靖天: 『爸B, 係咪以後你都會陪我返學架?!』

由今堂開始, 爸B可以同我地一齊上堂了…..  

雖然只可以上到半堂, 但都可以參與一個cIRCLE tIME, 嘻….. 有爸B在徬, 感覺總是輕鬆一點….  爸B又可以同靖天多一點親子時間… 雖然上課時間早一點, 也是值得的!

因為安排在早上上課, 靖天起身一會, 又要坐車… 還好, 上車一陣又訓返….. 去到學校都仲未起身… 仲擔心唔知會訓到幾時….. 點知聽到音樂聲, 就醒了…

心肝對呢隻狗仔實在情有獨鐘… 每堂見到佢都兩眼發光的~~~!!!

剛剛訓醒, 心肝神情依然呆滯……

有煮飯仔, 又點少得心肝呢….. 又搞, 又試味, 實在十分神似……….

煮飯仔, 係靖天既強項…… 一見就成個醒曬~~~

看靖天投入程度, 就知佢將來應該會係一位好媽媽~

見佢玩得咁高興…好想將個”廚房”帶返屋企俾靖天…

爸B O係度, 終於可以錄到靖天Circle Time的情況….. 靖天又係呆呆滯滯… 在欣賞Ms Emma的表現吧?!

mS eMMa的Row the Boat….

(下圖) 件玩具就令到呢一日靖天俾兩位哥哥姐姐分別打左兩次….  只怪心肝搶人玩具… 比佢大既姐姐就一巴打落靖天到…. 靖天呆一呆… 無理佢繼續搶…  姐姐就走去搵佢個”主人”投訴……

然後隔左陣, 有一個哥哥走埋黎玩, 玩玩下, 本來走開左既靖天又走埋去想一齊玩… 結果, 大大件既哥哥一手就將靖天推左落地…  心肝又係呆一呆, 然後就笑騎騎咁尖埋去玩… 個哥哥怕左靖天, 叫左兩聲就走去玩第2件……

靖天, 您既厚顏, 實在令媽咪佩服…..  不過同時我都欣賞你咁硬淨, 唔會少少事就大叫大喊….. 未嘗不是一件好事….. 不過如果可以排下隊, 禮讓一下, 會更好吧?!

(上圖) 就係呢件玩具, 靖天俾兩個哥哥姐姐打左鑊…

靖天從波波池爬出黎, 就發生意外了….
不過跌慣撞慣… 結果都係當無事發生… 但係就嚇親隔離位媽咪…

茶點時間….. 靖天好似High-Tea咁…. 慢慢品嚐, 結果成枱既小朋友食飽走曬, 佢都仲o係度”咪”緊佢塊餅仔…… 如果情況繼續, 到出年返N1, 心肝會唔會未食曬碗飯就俾嬸嬸收走左?!  靖天, 食快o的, 好嗎?!

靖天, 您今日又包艇喇……

從簡單既小茶點, 就知道靖天有幾貪心….
食完一塊, 見到第2塊, 又想攞黎食…..

今堂玩”麥片”同埋”冰”; 應該都係想小朋友感受下唔同既觸感… 靖天一見係冰, 已經飛奔埋去係咁咬係咁咬….  冰, 佢當然唔會陌生, 因為每次跌親流血, 我地都會俾冰佢敷住”止痛”…

其實o的冰唔係果汁, 係老師加左o的”食用色素”落去…. 等佢吸引o的…. 班”姐姐”不知就裏, 仲以為係果汁冰…..  不過”食用色素”少吃都無害, 所以我都費事出聲….. 免得嚇親佢地, 又嚇親佢地既小主人….

今日有”冰”玩…. 靖天二話不說就放左入口……

靖天食得幾滋味…….

泡泡時間…. 個個小朋友都好投入…. 靖天呢….

今堂手工堂要整”母親節咭”….. 小朋友既”姐姐”都好用心”教”佢地既小主人整… 貼到鬼死咁靚…. 點知Emma就好大反應不停叫住佢地唔好咁做…. 話如果整得太靚, 佢地覺得唔係自己整, 唔會有興趣….  真的?!

結果, 靖天還是做到一半就想走人…… 又遺傳我?! 不愛做手工…..  

靖天給我的母親節咭….

(148)

Comments

comments