靖天上學了 @ 幼潛第9課
靖天: 『天氣咁好…. 又上堂………. 嗚~~~~』
下午準備好就出發返學… 等左3個星期, 終於俾我地等到個街位~~~~ 
上兩個星期, 等左半個鐘都無…. 
點知今個星期就有位剩, 實在好奇怪~~~~
泊好車, 靖天剛訓醒, 就出發去上堂了!
練習一 – 強化視覺辨別能力 (配對顏色)
張姨姨話最好先俾小朋友認”三原色”, 因為最基本; 等佢地明白左, 再加其他顏色, 如粉色系列…
先係一個顏色盒併一個顏色球… 然後就兩個盒併一個顏色球, 睇下小朋友睇唔睇到個分別…
其實同日早上在家亦都有跟靖天練習 (只係咁o岩….又係玩認顏色)…. 早上佢似認到, 又認不到…..
到上課時, 心肝就完全做唔到了….. 做, 都唔願去做….. 望到個波要佢放入個盒已經好抗拒…… (真係好…鬼…無..癮…. 
)
練習二 – 模仿別人的動作 (分享小食)
之前張姨姨已經叫我地每人帶一個小食盒, 然後教佢地學習餵其他小朋友食野…. 用意俾佢地學習”分享”同埋”模仿”…..
靖天手攞住脆脆, 就攞到碎曬都唔肯放入小朋友個口… 但見到小朋友個食物盒就去搶人地既小食…… 
心中實在疑惑不是早一陣子學懂了”分享”? 為甚麼又在退步中?!
練習三 – 促進雙手靈活運用及觸覺刺激 (搓麵粉團)
一見到舊麵粉團, 心諗: 今次應該無難度喇喎.. 早幾日先玩黎….. 
連張姨姨解說完已經話”睇下靖天得唔得”….. 正想講”一定得”之際, 心肝望一望, 就想逃跑….. 
死都唔肯掂舊麵粉… 
結果呢… 迫無可迫, 隨佢喜歡算了……
***** 課堂趣事 *****
今堂實在沒有趣事發生在靖天身上…….. 只有十萬個為什麼放在媽咪頭上…. 
***** 課後感想 *****
近呢幾課, 靖天上堂越見”心不在絃”….. 每每老師示範時, 佢都唔知走左去邊…..做練習時, 亦都好耐都無”認真”過…….
『專注力失調症』再次出現在我腦海中……
過度活躍呢, 應該就沒有靖天份兒了….. 但專注力如此薄弱, 越大, 似乎問題越嚴重…..
明明在日常生活中已經肯定做到的, 上課時卻不能表現出來…. 更甚的是沒有留心老師的講話, 也沒有花兩秒時間示範給老師看…..
是因為環境已熟習, 對朋友仔也熟習了, 可以如斯放肆?
還是嫌練習太低B沒有難度? (低B, 也做不好…. )
唔想每堂好似捉鴨仔咁, 要佢坐定定, 奈何心肝又越來越不認真….
看著身邊小朋友們的大躍進, 靖天呢….. 給您一個退步獎就差不多……. 
我也不是要求心肝做最棒最聰明的一個, 但最好也不要是考第尾的麻…… 
還好, 大西北沒有什麼什麼一條龍, 什麼什麼超級英幼, 什麼什麼國際學校… 靖天也沒有銀兩考上這些學校… 否則, 媽咪可以寫包單, 似您的臭脾氣 + 硬性子, 面試一定不會合格!!! 
開始擔心, 下一期的幼潛課, 會變成什麼模樣…..
(211)
你好呀
想問你宜家上堂仲可唔可以比爸媽一齊入班房呀? 定仲係只可1個係班房, 一個係門外等?
I see. thanks
靖天真的有很多獨特之處, 啟仁媽媽同啟仁爸爸都覺得靖天很利害
其實我都有同一想法, 不想上課時好像捉鴨仔一般對啟仁, 不過, 他太易被其他東西吸引, 專注時間很短
啟仁有時d動作真係幾好笑, 咁姨姨你得閒攬下佢啦
我地都覺得靖天學野好快
好奇一問，點解你可以在平日同靖天返學既?
靖天絕不是用”利害”來形容啊!
實在太誇獎了!!!
反之啟仁係一個十分funny的小男孩…….
有時真係好想走埋去攬住佢唔放…..
咁啟仁要得閒俾我見下先得噃…… 哈哈!!!
靖天學野一時時, 應該講粗口學得最快, xdxdxdxdxd
專注力太差… 幾快都用無….. orz~
這個幼潛班是在星期六的啊!
你好~~~
我地最後一堂去, 姨姨已經俾我地 一齊入課室, 不過只可以一個家長在地墊上陪小朋友啊!
不客氣~!