靖天: 『仲以為爸B你唔黎添…..』

最後一課, 感覺怪怪的….. 是有點兒唔捨得吧?!

最後一課, 爸B最後都能安排到假期, 跟靖天上上堂……

最後一課, 由Ms Daisy主理…

沒有大量相片同埋video, 一來帶左細細機, 二來因為見到Ms Daisy, 心情輕鬆一點, 又想問下問題…. 加上爸B在旁, 顧到靖天又顧唔到佢…. 還是少影為妙…. (其實最重要係… 我們遲到了…  少左Warm-Up Time, 就影少好多相囉…. )

呢一課, 感受最深莫過於靖天既獨立性….

整整75分鐘的工作時間, 心肝只係走埋黎望左我幾眼… 無扭計, 無喊, 無要我抱… 搵到o的新奇教具, 就攞俾我睇, 俾我望一望就走左去….

到Circle Time, 心肝跟上一課一樣, 第一時間走到老師身邊, 等唱歌…. 另一個同學仔更加o係老師既籃子入面攞左隻Bumble Bee出黎, 靖天一見小蜜蜂就發狂了!!!!

90分鐘既課堂, 只係最尾10分鐘支持唔到, 要我抱住佢同埋開始扭計….

也不得不承認, 呢個Playgroup總有佢成功之處…

雖然心肝在家未能好似課堂咁獨立起黎, 但至少… 佢其實已經慢慢在適應著…. (雖然已經最後一堂….. )

入到課室一陣, 心肝即刻搵返佢O的”朋友仔”出黎…..

課堂後, 決定鼓起勇氣問了Ms Daisy靖天有否特別問題, 或需多加注意的地方….

答案竟然跟第一課佢講既一樣: 還是比較擔心佢既身體狀況, 見佢面色還是不太好; Motivation好強, 對身邊所有人與事都好好奇, 好想將o的野塞曬入腦, 學曬佢, 不過佢唔知應該點學, 點將o的野塞入個腦. 但係如果身體唔夠好, 就會影響到佢學習; 佢學習, 發展等完全睇唔到有什麼問題, 不過身體 / 面色就真係要留意下…..

有少少意外係因為答案竟跟第一課一樣, 係Ms Daisy真係觀察到靖天既問題? 還是佢備左課, 未上堂已經”背左答案”?! 我還是選擇相信前者…..  係講得通的…. 面色不好, 自出世已經有數以百計既人咁同我講過… 成日病會影響學習… 就因為上個月心肝病左2個多星期, 完全感覺到佢在退步中… 至於Motivation係咪真係好強…. 唔識睇…  當佢係算…

還有呢個”吱水”….. 是心肝其中一個最愛啊!!!!

課後, 有數位家長已經問Candy有關續班事宜… 因為早前知道朋友仔發生o的不太愉快既經歷, 也不奢望中心真係幫我留左個位 …. (而又無俾deposit), 誰不知…. Candy問我仲要唔要個位?!  

其實發生”邱老師事件”, 對此中心信心已經大減….. 但今課看見靖天”忽然長大”, 又確實想跟她多續一班, 等佢可以多多學習… 呢度既師資實在是見人見智, 但環境, 暫時真係搵唔到一間好似兒童無限既課室咁… 咁多天然光, 咁舒服, 咁大……  

又正如校友仔所講, 出面都真係無乜邊個playgroup係可以接受小朋友搶野, 衝突, 而家長同埋老師係唔會出現過敏反應….  去到邊, 只要小朋友微微動手, 身邊既大人已經0.001秒加以阻止, 呢一樣係我最討厭見到…. 無論靖天是打人還是被打… 小朋友, 係需要學習如何面對衝突麻!!!!!

問了Ms Daisy意見, 看看心肝是否有需要續班, 結果….. 佢話: 呢o的睇家長既o者….  (即係又推返個波俾家長….. )

此相特別之處, 係由靖天小朋友所拍……
佢完全捕捉到每個媽咪同埋Ms Daisy既神情同埋專心…….
不過依家加工左, 看不到了…..
心肝, 您實在好犀利, 影到一張咁出色既相, 仲要無手震!!! 第日搵你偷拍一流!

