靖天學講野 [15個月篇]
靖天: 『講野咋麻? 無難度啦…. 媽咪你唔好到時又嫌我煩想我收聲就好了!』
呢一晚, 坐住爸B車回家途中, 見心肝眼仔碌碌….
決定又教下佢講野…
所謂教講野, 其實都係O的無聊野….. 
見心肝一直都唔識英文… 所以由基本學起…
學講”YES” 同”NO”…. 
原來心肝已經懂得NO的意思… 邊個教過佢, 唔知道… 
咁講YES呢… 講到, 仲要好搞笑…
但明唔明點解, 似乎仍有待練習….
靖天真係唔肯講”媽咪”…… 不過竟然講到”YES“……
咁”NO“又如何?! 單音字… 當然沒有問題… 仲識”揮揮手”,
真係知道”NO”點解啊?! 
多謝早前醫師既幾帖藥, 靖天學識左咩叫”臭臭“…….. 
其實也只是無無聊聊的錄一餐, 教一餐…….
還好, 都俾我發現
原來心肝蠢唔曬…
仲識得我講一句, 佢講一句…….
心肝, 我熱切期望跟您砌磋駁嘴的武功啊!!!!
明年今日比試看…. 好嗎?
呢個多謝爸B個相機… 每次影完媽咪都會問爸B “得唔得呀“….
結果, 心肝又有樣學樣…. 雖然發音唔準, 但我們聽得明啊!!!
呢段…… 就真係唔明心肝想點… 講下, 等下…. 好似有紋有路咁…..
還是想佢唱歌, 咁會好聽o的…… 
本來爸B叫佢”扮車叫”, 點知心肝開始唔耐煩….. “唔”左幾聲就… 
又諗住錄佢講”早晨”, 今次發音不夠準了… 只有”音”, 沒有”字”……
最後, 靖天仲扭計要抱…… 呢期講得最多, 又最清楚, 莫過於一個”抱”字…..
心肝肯講出佢既要求, 媽咪當然需要滿足佢, 唔係下次佢唔講點算?! 
攝自2009年4月29日, 晚上
(119)
唔洗擔心, 你方第日靖天唔會同你口頭上過兩招, 未夠3歲我諗佢應該識駁你嘴, 等你第日唔會老人痴呆啦, 嘩卡卡卡
1. 再唻呢度，我會自卑於art work… 又轉版面. 又靚左…
2. 駁咀功… 呵呵呵. 有排你地挨呀…
3. 等我發功令靖天口齒伶俐啦！
聽到呀 … 靖天開始黎料啦 .. 遲下就唔停咁講啦
我仲有少少……. 擔心
因為佢都係單字單字咁講………
新版面的感覺娘娘地…. 會叫爸B跟進, 嘻
駁咀? 真係識駁先好喎~
我絕對期待著…………… 嘻