靖天第一次剪頭髮!!!
等了又等, 我家靖天終於有頭髮多可以剪掉喇!!! 
靖天出世頭髮已經少得好可憐…….
身邊有千萬人叫我幫心肝剃左頭佢, 咁就會好快生o的又濃又密既頭髮…..
但係婆婆就極力反對… 
因為靖天姨婆的兩個姑仔, 就因為BB給剃頭髮, 高燒了幾日…
得幾條毛仔, 爸B同媽咪又點捨得幫佢剃掉… 萬一….. 唔生返出黎點算? 
所以一直都由佢自然生, 慢慢生…. 
等了又等, 靖天已經16個月大… 頭髮已開始”成形”….. 
只係還有一個小小的”M”字額…. 但眼見已經長出”毛仔”, 我們唯一可以做的只係耐心等待…. 希望好快既將來, 心肝可以長得一頭長髮…….
雖然有個“M”字額, 但心肝後尾枕的頭髮已”成了形”…. 可以扎條噴水池之餘, 髮尾也觸及頸部…..
婆婆話見心肝成日都R條頸, 未知是否因為頭髮掃到, 成日痕痕的所以不停”R”….
見天氣開始熱, 所以就決定幫心肝修修髮尾, 不用做個”火雲邪神”…..
本來應該由爸B出手比較好, 細心一點麻….. 可惜成日都唔記得… 
最後趁呢一晚心肝食飽後乖乖乖地坐著看電視, 就由媽咪親自操刀…. 給靖天”修一修”…..
攝於2009年5月6日, 晚上
一剪, 就差不多一吋有多….. 爸B也挺心痛, 怪我剪得太多….. 
但清爽一點麻, 剪幾cm倒不如唔好剪…… (不過媽咪出手, 剪得也不錯吧?!)
剪髮後的靖天, 背面看, 忽然變回了一個小女孩…. 成個冬菇頭咁…. 超爆可愛~~~!!!
正面看呢….. 卻仍然是個小男孩….. 
“M”字額, 你幾時會消失?!
(437)
啟仁都仲係m字頭
係真就好啦
真架, 講笑架~~
点解唔影前面比我吔睇？
d頭髮咁長既@@
超可愛呀…你唔好再話靖天似男仔啦…
愈來愈女仔就真啦 ~~~
Y我睇唔到剪完後果張相嫁 ???
我個女D頭髪又係少得可憐, 都唔知幾時先可以個番個女子頭….恨C我啦 !!
你好叻…識幫阿女剪頭髮….
係後面睇….個冬菇頭好菇…好得意…
剪得幾好喎。Jayson 都仲係冇乜野剪。
又真係剪得唔錯喎 …
後面睇好似大個女左好多喎~~ 好LADY耶~~剪得唔錯!唔錯!
haha, 後面睇真係好女仔喎!
叫爸B 影相影多D 側面啦~
原來靖天後面O甘多頭髮!!
剪得幾好噃!
佢肯坐定定比你剪, 真係羨慕屎人啦~
唔講唔覺, 靖天後而d頭髮真係好長又好直, 唔洗負離子啦~
前面睇唔似呢, 嗚~
你reload應該睇到了………
靖天係後面似女仔架咋…………. 前面仲係m字頭呢
後面睇真係好可愛, 我都覺, 嘻~
一o的都唔難, 剪剪剪, 三下搞掂!
真係? 謝謝~~~ HEHEHEHEHE
JAYSON成日剪所以無乜好剪呢?!
哈哈, 全靠佢唔郁唔扭計咋
哈哈, 對啊!
係啊係啊!
咁咪無左個樣, 影到咁側…… =.=
後尾ok多架, 但前面唔長囉
佢呢一日食飽左, 我俾小吃+vcd佢, 咁就頂到一陣喇, 哈哈
希望前面都快o的長啦………
哈哈,
因為前面無剪, 無野好睇了~
後尾咋………….
男仔m字額, 好多都會發大達噃……..