靖天上學了@ 蒙特梭利親子班 [課堂討論問題掫要]
終於記得早幾堂家長們分享過既問題….
其實上左好幾堂, 家長們問既問題有o的都好有意思…. 不過一返到屋企就唔記得曬…. 終於呢一日靜靜地, 諗左好耐, 嘔返少部份既問題分享出黎…….
假以時間忽然記得, 會繼續更新.
點幫BB戒奶咀?
我分享左我既方法, 不過老師話可能激左少少, 或者可以考慮用o的溫和少少既方法代替, 例如俾條紗巾佢咬, 等佢滿足到個嘴同時, 唔會咁依賴個奶咀.
幾時應該幫BB戒片?
其實可以唔洗咁急住, 2-3歲開始進行也未遲, 至少佢聽得明, 講得服 (跟住講左好多理論, 返到屋企唔記得曬)
其實小朋友應該幾時學認顏色, 玩配對既玩具 / 遊戲?
3歲後學, 亦未算遲, 因為到時佢地有足夠能力去理解, 可以學得更快. 依家呢個時候, 重點放o係”改造”BB既性格更為重要.
席間有一個18多個月大既小朋友, 佢既中文語言非常棒, 識得駁嘴, 乜都識講, 佢媽咪就問老師, 幾時可以教佢英文?
老師話從小朋友既反應同埋表現, 都十分肯定佢學語言係絕對無問題, 可以多加一個語言俾佢學習, 只係既然佢學語言都完全無問題, 其實又唔需要急住去教佢其他方言, 反而睇到小朋友既性格較倚懶媽媽, 宜多加注意
究竟應唔應該同小朋友講”BB話”? 講BB話係咪真係會影響到佢語言發展? (席間更有爸爸分享成日叫自己唔好講, 但一對住個囝又不其然講左好多BB話) 
如果BB話指既係疊字, 其實對於小朋友黎講反而係一件好事, 因為中文上既疊字, 有增加語氣, 加強印象既幫助, 講疊字某程度係可以令小朋友更深刻該字/詞點運用; 但如果BB話係指”un古古”, “bu-喳”, 呢o的無特別意思既文字, 咁則少講為妙
老師又帶出其實好多教育家 / 幼兒教育學者都唔會就呢方面作任何批評, 好多時睇書話唔好同小朋友講BB話, 都係出自一些”媽媽奶”的作者, 原則上, 係無乜理據証明講BB話會令小朋友學語言差的.
(213)
咁可唔可以分享一下 點戒食手指呀 @@@
我都頭痛緊點幫個女介毒(奶咀)…唔食奶咀改紗巾?????? 到時會唔會變咗要介紗巾嫁…妖 @@
睇咗啦….靖天好叻喎, 其實我地之前都試過介, 但只堅持到一晚囉..佢大喊, 真係全屋人冇得瞓, 大佬呀~公公,舅父要返工, 真係冇計要屈服囉.
下次等我試吓講故仔先…hehe !!
老師話唔會喎………..
不過呢, 我之前幫囡囡戒左架喇.
你可以參考下:
http://brfamily2008.mysinablog.com/index.php?op=ArticleListing&postCategoryId=179005
唔得架, 戒奶咀一定要堅持架…
佢喊幾大聲都唔好心軟
其實最好係放假戒 如星期五 – 星期日
咁應該會好少少, 至少佢夜晚喊, 嘈, 你地都唔會第2朝返工無精神麻
最多下堂幫你問下喇……. :(