========= 今日課堂的小討論 =========

同前幾課一樣, 都係圍個圈子問問題…… 爸B第一堂出席亦都係最後一堂, 我建議佢問左一個佢成日問但我又唔識答既問題: 點解靖天成日大巴大巴打佢?!  

問: 點解靖天成日大巴大巴打爸爸?!

答: mS dAISY問左我地一連串問題, 思考左一陣, 就話其實靖天已經揀左佢心目中既對象去模彷, 簡單黎講即係佢既”偶像”, 由依家至到佢6歲, 佢都會跟住佢既”偶像”去學習, “偶像”做乜, 佢就會學乜/做乜… 雖然”偶像”同爸B關係好深, 但看在靖天眼裏, 佢覺得有人想搶左佢個”偶像”, 霸佔左佢既”偶像”, 結果, 佢當然唔會鍾意, 什至會表示不滿…..

爸B唯一可以做既, 就係要IGNORE佢, 當靖天打爸B時, 爸B就應該完全不表任何反應, 連小小不滿, 或者眼神對望, 都唔應該表露出黎, 因為爸B反應較大 (會叫痛, 什至扮喊), 看在靖天眼裏, 佢就覺得好過癮, 因為呢個人識得叫”痛”, 識得”喊”, 結果, 佢就更加習慣見親佢都打爸B….

媽咪亦反問, 點解身邊大多數BB都較與爸爸親, Ms Daisy卻指個個小朋友不同, 靖天選擇以”敵意”黎”處理”跟爸爸既關係, 實在沒有辦法…. 唯有爸B錫媽咪時, 也需要連靖天也錫埋… 即係爸B對媽咪做乜, 也該對靖天做一篇, 等佢慢慢明白, 其實爸B不是想霸佔媽咪, 而係想同佢分享媽咪….

感想: 同媽咪想既大同小異, 只係無諗過心肝揀左我做模彷對象…. 也開始明白點解其他人教佢, 成效似乎遠不及自己親自教佢…. 也開始理解點解心肝咁鍾意”我講乜佢講乜”……  包括”粗口”…..  又要身教?! 可唔可以言教就算…….

其實錯, 不在爸B; 並不是爸B要親親媽咪, 而係媽咪鍾意痴住爸B….. 然後, 心肝就以為係爸B想搶住媽咪, 結果….. 害左爸B了…..  也但願待心肝再大一點, 會慢慢明白, 爸B愛佢, 同愛媽咪, 是一樣的~~~~~

問: 小朋友鍾意用手”渣” / “拿”食物, 應該點教佢地用餐具食飯?

答: 劈頭第一下就俾Ms Daisy反問”點解要教?! ” 佢地用手, 因為佢地仍然在發展手既觸覺, 感覺; 佢地唔肯用餐具, 因為佢地既手仔未滿足, 對餐具亦都未準備好, 夾硬要佢地學用餐具食飯, 只會令佢地抗拒餐具, 抗拒食物, 亦都減低左佢地手仔既觸覺發展.

(咁應該點算?)

在身邊做俾佢睇, 就足夠了! 照準備餐具俾佢地, 但乜都唔洗教, 只需要在旁示範, 如常咁進餐, 到佢地有一日準備好, 自然會攞起餐具自己餵自己食野…..

感想: 一早明白, 正如心肝, 成日都用手”渣”食物, 都理解佢係想發展手部既觸覺, 但係又好擔心, 俾佢渣下渣下, 渣到大, 佢都仲係唔識用餐具食飯….. 雖然Ms Daisy話終有一日佢地會用餐具….. 但係…. 究竟要渣幾耐? 心肝大大話話都渣左好多個月喇…. 到今時今刻, 都仲渣緊….  搞到成個野人咁… 再唔係食餐飯都成身污污髒髒咁… (好似乞兒耶!!!!)

問: 點教小朋友除褲仔?

