靖天對顏色的認知 [17個月篇]
仲以為… 靖天是色盲的~
其實…..
係好想記低靖天發生的所有事, 大事, 中事, 小事…..
微不足道的都想寫下來,
只因為怕有朝一日自己失憶了,
還會有這個卜相伴…
給我點點兒回憶………
話說上兩個星期與友人到石澳暢泳後… 回程時靖天精力旺盛, 當然不會乖乖休息…..
記得好耐之前既”慘痛經歷”, 之後就想屋企既幾本小圖書放在車上以備不時之需…..
靖天呢天穿上白色的短裙子, 心口有一粒紅色的士多啤梨作陪襯…
沿途, 靖天, 媽咪, 茱迪姐姐 (人家未有小孩, 也該叫姐姐啊! 
) 齊齊看圖書…. 所謂的圖書, 也只是一些”認字咭”般, 有生字, 有圖片…
其中一本是介紹顏色的…..
靖天看到一版, 是一個紅色的東東 (已經唔記得是什麼物件)…..
媽咪一如以往, 懶理靖天是否吸收, 都會照介紹一篇: 呢個係xxx… 係紅色架喎!
然後, 靖天靜下來, 忽然捉著自己的小裙, 指著心口那個”士多啤梨朵圖案”….. 
身旁的茱迪姐姐也有點兒意外, 是沒有想過靖天能分辨顏色吧?!
媽咪當然也十分震憾…. 靖天…. 似乎能聯想到相關的事件…
打從靖天14個月開始, 媽咪就開始灌輸”顏色”的慨念給靖天…..
灌輸, 只因為看過那些”小神童”的表現, 很希望, 靖天也能快快學懂…… (對不起, 實在不想隱瞞自己的那份虛榮心….. 
)
然後, 一次又一次的失敗, 再一次體驗… 實在迫唔黎……..
跟住, 就放棄不再刻意教靖天認顏色……. 
到呢一日, 才發現…… 靖天似乎是有認知的,
只是……. 沒有表達出來….
或許, 希望, 是沒有表達出來…….
並不是撞彩…… 
(213)
媽媽的努力，慢慢見成績喇！
點先可以學到你咁有無比嘅毅力？我仲覺得你越黎越做到蒙嘅理念添呀！我要努力向你學習！
靖天好幸福！有媽媽咁適心嘅嘅教導，我相信小妮子他日的成就一定會很不平凡的！
教左咁多個月, 都淨係…得紅色, 係幾失望, 不過也感覺靖天能夠將不同物件但同色的聯想在一起… 似乎比不停認顏色更出色 (賣花讚花香?!)
我那份毅力, 才不及你的一半…. 我要向你好好學習才對….. >.<
蒙的理念我仍未斷參透中, 希望你跟哲媽這些30小時畢業生可以多多幫忙啊!
其實佢地可能真係認得顏色, 之前我同哲哲玩積木都有兩隻色但都係for圓型, 哲哲入開綠色, 我有次轉紫色比佢入, 佢點都唔肯入, 係都要轉返綠色, 果時開始我都覺得佢地可能係認得出, 不過又係唔知撞彩定咩…
這可能是秩序感問題啊~~~
我都有灌輸, 但只係單向, 我好少會問anson, 可能我都係低估自己個仔果d人..
才不是呢………..