多手的靖天 [16個月篇]
靖天: 『我玩玩下有條棍痴住我隻手, 唔關我事架, 媽咪~~』
跟靖天返完學, 見佢回程喊左咁耐…
心有點痛…..
雖然抱起佢時已經收聲了…
撩佢講野又肯笑….
不過為左彌補佢弱小既心靈…
決定同佢一齊沖個靚涼…. 
橫掂媽咪一來一回, 已經濕透了!
有水既地方, 心肝就會開心…..
沖完涼, 媽咪先抹身換衫…
靖天就繼續玩個夠….
趁靖天玩得高興, 媽咪就借o的時間查查電郵….
點知忽然聽到靖天大叫…
跟住見到佢走左入黎搵我….
仲攞住枝地拖棍….. 
好明顯係知道自己賴左野…
手多攞起左, 又放唔返原位….
走黎同我求救…. 
見到o個刻真係笑到差o的碌左o係地….
靖天, 您咪成日搞笑啦!!!! 睇您似乜?! 
靖天: 『對唔住….以後唔敢!』
好難想像心肝係點攞枝棍出黎….
因為放既位置, 剛剛俾個浴盤頂住, 理應唔可能攞到…
不過有媽咪有破壞無建設既遺傳….
呢o的野, 又點難到佢?! 
心肝, 下次唔好喇…..
枝棍.. 點都沾有少少漂白水….
您想美白, 我可以幫您敷mask啊….
唔洗用漂白水架…… 
(116)
果然似媽咪咁貪令, 人細鬼大, 嘻嘻
哈哈~
hahaha…..好好笑 XDDDD
靖天真係超可愛
我無佢修就真呀….. 哈哈!
靖天都算誠實啦 .. 如果係聰兒 .. 佢會是但求其咁放番係度就算數架啦 @@
聰兒大個仔麻
同埋聰兒咁做, 絕對係叻過靖天好多囉~