久違了的……. fLORa!!!!
靖天: 『做咩無端端o係屋企影相呀, 媽咪? 』
認識fLORA, 始於06年中……
當年搞結婚…. 要註冊, 要擺酒, 咁有晚宴, 自然少不了有個司儀…..
容許我自大的講一句…. 環顧四周, 實在找不到一個口齒比我更伶俐的女性朋友…. 
認識我的老朋友, 倒也知道… 其實都不算太”自大”…… 
當年俾錢找司儀主持晚宴, 實在有點兒奢侈…. 跟老公爭拗多時, 幾萬字的偉論, 終於說服了老闆肯俾錢…..
而心儀的, 就是她……. 從來都無變過…..
當晚, 賓客們都盡興了, 因為她…. 還記得當日她6點到達會場, 跟住就成個司令官匿埋開會.. 一開, 就是45分鐘有多 (點解咁記得? 因為當日我要搵個姊妹幫我整野, 搵左好耐都搵唔到……. 
佢極速咁將我們十幾個兄弟姊妹點來點去..平時唔多聽話的都俾佢點到貼貼服服….. 
整晚既流程, 我們跟她說過一篇, 佢就幫我安排好曬…. 
婚後, 只係取相時見過她幾遍….
也許是緣份吧? 08年的1月6日, 靖天剛出世的下午…. 仲訓o係床上動彈不得… 忽然老公話帶左個朋友黎探我…. 
(事前已講明, 住院其間, 恕不接客!!!!) 
一看….. 是她!!!!!!!!!!!!!
攝於2008年1月6日, 下午
也許是太感動吧……. 無諗過o係呢個環境會相遇……
兩個多月後的農曆新年, 我們又在藍田地鐵站相遇…..
然後….. 早陣子收到她的電話, 想找我們幫個忙… 做大茄????
原來因為攝影師Jack生日, 找們我拍兩句, 恭賀一番……
約左兩回….. 終於走左上『咱們仨』的家….. 只係因為咁o岩, FLora要到黃金海岸工作罷…… 
短暫的見面….. 倒也令我同老公開心了半天…. 
第二日, 收到她的留言……..
“我今日真係好開心呀,因為呢條片,我今個月搵番幾個我曾經替過做婚禮的”新人”, 幾個當中,都係我最掛住的,原因好簡單,因為你地都曾經俾過一份好大嘅滿足感同埋信任俾我,我係一個極之深信緣份的人,喺你地最重要的時刻,包括結婚,生仔,我都有份見證過,到今日見到靖天同埋你地兩公婆,呢d都係一d好靚嘅畫面
有一d人,見面係唔在乎次數,而係在乎質素,希望我地可以間唔中見下,而每次都見得到,你又fit左d,呀女又大個左d就好了…多謝你地的今日的支持同埋果一程順風車啊~”
這就是我們當年的婚禮統籌+MC了…… 超似… 羅敏莊, 呵呵!
但願, 我們跟妳…. 會有更多更多的巧偶吧…. 因為我地都好信緣份的啊!!!!
===========================
藉住FLora的一番說話, 很想給我的三位网上已經認識了差不多兩年的朋友知道…
有時見面, 係真係唔在乎次數,而係在乎質素….
已經多少次因為種種問題, 明明已約好, 著埋鞋可以出門口了, 結果… 又泡湯…
也不知多少次因為泡湯的約會而大動肝火…..
然後, 消消氣, 又是朋友一個……
緣份得來不易, 也許, 我也該學習如何珍惜……..
始終, 在网絡上, 認識到妳們, 還要大家都是0801的媽媽…..
仲要仲要維繫到今時今日, 實在唔容易……
~~~ 共勉之 ~~~~
(189)
呢個MC又真係幾好wor…你地一家既合照影得好sweet ar….
至於你既公開情信呢….呢d野唔洗講既, 順其自然, 日久見人心~
係呀, 好nice架…. 仲好有心添~
哈哈….. 謝謝你啊!
你條友仔,都未話你….妖…我0係公司睇完最後段0野搞到我眼濕濕,正衰人!!! 哼!!在心中嘛!!!
哈哈……. 我都話, 最鍾意整喊人!!!!!!
可惜因為你有時自覺太口齒伶俐,令身邊有d朋友好難受,中學個時已經係咁~~我相信你中學個時d野好多人都知,不過好彩你仲有呢個老公~~唔好俾靖天似你……
唔好意思, 我估你認錯人了…….
我無一個同學叫DDD啊……
當然, 我中學時既野, 好多人都知, 因為我不是自己一個讀中學麻…
我係真係幾好彩有個咁愛我既老公…. 真係覺得自己好幸福…
至於靖天似唔似我…. 我都想佢個樣似我多O的… 可惜唔多像…. xdxdxdxdxdxdxd
哈哈…我結婚都係搵Jack公司影相, 初初都想請Flora做MC架, 不過最後因為”貴”所以無請MC, 不過我老公就係佢地studio拍左個video比我, 勁感動, 無諗過佢會做d咁既白痴野 :p
另外我地結婚果日係080105, 同靖天出世只差一日咋…
嘩, 咁o岩既? 我影相都係搵jack架……
佢地拍video都好正啊, 同你倒轉, 因為搵左flora, 無得拍video, 哈哈; 咁浪漫, 難怪你感動c啦…….
咁以後我會記得你既anni day咯, yeah!
靖天媽媽,好橋呀Flora都係我既婚禮司儀呀
,佢真係好掂呀,不過我結婚後冇見過佢啦
嘩……… 又會咁o岩既?! yoyoyoyoyo!!!!!
我都係咁o岩撞到佢咋…. @.@