靖天的飯後甜品
咁好味….都食到天一半地一半…. 真失敗~!
靖天食完主食, 通常都會給她一些小食 / 甜品…. 有時是乳酪, 有時是芝士, 有時是粟米片…
其實只係是心肝坐定定, 多一會, 等媽咪收拾好東西, 洗好碗, 才放她落地玩 (要不, 小魔怪又會變身了…..) 
呢一日, 沒有芝士, 沒有乳酪, 給她一條朱古力手指餅….. 
想食朱古力, 當然要付出一點點麻….
媽咪: 『呢個係咩黎既………』
靖天: 『@@&^@#$!@$^』
朱—古—力—餅, 也太難讀吧?! 
嘗試給她自行打開品嘗呢…. 失敗了~!
証明心肝真係少少飽, 沒有太大意欲打開她….
如果心肝真係超級想吃, 她總會找到方法的啊! 
靖天: 『媽咪…. 開!~~~~』
邊看電視, 邊食零食, 仲要開住冷氣, 應該是人生一大樂事也! 
靖天會吃太甜的零食, 也得謝謝婆婆….
還好, 婆婆也會適可而止, 只是偶爾的小小給靖天當零食, 也尚可以接受……
靖天對零食的熱愛程度, 還未進入”瘋癲”狀態…… 如果唔係, 就唔會食完半條就掉在枱上不吃啦…….
朱古力手指餅仲未夠, 仲要食埋自己隻手指… 
看見靖天飲水, 其實是十分安慰的…….
除左奶, 心肝有好一陣子, 是什麼都不喝… 水不喝, 果汁不喝, 鮮橙汁不喝…. 汽水, 也是一點點…….
然後唔知幾時開始, 心肝開始接受用學習杯飲果汁…. (沒有益啊!) 也沒有辦法, 總好過滴水不沾… 稀釋了的利賓納仔仔…. 總好過維他檸檬茶吧?!
到上兩個月, 心肝忽然願意喝水了….. 是清水, 100%無添加的啊!!! 
有時只是一啖半啖, 有時會喝上好幾安…….. 視乎她自己需要吧…….
當然, 飲飲下, 到佢夠喇, 就會古靈精怪, 例如… 倒水~!
其實, 呢一日, 靖天醒來吃過奶後, 3個多小時就吃”早餐”…..
一吃就是大半碗通粉…..
然後, 吃了半條朱古力條, 加半杯果汁……….
留意『咱們仨』的朋友, 也知道, 心肝其實從小到大, 都是極度厭食的… 曾經有好一段時間, 是固體不吃, 水不喝, 每天只靠不夠20安奶吊命.. 同期仲要患上腸胃炎, 每天痾上好幾次…
最難捱的, 在不知不覺中已過去…….
曾經為左靖天食幾多, 而大傷腦筋; 更甚是, 曾幾何時, 這個媽咪多次強行迫靖天吃下那碗粥…
哭的哭, 鬧的鬧, 打的打…..
痛定思痛….. 心肝滿周歲開始就採取半放任態度……
她想吃, 就吃吧….
不想吃, 就不吃好了…..
她開心時, 媽咪也樂得自在…….
靖天長得很細小啊…. 當然, 人家已經在吃飯仔了, 靖天呢?! 嚴格來說, 還是以”奶”為主要食糧…….
情況好的時候, 靖天會吃上半碗爛飯, 加蒸魚, 或是蒸蛋…..
現在呢…. 真係睇下呢位小大人當天心情如何…….
是安慰的… 因為相比起大半年前的靖天, 已經好多了………. 
靖天, 繼續努力吧, 多吃一點, 會快高長大啊!!!!! 
(217)
靖天好有進步呀！
瘦？不打緊啦！茄茄還不是一樣…半年沒有增過磅了… 個個都說擔心，每餐飯都總要迫他把全部吃完，我卻覺得沒問題喇，他要吃就吃，又不是完全不吃，吃多一點、少一點，也不太大問題吧…
我也實在不願迫…佢又唔開心，我又唔開心…
對啊, 是有點點兒的進步啊……
茄茄半年無增磅? 應該係之前重得太多麻? 嘻….
迫, 其實我都試過啊, 但迫完都係唔食, 都係… 嘥氣, 唔迫好了…. 無謂自己唔開心麻
靖天媽媽：
其實靖天已很叻，不用追著來餵她吃，只要吃得開心，吃得愉快，吃少一點也不用太擔心，亦不要與別人相比，每個小朋友的食量、習慣、口味也不同。雖是細小一點，但我看到靖天很健康活潑，十分精靈..只要健健康康、愉快地成長便已充足，繼續努力…確實養兒100歲長憂99….大家一齊加油呀!
對對, 大家都要加油啊!
只要健健康康、愉快地成長便已(充足)←(足夠)
:)
當靖天用多了她自己的力量 , 走又走得多了 , 跑又跑得快了 . 玩又色得癲了 …. 她的食量自然也會隨之而增加呢 @@
放心吧 @@@
對啊, 我在期待著