答:  又俾Ms Daisy反問我地會唔會俾卷”廁所”佢拉… 當然大家都擰頭… 然後Ms Daisy就話: 連最基本”拉廁紙”既動作都唔識 / 唔俾佢地做, 佢地點識”拉下褲子”? 點會感受到”o個下力”…..  

感想: 聽完大家都”叮”一聲…. 不過結果還是扁扁嘴… 怪唔環保, 又怪好麻煩….. 又係既… 好地地一卷廁紙俾佢”拉”爛曬就好難用到… 又唔知佢要”拉”幾多卷先識”除褲”…. 但係Ms Daisy又講得好o岩… “拉o個下力”, 點教都唔會明唔會識, 如果借左其他工具 / 方法, 就會變得更易明… 問題係, 我地做家長會唔會去試…… 問心… 實在有點兒豫疑….

問: 小朋友玩來玩去都係同一個玩具, 玩足咁多個月都唔厭, 家長應該阻止嗎?

答: 又俾Ms Daisy反問點解小朋友要咁做… 在這之前, Ms Daisy已經一而再, 再而三叫我地唔好將個重點放o係文字上, 而係需要建立小朋友既自信同埋性格, 呢o的比學好文字, 學好語言更加重要, 更加難….

不停反覆玩同一個玩具, 其實代表小朋友在訓練自己既自信心… 而自信心, 可以係”無底深潭”, 今日佢做到Step 1, 有左自信, 明天佢學習Step 2, 做到, 信心又更多… 到佢有一日做到曬成個程序, 佢信心當然棚棚聲…. 但既然完成到, 點解仲要繼續?!

就因為佢地既信心未夠強….. (咁點先知佢要做幾多次先夠強?!) 無人知, 得佢自己知….. 到佢有一日真係好有好有信心, 佢自然會轉去玩第2樣教具… 又繼續建立佢自己既信心…

我反問: 會唔會因為玩第2個有挫敗感而唔願意去試新野?!

又俾Ms Daisy話如果o個樣野係會令佢產生挫敗 / 失敗感, o個件教具根本就未適合俾佢玩, 唔該收返埋佢……

咁點知咩玩具o岩佢玩, 可以幫佢建立信心呀?!

唔知道, 所以其實應該用自理能力入手… 例如教佢扣鈕子, 除襪… 呢o的實則既野, 佢會慢慢學習做到 (又唔洗錢….. ), 佢做到, 自然會愛上, 咁就唔洗擔心佢做唔黎…..

感想: 又中….. 買”配對圖”俾佢, 佢永遠都唔會玩….. 俾個”錢箱”佢, 佢就可以入幾個字錢唔出聲…. 仲會拍手掌, 仲想同人分享…. 應該是”自信心”問題吧?! 又係既…. 心肝自從俾我地讚過佢除襪後要放回鞋櫃, 依家每次回家除襪後就會自覺收拾不用提點… 也應該是這個原因吧?!

問: 如果我們需要身教, 咁如果我地唔表露俾佢知我地有壞脾氣, 小朋友係咪就學唔到?

答: 當然係錯… 小朋友係好敏感好敏感….. 如果你唔開心, 佢一定感受到. 所以教小朋友唔單止要表面開心, 連內在亦都要一致….

感想: 成日覺得靖天對我好敏感, 佢真係好似會感受到我既開心同唔開心….. 如果我緊張, 佢又真係會表現得比較扭計…… 如果我心情係愉快, 佢都會笑多一點…… 咁如果我

其實仲有o的說話係好有意思….. 但係玩左兩日, 到靜下來時, 已經唔多記得……

上畢8堂兒童無限既蒙特梭利親子班, Ms Daisy講野一針見血o的, 下下都吉到你正一正…. 邱老師講野”大體”o的….. 中肯得黎… 有時感覺會較General….. 兩位都係機構主辦人, 自然有佢地獨特既Fans…..

作為蒙特梭利既支持者, 其實機構既”課室”, 先最吸引我…..

坊間相關既Playgroup實在少得可憐…. 希望有緣再見喇, 蒙特梭利……

(354)

Comments

comments