鮮奶, 咱們來了!!!!!

上個月搵嘉道理農場既資料, 又無意中發現原來有個叫農場牛奶公司既地方, o的奶好新鮮… 煮出黎既野又好好味….

趁住長周末既最後一日, 爸B終於安排到帶我地走一趟…..

一早起身, 上网搵過資料… 爸B竟然話…. 無呢個地方….  

搞左好耐…. 終於搵到地圖….. 識得去了….

爸B揀左由荃灣前往… 經過石崗軍營, 再轉入小村, 就到達了!!!  未落車, 已經暈車浪…. 唔係因為臨尾熄左冷氣…. 相信媽咪已經嘔吐大作…..  公公架車O的香水味, 真係太…..勁…… 好討厭呀!!!!!!

沿途指標….

呢塊大石頭, 就係目的地所在!!!!

時間尚早, 人唔算多…. 泊好車 (場內有免費泊位啊!) 搵好位就叫野食喇….

其實呢度同一O的簡單茶座無分別, 無人招呼, 好似快餐店咁, 要自己點野… 種類唔算多: 餐蛋麵, 燉奶, 即撞薑汁撞奶, 芒果布甸….. 仲有其他小食如燒賣, 茶葉蛋…..

未食早餐, 爸B媽咪一齊叫左個餐蛋麵, 一碗燉奶, 一碗薑汁撞奶, 一盒牛奶, 最後仲叫埋個芒果布甸….

Yummy~~~Yummy~~~Yummy~~~Yummy~~~Yummy~~~

o係呢o的地方食餐蛋麵, 仲要即叫即製, 好難唔好食…..  爸B三爬兩撥就食曬成碗了!

燉奶好滑, 超滑… 不過奶味唔及"義順"既香甜…..

薑汁撞奶真係即叫即撞, 攞到位時, 都未凝固….  但真係好好味… 真係有薑汁同埋奶味, 唔似得出面既, 兩啖已經甜到漏了….

再叫了一盒牛奶, 呢度特產麻……  奇怪, 一o的"蘇"味都無… 仲有點兒淡口… 係鮮奶同牛奶既分別? 還是維記 / 牛奶公司o個o的加左其他成份?!

係咪因為貴? 覺得呢碗餐蛋麵特別好味….

傳說中的農場鮮奶~~~~

靖天: 『唔同平時我飲o個隻味既?! 唔….. 好似幾滑咁喎… 』

最神奇係, 爸B對奶有敏感的, 但飲左半盒, 都無肚痾….. 果然犀利!!!!

臨走前靖天醒了, 決定叫埋個芒果布甸, 一家三口慢慢嘗…. 真係好多芒果….  同埋好滑, 但又唔係好硬好實咁… 應該無乜"魚膠粉", 真係"天然制作"吧?!

媽咪:『正野呀, 女…… 要唔要試下?』
靖天: 『咩黎架…..』
媽咪:『總之就正….. 試一啖啦… 唔呃你~』
靖天: 『好啦, 呀………. 真係好好味喎… 我再要, 再要!!!』

味道黎講不算超級好味, 但如果經過呢度而一試, 又確實別有一番風味… (尤其是行完山的話….)

===============================================

以前呢度係有牛的, 真係一個工場擠牛奶….. 但早幾年已經遷回國內…..

農場依家改為養羊…….

『影咩呀影, 未見過咁純種既羊呀? 』

變左養羊既農場?!  仲有免費飼料俾小朋友玩個夠~~~

食食下有個爸爸問老闆: 呢度有無餵羊既飼料賣?!

點知老闆大大聲話: 無……

該位爸爸有點兒失望吧 (見佢帶住一家大細黎), 呢個時候老闆又話: 不過我可以俾你餵….

轉個頭老闆已經攞左成大扎"羊咩草"出黎…. 放o係一邊俾我地玩…..

在場既幾個家庭已經急不及待, 大大小小咁走去攞o的草去餵羊仔……

我地都唔執輸, 準備同靖天去睇佢人生第一次既羊仔….

靖天: 『黑忟忟, 咩黎架… 媽咪?!』

初初心肝都有少少驚, 唔願意走埋去……

靖天滿腦子在思考, 呢o的係乜東東?!

媽咪: 『要唔要試下餵o的羊仔呀…?』
靖天: 『點餵呀? 我驚驚啊…』

好快已經適應過黎, 仲主動攞地地上既草餵俾羊仔…..

靖天: 『開飯喇, 羊咩咩…….』

唔止主動餵羊, 心肝仲越走越埋, 好似想摸o的羊咁…真係俾佢嚇C…….
(一野咬落去, 心肝o的手指就唔洗要了…… )

靖天同媽咪一齊餵羊仔….

玩左大半個鐘, 越黎越熱, 人越黎越多…. 仲越黎越多蚊咁, 就決定上車走人了……

有緣既話, 咱們會再來的!!!!

(282)

Comments

comments