燒雞翼…. 我鍾~~~意食!!!~~~~

自馬灣回來… 返到屋企抖左陣, 沖個涼, 執返o的野….

就等橋橋一家前來, 一齊到街市買野準備….

已經唔知幾多年無自己買野BBQ….. 住大西北, 度度都係自助燒烤場, 實在唔需要自己買野燒咁麻煩…. 但係因為呢一日係五一假期, 度度都會好多人… 帶埋靖天去咁多人既地方BBQ, 同搵自己笨無咩分別…..  結果諗起靖天婆婆家樓下的小公園增設了一個烤烤爐, 就決定去試試看…….

又因為俾家人甩底, 結果呢一晚就只有『咱們仨』同埋橋橋一家了….  本來可以容納十多人既場地, 得我地4個大人, 2隻豆釘, 地方即刻大曬…  一燒, 就4個鐘… 盡慶了……

屋苑的燒烤爐….. 樣子怪怪的!

因為唔係炭爐燒烤, 感覺總係怪怪的…. 不過算啦, 環境搭夠…  還好麻煩的爸B (爸B 燒野食, 連小小燶左都唔接受的!) 都無出聲嫌東西唔好食…. 好彩~~~ 好彩~~~~  

準備就緒, 開爐!!!!!!! 爸B買左個大夾夾, 一燒, 就係一打雞翼!

爸B似唔似熟手技工?

今次最特別既地方就係買左海鮮, 第一次BBQ有海鮮燒咋….. 真係超好味!! 下次可以再多買一點… 來一個海鮮燒烤….  老公, 你整得超好味… 如果你失業可以轉行開小販檔喇!!

牛油蒜容燒大蜆 + 扇貝

靖天同橋橋已經好幾個月無見了…..  咁耐無見, 橋橋已經識行咯, 叻女!!!

橋橋好似認得靖天咁, 一見到就係咁"必里爸那"….. 結果, 靖天嚇到嗌"驚驚"…..  

橋橋: 『喂, 喂, 喂……』
靖天: 『你乜水, 講廣東話啦, 我聽唔明~~~』

分享完紙巾, 本來心肝又想將個杯分俾橋橋飲..
點知俾到口邊, 又收返… 真衰格~~~~

橋橋: 『靖天, 好耐無見…… 』
靖天: 『你乜水, 我都唔識你既.. 唔好阻住我玩泡泡!』

已學懂分享的靖天….
靖天: 『俾…. 唔俾… 唔俾唔俾唔俾~~』
橋橋: 『俾黎啦, 咁孤寒… 俾我啦…』
最後, 靖天還是將佢張紙巾俾左橋橋….

漫天泡泡… 加兩隻小豆釘… 忽然覺得好浪漫…..

出自橋橋爸爸杰作…. 挺有味道啊!!!

終於有小朋友同靖天一齊玩泡泡機了!!!!
真係好鬼多泡泡… 心肝同橋橋都挺鍾意啊!!!

要謝謝靖天公公的細心, 跟我們將附近的小樂園清理好, 令靖天同橋橋玩得開心之餘, 我們都放心…..  可惜, 有班疑似自閉的小朋友, 足足匿左o係個"洞"入面2個幾鐘打機唔願走…  結果… 靖天同橋橋一齊爬左上去, 嘈來嘈去, 嘈走左佢地!!!  中朋友, 我地想講, SIR滑梯, 係用黎sir, 唔係用黎俾你地坐o係度打機的!!!!

就係呢條滑梯, 搞到心肝當晚發惡夢….. 狂叫大喊!!!!

靖天在玩sir滑梯, 橋橋又看得好著迷喎….

又要謝謝橋橋爸爸, 用大相機給靖天拍下幾張相片….
爸B太忙要做大廚, 唔得閒影相耶…..

玩完泡泡, 又玩下水水…..
靖天好明顯唔想同小朋友一齊玩水… 無端端推開橋橋….

 雖然係五一假期, 但只係星期五, "大老爺"咁o岩大結局…. 一開始, 橋橋媽咪同我已經扭住要爸B返屋企錄左佢……  到差不多燒完, 橋橋媽咪心急想睇埋先走… 雖然已經成11點, 結果還是上了『咱們仨』家, 看埋結局才走….

因為時間已晚, 我還建議橋橋在我處沖個涼, 到回家就可以大覺訓了….   (橋橋媽咪也老實不客氣啊…. 嘻!)

諗住等佢地兩個小朋友一齊沖沖涼, 玩玩水… 點知橋橋似乎唔多慣同女孩子一齊沖涼, 點都唔肯坐低….. 仲扭起計來….. 心肝見橋橋喊, 佢又學人扭計…..  不過有"主場之利", 嗌左兩聲就話知你, 有佢最鍾意既"水水", 梗係玩水大過天!!~~~~~

靖天: 『我唔慣同人一齊沖涼架…. 』
橋橋: 『我夠唔鍾意你個盤咁鬼細咯..平時我用浴缸沖涼架.. 』

情況有點兒混亂… 橋橋仲要俾爸B睇左全相….

沖完涼, 兩小口子乾乾淨淨, 食埋奶, 就玩玩具…. 靖天已經好耐無咁夜訓了 (當時是晚上11點半多….) 爸爸媽媽們, 當然係睇下"大佬爺"能否逃出生天啦!!!!!

洗完白白, 靖天跟橋橋就玩煮飯仔… 爸爸媽媽們就睇大結局!!!

本來都有少少交流, 點知唔知係咪沖完涼交惡左…
即刻各有各玩……

雖然要自己買東東, 辛苦一點, 累一點…

東西又不能"比美"炭燒出來的…

但至少靖天跟橋橋玩得十分自在, 無乜扭計…..

都是值得的………………………..

假期燒烤, 應該以後都會選這裏了…..  還好, 附近燒烤場又多又方便, 跟爸B 放工後帶靖天去燒, 一樣可以….. 以後可以分作"假期燒烤" 及 "平日燒烤"了…

(322)

Comments

comments