以多訓練小腿上肢 (即係大脾?!) 既小肌肉.
***** 課堂趣事 *****
今堂唯一一個令爸B同媽咪哭笑不得既小趣事, 就係茶點時間既時候, 以往心肝都係九秒九咁舉手要攞餅…. 但今堂因為心肝仲病病地, 出去上堂又無o係車休息夠… 結果, 就呆呆滯滯, 見張姨姨攞罐星星餅”揚下揚下”都無反應… 最後張姨姨忍唔住同靖天講: 整乜今日反應咁慢架?!
WELL…… 我地都唔想……
***** 課後感想 *****
呢一課心肝一o的都唔投入, 仲有點呆滯… 知道是因為太累 (食藥後遺症)一陣已經熱起身來….. 還好, 點名時會叫”到”, 收到張姨姨的茶點會說”謝謝”…..
係咪因為已經熟習幼潛既課程? 還是靖天忽然長大? 硬係覺得課程既內容忽然好難, 難到都唔想教靖天… 一係就好易, 易到唔洗教都識…..
課程當然有深有淺, 教與唔教既同時, 其實都俾左個機會爸B同媽咪, 知道差不多年紀既小朋友, 該學 / 不該學些什麼…. 
(153)
食左藥 .. 呆是必然的呢 @@ 靖天還願意叫 “到” 及 “謝謝” 已經好叻叻了 !!
應該都係關d藥事既啫…
嗯, 剛燒完, 係會慢少少, 嘻
對! 有時返PG, 係比個途徑家長學習,要教咩/點教小朋友多D……
謝謝聰媽窩心的說話….
都係, 上堂已經算係咁咯
全對全對!