永別了, 相機仔! [2009第一次到屋苑泳池]
陪伴他與她多年的相機仔… 亦是靖天的最愛~~~~
剛過去的周日, 吃過早餐後, 本來都無所事事…..
回家途中爸B話出太陽好好天, 就想帶靖天到泳池降降溫……
如是者就極速換衫, 吹水泡, 去泳池啦…
舊式屋苑, “私隱”安排方面也不太嚴謹, 泳池倒也可以拍照….
也好, 可以跟靖天拍拍今年到第一次到泳池的情況….
拍呀拍, 影呀影…
靖天也十分興奮… 其實有水的地方, 心肝就會”V嘩鬼叫…..” 
以為BB池的水高會淹過靖天, 誰不知玩左一輪, 原來靖天可以企o係水度…. 水高只及靖天的心口…. 
爸B一邊影, 媽咪就一邊引靖天水中漫步, 等她可以多點感受那”阻力”….
見靖天行得都穩了, 就諗住轉個身攞條毛巾仔過佢抹抹面…
點知呢個時候….. 靖天跣腳, 成個人就跌下, 即刻成個跌左入水底……. 
媽咪未來得及反應, 爸B已經0.01秒將靖天抱起攬住佢….
抱起靖天時, 佢自己用雙手抹抹面, 就大笑起來…… (以為佢會喊死左… 不過就嚇死左爸B了….)
然後, 爸B就發現, 佢手上原來仲渣住部相機…..
講到呢度… 好明顯相機已經tOTAL lOSS…..
LOSS左咪好囉, 可以買新相機~~~
點知回到家, 爸B話連條RAM都救唔返……. 
差o的喊左出黎…… 因為當日早上, 仲幫靖天錄左好多生活片段… 一下子沒有了!!!!
也只怪自己太大安旨意….. 搞到發生小意外…….
沒有被爸B鬧, 沒有把靖天嚇親, 已經萬幸了~~~~
(221)
舊嘅唔去新嘅唔嚟,快d諗下買部咩好啦!! XDD
oh…即係話去沙灘嘅相係最後一批作品??? 慘…不過你都仲有個殼係到．．．真係”橋”,我個同款相機最近都報銷了！畀人扒左！連渣都無！Wowoowooo….最慘係宜家無相機用，拍唔到嵐嵐d生活點滴…
你有無買家居保險? 可能有得claim.
冇事就ok啦 ~
無所事事做咩唔call我喞 ??!! 多個伴玩開心d嘛…哈哈 !
唔緊要啦 … 再錄過一 d 生活片段羅 …
最緊要靖天安全麻 @@@
盡快買過一部細機隨身帶 … 就可以勁影啦
最重要個囡囡無事,~而且~~~可以買過部!!哈哈~以家D DC仔拍MOVIE都高清~~~真係靚好多!!岩晒你地!!!
都係, 還好靖天無嚇親…..
人家無你電話耶~
買細機? 首先要搵人要左我部G10先啊… 嗚嗚
最大得著係咪可以買過部呢? 哈哈~~~~~
機仔都可以高清咁正?!
不過做錯野, 我怕老公唔俾啊……
未諗到啊…. 有咩好提議?
沙灘影既其實係……. 另一部細機仔…… 不過太重, 唔係必要都唔帶出街呢…..
你俾人扒左部相機? 點會咁架??????? 相機都偷? 傻傻地架o的人…..
無買啊, 可以claim架咩?????????
但我在泳池整壞架喎!