靖天每周新招 [17個月]
17個月的小發現~
17個月第1個星期:
進步中
不停扮Crocodile嚇婆婆, 然後婆婆又會扮獅子嚇返佢, 跟住靖天就會驚驚走左去 識得講”要去街”, 然後拉你去門口 識得講”的嗒糖”, 不過通常都會講成”的嗒的嗒” 問佢要唔要, 偶爾會講”要” 會雙手放在後面, 捉實, 然後不停踱步 (婆婆話佢初做時, 會失平衡跌倒) 漸漸有意識地”畢”飯入口, 但食物必需是她感興趣的 對濕左既沙已不再害怕, 盡情地玩
機會點 因為說話經常不正 (即係好多外星話), 當估佢唔到時, 就會發忟憎, 扭計大喊 仍然好怕水彩 / 顏色
17月第2個星期:
進步中 說要掃地, 會拿出玩具掃把和垃圾鏟越幫 (當然是越幫越忙麻!) 能說多個雙音字, 如香蕉, 啤梨, 蘋果, etc 重新安置新書桌後及經過多番提點, 能偶爾將玩具放到書桌上才玩 學懂雙手取出工作盤, 玩完會主動放回原位 學懂雙手提著工作盤, 放到地下/桌上玩 唔鍾意人搞, 會大聲說”…搞”…. (無左個”唔”音) 比早一陣子, 外向了一點, 不會見到陌生人就扭計, 哭 (原來)識講Apple
機會點 脾氣開始大了, 不如意總會扭計dum地, 但願心肝能快點說話, 讓我們知道她的想法; 戒片行動已徹底失敗, 與婆婆商量後, 還是選擇”隨緣”, 不想添加大家壓力
17月第3個星期:
進步中 識打筋斗, 不過係”斜”的 可以不用扶著東西上樓梯 (學懂)鍾意被人讚, 讚叻, 讚靚, 佢都會得意洋洋的, 笑得好甜 100%肯定了解”對唔住”的意思, 做錯事, 總會第一時間’對唔住” 在電話中問佢乖唔乖, 竟然答了我一句:”乖”….. 對爸B感覺強了, 跟爸B的關係親密不少 識得講”打機” (不是好事吧?!) (原來)好鍾意蒙班那首PHONICS歌, 成日依依呀呀的唱著
機會點 “小脾氣”仍然是本月的重點!!
小毛病 6月24日晚上, 發現跌崩左上門牙半隻 (在婆婆家) 濕疹再次變得嚴重
17月第4個星期:
進步中 “發脾氣”事件, 爸B媽咪跟靖天說教, 然後點點頭, 並跟我們說”對不起” (終於)便便完會指著濕紙巾/尿片, 示意要換片, 但不能每次做到 每做一個動作, 總會講出該個動作/動詞, 如”坐”, “俾”, …. 可以自己上樓梯不再要人扶著 可以自己下樓梯不需旁人協助 (但表現得十分小心, 有少少緊張的感覺) 識得自己用spoon食粉仔… 半碗咁多 成功完成一整份”配對圖形” (原來)認到什麼是香蕉 (終於)識得TICK-TOT…… 左右左右的搖擺著 聽迪迪尼, (終於)能跟著做wALKING, rUNNING, jUMPING, …..etc 忽然好好唱口, 成日都自己同自己唱歌
機會點 佔有慾變得越來越犀利 忽然將爸B同媽咪撈亂左 戒片行動繼續失敗
(329)
靖天的濕疹還好吧！ 梓朗未滿月就巳經有濕疹．細個嗰陣都幾嚴重．．．依家就好少發．．（ｔｏｕｃｈｗｏｏｄ先）． 不過就一年３６５日都要ｋｅｅｐ住查ｌｏｔｉｏｎ 同埋沖涼要用bathing oil…
搽左幾日藥膏好多了, 謝謝有心;
靖天都係咁情況, 搽少幾日cream, 就會起返o的濕疹出來;
濕疹? 咁睇咗醫生未呀? 係唔係天氣問題呢?飲去濕茶有無用呢?
靖天出世開始已經有…..
好過大半年, 近期又翻發…..
已帶佢睇e生, 今次不算嚴重, 平時搽少少藥膏就可以了…
我也想是……..
所以現在已改變計劃, 由靖天告訴我, 應該比”我要她戒”更自然吧;
等多陣啦, 好快嫁啦
有少少心急架, 哈哈~!
靖天好叻女呀! 一日比一日大個, 月黎月識得多野啦啦!!
因為大個女喇麻, 嘻~~
戒片方面, 唔使太緊張, 可能靖天仍然太細個啦, 未能完全控制身體部位, 我個女21個月, 剛剛開始先戒, 但效果好理想, 所以可能靖天根本未到合適既戒片年齡, 所以…, 記住”欲速則不達”呀, 等多2-3個月啦, 其實2歲先戒都未遲
我也想是……..
所以現在已改變計劃, 由靖天告訴我, 應該比”我要她戒”更自然吧;
濕疹再次變得嚴重? 是尿疹嗎?
對了….
不是尿疹, 是濕疹啊!
有關”發脾氣”事件, 爸B媽咪跟靖天說教, 然後點點頭, 並跟我們說”對不起”
請問可唔可以加以說明事件經過? 因為我katie又係成日發老脾, 睇下可唔可以參考下
我努力”作文”中, 期待呢兩日與你分享!