終於到…. FF左…… [更新篇]
有左佢… 以後可以影靚相咯!! 
2009年5月24日, 落住好大好大既雨…
諗住細雨少少, 就跟靖天去運動場”踢水”……… 
結果, 中午開始黃色暴雨….. 天陰陰, 爸B選擇大覺訓……
到下午, 在媽咪同靖天不停”死佬”, “死佬”的情況下, 終於醒來帶我地出街…… 
都係去市中心打個圈罷……
繼上兩星期壞左相機仔又奇蹟地好返…然後早兩日發現, 原來佢只係迴光反照… 結果….. 還是屈老公了部FF俾我……
就係呢部FujiFilm…..
也該謝謝Jayson爸爸, 等我無意中得知, 原來細機仔都有1600咁高既ISO…..
以後影靖天應該有救了! 
FF仔….. 以後醒醒定定, 我就唔成日跌你落地下, OKOK?
買左FF仔….. 固然開心…..
老公見到我有FF仔, 竟然眼紅紅, 又話想買一部……
又唔洗我俾錢, 你咪買囉~
結果, 佢真係叫Sales哥哥俾部大FF俾佢望下…. 試左一輪, 竟然埋單???????? 
如是者, 一個超級大雨的星期天, 『咱們仨』就一人一部FF咁攞回家了!!!! 
老公, 唔知你幾時可以用你部FF影o的咁既質數既相?!
兩部機仔… 加埋平左幾十蚊………
全靠靖天…..
我地叫sales哥哥平o的….. 佢又唔肯…..
結果我地出動小靖天幫忙……
媽咪: 『同哥哥講…… 靚仔…….』
靖天: 『令底…………』
媽咪: 『平o的啦…..』
靖天: 『瓶…哩…..呀…….』
媽咪: 『好無o者….』
靖天: 『姣…. 吱…….』
結果, sales哥哥俾靖天tum到笑曬口…… 就平左….. 幾十蚊過我地……
辛苦曬喇, 靖天…….
==============================================
FF仔買返黎, 頭七都未過…….
就由原先好愛佢, 變成好恨佢…… 
FF仔影相好快, ISO推得高又唔會有好多NOISE…….
只係….. 佢拍片既質素實在有點兒不堪入目~~~~~ 
跟靖天在堂上拍的短片, 回到家一看… 還以為是自己眼花……..
爸B形容為”同手機拍無分別”…… 我卻認為是”幾乎一樣”…….. 
影相黎講……其實要求不是太高太高, 但求像以前的CANON機仔都算… 只係拍片…. 也用不著…… 咁既質素…. 再UP上YOUTUBE….. 實在係…… 
結果, 端午節的前夕…..
爸B給我換了一部我們從未用過既品牌 (相機)……..
佢既HD片實在令我大開眼戒….. 其實唔HD都唔緊要, 總之…..放上网, 不是起曬沙粒就好了!
影相….. 又唔係真係太差…….
色什至比FF仔更準….. 只係慢一點…… ISO高的話, NOISE會重一點…..
同埋….. 重手一點……
算喇….. 都比G10輕……. 
然後老公再次苦口婆心跟我說: 世上實在難以找到一部速度快, 顏色靚, 拍片好, 機身輕的相機仔…….
著我死左條心……
既然老公講到咁….
咁……..我就只好死心好了!!!! 
(380)
我依家部canon都用得好開心, 雖然舊, 但主要拍movie都好快, 質素就一般啦…但最緊要開機果下快先拍到野嘛…他日壞左既話我都可能買返canon
係呀… 不過拍movie, p記真係比canon更快, 因為佢安一個制就可以錄影了, 係宜好方便, 同埋仲有HD, 實在係…. 要讚!
點樣一個製就錄? 其實依家一開機都係一個製就錄得wor…
佢有一個button, 你一按就會自動轉去movie mode開始錄影, 唔洗好似平時o的機咁, 要扭去movie mode先錄到囉…..
哦…明白:)
HD得黎又… 係機仔, 所以感覺幾好!
其實細機Canon 100is都唔錯架, 色就一定無leica咁靚, 不過有得拍高清movie, 仲要細機黎講都算又細又薄, 以咁既價錢咁既質素, 依家呢個時勢算好有誠意架喇…
買鏡影小朋友, 梗係買支恆定光圈啦, 再加埋L鏡就一流喇, 哈哈!
依家p記都有啊….
我初時都想用返canon機, 俾錢位老細話… p記好o的啊, 咁算啦….. 佢話事, 哈哈!
買鏡呢家野, 都唔到我話事啊…. 哈哈~
小小白的ok…
不過俗語都有話..一步到位麻…
唔使浪費o的冤枉錢啊…
蔡仔係定焦少少麻煩…但色水勁靚…
我相信你遲早會中毒
:p
估唔到你咁快換咗panasonic…
做咩唔直上lx3啊…
咁換使唔使補錢?
佢一早買落架喇, 無計啦…
你又咁…毒佢? 唔好啦, 師姐……… plz~~~~~~
實在接受唔到拍片既質素……
梗係要補錢啦……
蝕到入肉添呀~~
LX3….. 好咩?
師姐你真係超毒呀….. 係咁叫我買鏡….
不過我鐘意!!! ^.^
呵呵呵!!!
我仲未買相機呀! 想等埋保險可以claim到幾多先…大FF即係乜野model?
我plan左買canon大機…不過無得拍movie…老公又唔想我一次過又買大又買小…
如果唔急, 慢慢囉, 睇o岩先買~
canon大機好野丫….
如果你想大機有得拍movie, 5d咪得囉
至於大FF係乜…. 老公話…. 唔講得, 哈哈
你問下朋友仔, 就知咩叫”ff”架喇….
都話直接ff啦…
由3個數字直上1個數字感覺爽o的…
咁要快o的買多o的鏡頭喎…
蔡仔好啊…
入咗小白未先!
我都估到你會回架喇, 哈哈!
kakakakaka 我地都唔鍾意姓”蔡”既….
小白….. 咁肥…. 養唔起
加多個”小”得唔得呀?
部g10唔好用咩?
太重了!
下次我去買嘢, 可唔可以借靖天黎用下呀?
哈哈, 你唔好後悔………..
嘩~你老公唔係用緊大canon咩?
仲買多部大FF呀…好有’米’姐…hehe!!!
有左大FF, 個大CANCON可以88咯….
呢o的, 咪叫敗家囉……. =.=