靖天: 『爸B, 媽咪… 你地唔好咁啦….. 驚驚~~~』

[Password Needed]

老公:

呢排你真係忙得好緊要….. 我知道返工既時間, 90%你都會用左黎做私人野…. 執相… 幫我搞web hosting… 但係花最多最多時間, 應該係你要覆email吧?!

見到你咁投入為自己既將來鋪路, 其實真係好安慰, 又好開心, 仲好緊張……

好想你快o的有成功既一日… 好想你可以俾好多好多人認同……

然而, o係你不停努力咁為自己將來打算同時, 其實又存在陣陣既失落感…..

前幾日聽到你話confirm左18個job…. 實在令我嚇一跳!

即係好快, 我就會有18個周末 / 晚上不能與你一起了…….

呢個可能係我地過12年最多分離的一年吧?!

一年只不過有104個周末/日, 18個個job, 就花左我地17.30769231%了………

多, 多得很, 多很淒涼….

每每想到那18個周末/日只有我跟靖天共渡, 至深夜你也未必能趕回來…

心很痛, 好痛, 十分痛……

然後, 我就記得當年我地結婚, Jack話為左公司有一年時間無放假, 無陪過屋企人…..

我就諗: 假使有一日同樣事情發生o係我身上, 我能受得來嗎?!

我想不…… 過去不, 現在不, 將來也應該不…….

放假只剩我跟靖天, 我們可以做些什麼?

星期六你出job了, 星期日也出job了… 那兩天的假期, 我又能跟靖天做什麼?!

諗左好耐好耐, 都諗唔到…. 唯有跟自己說: 見步行步……

但愛你, 就應該給你試一下, 失敗過, 也叫做嚐過, 無悔…… 我倒也不想你十年八年失業後就黎埋怨我當初無俾你嘗試啊!!!

老公好出色, 做太太的是一種光榮, 但原來這份光榮, 是需要付出的…. 我所付出的, 就是包容, 接受跟你少一點的相處時間, 靖天跟爸B少一點親子時間…..

是得是失, 大家其實都不知道…. 也許有一天, 靖天當上你的小助手, 學也不上了!!!!

至於靖天, 你也不必想太多了, 至少她還有我…. 可能彼此關係會疏離一點, 只好在閒時 / 你沒有job的日子, 多一點彌補, 她…. 應該會明白的~~~~

其實….. 我真係好想好想跟你分享靖天既每一件事….

只係有時, 唔知從何說起…..

又有時講起, 你又會以”教誨”口吻跟我討論……

千言萬語, 也不知該如何說清….

你既善忘, 亦都令我唔知應該點應對…..

有時想你幫忙做一點事情, 但每每都係三催四請下才能辦到…… 簡單話想買個”角膠”放在枱角免靖天受害, 最後… 還是我買回來的….

我明白你好忙, 好多野做… 依家家中入面既事情, 除左每月既月結單, 似乎好多野已變為由我動手… 請姨姨幫忙清潔, 原意就係唔想你太辛苦….. 家中的用品, 也一點一點的由我來添置…  

或者過許真的給你寵壞了, 什麼都不用動手, 只需動口就能辦妥的事, 現在, 都需要慢慢的自己處理返….. 靖天的生活也不說了… 有時勞氣幾句, 又換來你的不滿…..

有時真係好怕好怕…… 怕我地以後都係咁……

但願跟你相處呢12年, 你真係了解我, 明白我想講什麼吧……

晴

(108)

Comments

comments