『遲早都識架啦~~~!!!』
靖天: 『搞咁多野做乜丫, 遲早都識架啦~~~!!!』
媽咪有閱讀朋友网誌的習慣, 也愛上BK看看東看看西….
什麼年紀的寶寶也愛看…. 看別人的网誌, 總會給自己多一點靈感, 如何教導靖天…
初出世的bb, 話題總環燒, 有無食人奶, 食到幾多安奶, 依家幾重….
3個月開始, 大家就關心幾時會轉身, 幾時可以坐起來, 食固體食物未呀….
接近一歲, 父母既話題又會轉到識行未, 識byebye未, 識kiss未…..
好喇, 到左一歲, 又會聽到坊間流間研究 bb識認顏色未, 識配對未, 識講野未, 識A-Z未, 戒片未, 識自己食飯未, 戒奶咀未, 識做家務未, 食飯仔未…..
然後, 又會發現, 當自己既小朋友學識”神乎其技”後, 就會客套話: 我寧願佢爬多o的咯… 我寧願佢食多o的咯… 好蠢架咋…..
又當自己小朋友未如鄰家既小朋友乖巧時, 就會跟自己, 朋友, 親友說: 怕咩丫, 遲早都識架啦….. 我又唔擔心…爬多o的好…. 食得好咪仲健康….
作為新手媽媽, 老實說, 我絕對希望靖天”使命必達“!!!!! 古語有云, 執輸行頭……
然而, 身邊就只有自己係咁想… 跟婆婆談起靖天還沒有學懂xxx 還沒有xxxx, 再加多句, 隔離街何c9個仔已經xxxxx 靖天好蠢…..
婆婆永遠都係一句: 要咁快做乜丫, 遲早都識架啦~~~~!!!!!
媽咪永遠都會反駁: 快o的識, 叻o的, 唔好咩…..
婆婆又永遠有佢格言: 咁早識左, 佢人生好dry架!~~~!!!
『 …………………………………. 』
彼此既比較, 永遠都沒完沒了…..
在平衡自己唔好與人比較既同時, 咁究竟….. 應該點”教”靖天呢?!
如果真係遲早都識… 理應真係無乜得教…. 所有野都可以隨心隨意任由佢發展…..
咁…… 即係可以點?! 
(152)
當我好懶唔想教時…
當個仔教極都唔識時…
我心中就會出現呢一句 ~ “遲早都識架啦!!” 黎安慰自己…呵呵呵!!
i love yr mama ~~ yeah ~~
哦 … 婆婆又講得啱既 !! 遲早都識 !! 但就唔係咩都唔做 ; 咩都唔理 @@
只係 你想佢學懂的事 就照教 .. 佢做唔做到 , 表唔表現到出黎 就唔好理住 !!!
靖天唔駛出黎 , 係佢覺得未係時機吧 .. 其實你教佢既 .. 佢已經係腦海裡面 .. 已經識左 !!
呢 d 真係唔係廢話黎架 .. 想當年 .. 就算依家既聰兒都係一樣架 …
總之 .. 盡量唔好同人地比較啦 , 盡量教佢你想佢學識既野 .. 但 .. 回報 … 唔會咁快睇到 @@
要靜心等待啊 !!!
婆婆又永遠有佢格言: 咁早識左, 佢人生好dry架!~~~!!!>
依句好正呀!! 佢講得又真係幾有道喎！ 不過, 我自都想天朗可以學多啲，佢依家仲未識講嘢呀 >_
其實，幾時學識都係好睇個小朋友學嘅始終係佢，父母都只係幫助佢去學，你肯教佢未必肯學，我覺得係要在放任同催谷中取得平衡，而家好難可以唔比較，因為始終都係要比！
其實係o岩架…..
不過……. 唔………..
男仔慢少少啊… 真架真架!
對啊, 唔比唔比, 點都會比一比……
你講既平衡點… 好難, 好難~
哈哈……. 我都係架喎