『咱們仨』@ 怒曬在石澳
路人甲: 『點解會有個棄嬰o係度架?! 』
難得的星期天是陽光普照, 已打算再到海灘走走的咱們仨, 也收到朋友的來電, 一併游泳去! 今年第一次跟朋友們一起去海灘, 感覺, 是輕鬆一點…. 至少, 有人幫手看看行李, 可以玩得自在一點; 
未開始, 先來幾張全家照!
神情捕捉得不錯吧?! P記 + 勁好天 = 好靚既相!
靖天對沙灘的熱愛程度, 似乎有增無減…. 到達沙灘, 已經不用熱身, 不用輔導, 可以隨靖天自由走動…. 只是這天人比較多, 要小心一點~!!!
靖天已經係可以完全在海灘任走任跑, 跌低飲水都唔怕的小朋友了! 
靖天見水發狂~
愛水程度, 足以令佢不停尖叫!!
到石澳灘最大的好處是可以安心給靖天玩水, 而不停她食垃圾……. 縱使這天潮退後, 垃圾多了一點, 但也不會像上次長沙 / 黃金海岸般, 不停有膠袋, 發泡膠圍著你… 感覺是安心一點的!
靖天: 『o的水清到好似水喉水咁既…..』
有水的地方, 靖天總會開心得不得了!
如果不多看兩眼, 可能靖天已經游左出海了~!
第一次到石澳, 沒有帶水泡; 第二次到黃金海岸, 也沒有; 第三次到長沙, 垃圾太多不想給靖天下水, 今次….. 終於如願以嘗, 可以玩個夠本….
今次最大最大的得著, 就係心肝終於成功游出浮台…. 是她人生的第一次!!!
當然, 力…. 是爸B代勞的, 也謝謝亨利哥哥的幫忙, 把我們拉出浮台~~!!! 
媽咪也想游啊, 只係… 靖天不允許,…… 結果, 就跟靖天坐定定, 佔了人家一個大便宜!~!
出到半路, 救生員已經不停看著我們….. 是在怪我們把小寶寶帶出浮台吧?! 
靖天出到浮台, 有點點兒興奮….. 想下水, 但不得不把她拉著 (跌左落水都唔知點撈返佢上黎~ 
) 也許可以買一件BB救生衣, 下次穿上再出去, 會安全一點吧?!
沒有相機 (因為不是防水, 爸B不準我拿出海啊!) , 影唔到咁歷史性既時刻…. 
一定要有下次的喔!
靖天: 『去吧, 香蕉船!!』
有兩位帥哥幫手, 靖天終於可以"揚帆出海"
上次到長沙, 因為沙有點黑, 濕了, 靖天不願拿上手…… 今次石澳的沙幼了, 沒有變色, 心肝玩得十分投入……. 不停將O的手扔入桶內….. 最後仲抹落自己雙眼… 結果呢… 皺著眉唸唸有記的投訴著….. 心肝: 關我地咩事呢?! 
濕了的沙….. 靖天也完全接受了, 只是….. 有很多個問號打在靖天的頭上!
一次比一次玩得投入… 做媽咪的, 十分安慰~
呢煲魚湯…. 是靖天特別砲製的啊!
(上圖) 能俾爸B 將毛巾仔放在頭上, 証明真的很曬….
靖天的細小個子 + 三點式泳衣 + 甩左半條褲露出半條片 = 十分受注目!
扭了好耐計, 終於都睡了…… 沒有穿片片的靖天, 睡姿挺可愛啊!
攰極而睡的靖天……..
媽咪與靖天的幾張合照~~~
石澳越晏越多人…. 多到連浮台都坐滿人….. 整個灘都是太陽傘, 場面實在好狀觀~ 
中午開始退潮, 石澳灘變得超級闊落~~~ 而且人越來越多…. 個浮台就黎下沉了!
(左下圖) 都唔知O的人從何買到呢o的又搞笑又型既海上玩具~~~~
呢個超級無敵大波波, 實在令我地太好奇了!
