靖天: 『我BB黎架咋…. 咁快教歷史?! 不如你教我講多兩句野仲好啦, 媽咪…..』

端午節的早上游過龍舟水…..

回家沖完涼, 休息休息後…… 還是不甘心浪費難得的假期…..

決定繼續一早安排好的節目….. 遊博物館!!!!

本來打算去科學館的…. 不過入場也不平啊!!! 25個大洋一位…… 兩位要50個大洋… 跟靖天入去走走, 拍拍照….. ?! 還是到對面的歷史博物館吧…. 10蚊雞一位….. 20蚊雞可以慢慢走… 重點係….. 爸B同媽咪都未去過麻…..  一家三口的第一次, 幾難得?!

3點出發…. 天色已暗下來… 出到九龍原來已下著密密的雨…

用新相機仔影的….. 顏色還可以啊!

買左飛, 第一站…. 係食野!!!  太~~~~~ 肚餓了!!!!

博物館的茶座不算太貴, 味道也很好….. 食完就開始參觀了!!!!!

即叫即製, 好味!

全館分為八個展區…..

個大堂, 巧大耶!

由"盤古初開", 到回歸, 都有展示出來…..

遺憾靖天既天真….. 令我地不能細心欣賞…..

已經作最大既努力同耐性細心解說, 只係….. 太深入太難, 佢又未必明……

講一會, 又得放佢鬆鬆筋骨, 結果….. 爸B媽咪攰死左同時, 靖天都謝曬……

展區一

靖天當左自己O係公園……

一見樓梯就瘋狂了~~~

有猿人了!

竟然有我地住既地方介紹啊!

全程靖天都充滿好奇~~~~

媽咪: 『咪走啦, 影多兩張先啦…..』
靖天: 『無… 無喇…..』

水上人的生活…. 也挺特別!!!

興奮了…….. 哈哈~~!!!

最愛的鄉村習俗

縱使靖天不會明白我所講的, 但我們仍努力為她一一解說….
(上圖) 見到有三個大神像, 靖天"請請"起來!

咪走呀….. 靖天~~~~~

靖天似在打"喳喳"?!

靖天最鬼靈精, 就是坐在這張櫈上了…. 其餘的, 都係走來走去~!!

(上圖) 睇下誰是長舌婦?!
(中下圖) 這不是咱們的姓?!

爸B最愛的花燈

靖天: 『爸B, 我又影……』

諗住拍幾張單人照, 靖天又要做攝石人!

應該係靖天第一次上電車了…… 也該抽個機會跟她坐坐真的!

參觀其間, 發生兩件小事…..

去到"殖民地展區", 有個"模疑課室", 正當在靖天拍照之際, 忽然有兩個約7-8歲既小妹妹走埋黎…. 好大聲話: 「Auntie, 不如你扮老師, 教我地野丫…」

首先, 小妹妹, 可唔可以唔好咁大聲叫我"Auntie"?  我呢日既打扮都唔係好… 老o者.

繼而, 即刻啞左…. 「呀….. 你想我教你咩科目呀?」跟住佢地就走左去了….

小妹妹, 唔係唔想同你地玩, 只係…… 我個女點算呢?!  對唔住啊!!!

離開左"課室", 爸B驚訝點解我可以咁有小朋友緣?!  咁都叫?! 成個"課室"得我一個外人咋麻, 車…..

原來以前o的櫈仔咁細張…. 犀利!!!

以前既涼茶…. 會否甜一點?

女王教室?!

殖民地時代….. 真係好想回到過去~~~

爸B的細心…. 在這舊海報找到了我的名字啊!!!!!

第二件事….. 就係靖天又再俾歧視…..

記得有一個展區放左好多大大小小既"竹籮", 靖天當然….. 好奇, 摸下, 望下… 點知有個"食蕉姨姨"走埋黎話展區唔俾摸!!!!

環顧四周, 都無講話o的"竹籮"唔俾摸….. 之後有其他參觀者, 又係摸下望下, 食蕉姨姨都無出聲…..

阿姨姨, 難道你在歧視麼?

成個展館, 班食蕉姨姨俾我感覺真係….. 唔多友善~~~~

靖天走多兩步, 佢地已經近距離咁望實佢…..

你地……洗唔洗呀?!  如果真係咁驚小朋友搞破壞…. 就唔好俾咁細個既小朋友入場啦!!  

 一流既博物館, 九流既服務員!!!!!!

一行, 就係兩個多小時…..

如果慢慢看, 靜靜欣賞, 相信絕對可以消磨一個下午!!!!

有機會, 也許等靖天大一點再來, 待遇應該不同吧!?

一個咁高質素既博物館, 實在不宜浪費!!!

(181)

Comments

comments