靖天每周新招 [16個月]
大件事喇…. 16個月喇…..!!! 
16個月第1個星期:
進步中
識扮”獅子”叫 講到”藍色”, 不過要邊教邊講 會講”芝士” (靖天近期熱愛食品) 見到白色動物會”咩咩”叫, 當左所有白色動物都係羊 
模仿能力越黎越強, 在公園見到大哥哥 (約7-8歲)在大吵大鬧, 心肝不用兩秒就有樣學樣, 嗌到成個公園都聽到…. 5月11日晚上, 第一次真真正正跟爸B媽咪晚飯, 一人一碗白飯, 餸菜都是一樣的! 開始對顏色有點點兒認知… 偶爾能全部認上紅, 黃, 藍, 綠, 偶爾又全部都錯
機會點 因為媽咪懶隋, 已經有2個星期沒有講故事了 
對”痴立立”的東西仍需要多點時間去克服 脾氣似乎大了一點, 不喜歡時會叫喊 仍未能”點頭”示意, 未知是否”頸部”出現問題 
(或者天生硬頸, 唔識點頭!)
小毛病 係咁咳, 不停咳, 晚晚咳…..
16月第2個星期:
進步中 5月16日到石澳海灘, 對沙的抗拒未如想像般嚴重 學識數1-2-3, 未去到4-5 (多謝o的靚靚腳字, 嘻!) 學識扮死 (無端端”哎呀”一聲, 跟住就訓o係地下唔郁) 想得到一樣東西 / 想去一個地方時, 會拖住你, 拉你去 進食的問題持續進步, 不再每天厭食 (原來)聽得明”擰轉身”, “倒轉”, 某天在遊樂場發現 (終於) 識得點頭 跟爸B親蜜了許多, 尤其是早上, 要穿好衣服的爸B也不要賴床的媽咪 已經肯定100%聽得明”摸”, “俾”, “擺”, “吱”, “打”, “放”, “指”, “交換”, “雙手, “曖”, “要”, “篤”, 等動詞, 更會邊做, 邊講
機會點 對”痴立立”的東西越來越抗拒, 離遠望到已經想逃走 5月18日開始學習用potty vv, 未能成功 在婆婆家會發脾氣碘地 仍然分唔到”舉手到”同埋”舉手要”的分別 對陌生人的意識強了, 見到陌生人會呆呆的望住對方, 沒有反應
小毛病 耐唔事有兩聲咳
16月第3個星期:
進步中 5月17日到屋苑的泳池游水, 竟然可以企在小水池走來走去而不怕 越黎越似一隻”小鸚鵡”, 我講/做乜, 佢又會重複一遍 識得講”蟹柳” 見到魚魚(終於)識得講”魚魚” 發覺靖天記性不太差, 好多野教一次已經記得 早上醒來能自發地講”早晨”
機會點 越黎越有主見, 要o個樣就一定要得到… 
情緒又變得不穩定, 尤其是坐carseat時 發覺靖天一緊張, 就乜都唔記得, 或是講到錯曬
小毛病 有一晚唔記得幫佢著返件衫, 結果第2日開始咳&流鼻水
16月第4個星期:
進步中 識得講”洗手”, 跟住就會走去洗手盆 講”水水”, 等於想玩水 識得講up, 跟住踎低起身 識得講down (有m音), (終於) 聽得明Turn Around, 聽到就會轉身 識得叫”媽咪”, 兩個音啊! 識得叫”爸B”, 兩個音啊! 知道什麼叫”刷牙”, 只係會求其”撩兩撩”完事 越來越有主見, 希望自己決定一些事情, 例如哄佢訓覺, 佢要決定唱邊首歌, 唱唔中, 會擰頭, 或者講”唔係唔係” 見到麵類會主動講”麵麵” 學識雙手放背後不停踱步 (好似小學生咁) (終於)可以用水杯飲水, 而唔會漏到一身都係
機會點 戒片行動似乎徹底失敗, 決定大些再試 落樓梯的膽量越變越少, 每每下樓梯都要人拖住 多左好多好多外星話, 成日都一串串的講, 估極都估唔到, 繼而, 就發脾氣了!
發覺靖天越大, 可以找到的進步就越少……每每寫此紀錄都有點兒力不從心….
故決定由下個月開始, 不再為靖天寫”每周新招”…….
靖天的小進步, 已變得十分微不足道….. 寫出來著實有點兒醜怪…… 
要是大進步的…… 就該好好紀錄….
小進步, 就…. 不提也罷了! 
(106)
“有一晚唔記得幫佢著返件衫, 結果第2日開始咳&流鼻水” —> 唔似你喎 !!
其實靖天越大, 我就越大安旨意……. @.@
Raibow, blog個板面好靚呀, 靖天笑得好燦爛.
因為忙工作, 好久沒有上來了, 見到靖天張相即刻好想看看你們仨近況如何, 好八掛呢…hehehe.
時間過得真快, 靖天 16個月時, 我囡囡薏文都1歲了.
謝謝你呀~~~
張相o係studio影, 難得的”笑容”…….
要保持聯絡啊!