見靖天訓到好淋, 點郁都唔醒, 諗住放佢在沙灘上拍幾張可愛照… 結果呢? 一放就醒了, 仲要扭作一團不停大喊… 但眼睛又不張開…. 似足一個初出世的寶寶…….
抱起後, 心肝明顯顯得不什高興~! 過火了? 不過陸續有來啊?! 
靖天: 『你地玩夠未…… 太可惡喇!』
靖天如斯可憐, 會有好人心將她收留嗎?!
靖天: 『爸B媽咪, 知唔知咩叫兒童不宜架?! 你地咀咀完唔好錫我得唔得? 肉酸!』
午睡後的靖天, 一直皺著眉….. 爸B跟他踢了一陣水, 很快就面露笑容了!
何解深深愛上石澳? 不是沒有原因的…..
玩到3點幾, 就執包伏走人了…… 辛苦爸B車我們回家…….
回家後, 沖好涼, 執好東東, 齊齊休息…..
只係, 靖天越夜越精靈, 爸B同媽咪….. 就累透了~!
一個月去了3次海灘, 『咱們仨』最後變曬黑炭頭….
熱愛海灘的爸B, 也說夠皮, 要抖暑一下….
下個月再見了… 海灘!!!! 
返到屋企, 沖好涼, 執好野, 兩位小主人, 就攤屍在地台上….
(308)
你地真係黑咗好多～～不過玩得咁開心，嘜都抵番晒啦 ！
哈哈, 係呀, 勁黑~~~~~~~
嘩 .. 浮台咁厲害呀 .. 靖天好勁呀 .. 哈哈
救生衣穿左如果控制不了 . 係會反的 @@
聰兒初用時都係咁 .. 一味反 .. 飲晒水咁架 @@@
不過點都好過咩都無既 @@
其實係因為怕佢跌左落水, 都浮到起……
原來會反架? 噢~~~~~
嗯….. 出浮台好玩多啊!
上年係石澳，泓泓、潼潼第一次出浮台，都係多得你地幫手咋~
你都應該好似我地咁，買翻個防水相機袋~
係啊, 上年我地一齊出去架喎;
防水袋, 我地有…….不過無帶…..咋麻, orz~
你既身型好過未生過既baba呀!!!
梗係好過爸爸啦, 我不嬲都fit過佢既, kekekeke
媽咪好索！原來真係有仔趁嫩生好！生完仲可以keep得咁fit…唔似得我呢d…=.=””
睇見你地d相就覺得好開心！石澳…好遠！不過水睇黎真係好清！
我睇環保署個網站，全香港嘅海灘，港島同西頁嘅水質全部都係一級 (良好)，屯門嘅就全部都二級 (一般)…我地新界西人睇黎都係出出面海灘好d喇…
哎約……. 見笑了;
曾經, 我真係好出力咁減減肥…. 為既就係呢一日, 哈哈;
但杏子你都….. 巧瘦喎… 唔好呃我呢;
石澳真係好遠, 坐公車可能都要2個小時….
如果有機會杏子唔介意, 可以一齊去啊!
靖天公公有車, 可以借來用用麻, 嘻;
係啦, 所以成日都幻想… 屯門灘同石澳灘交換… 一個星期都好….. 嘻嘻
嘩靖天真係好鍾意沙灘呀,佢真係”衝”出去D水度架喎!!
係呀, 佢上兩次已經係咁架喇~orz~
真係玩得好開心哩~
羨慕c…米b唔知要等到幾時至可以開竅唔再憎d沙呢?
米b 係lady, 一係叫jayson陪住佢走, 會唔會好一點? xd
好羨慕呀! 石澳想去好耐, 不過實在太遠了, 所以得個想字… 靖天鍾意玩水的程度同梓朗有得比…
會有一點點遠, 但去耐少少, 抵返條數囉; 嘻嘻~~~~~
靖天真係太愛水了!