Phonics v. Phonetics
還記得年頭時, 打了一篇關於Jolly Phonics 同埋 Letterland Phonics的資料….
因為好多幼稚園已經開始會用Phonics教小朋友併音/發音/英文…..
由該謝謝當年中學的Miss Chow…. 不是她, 我對英文才不會還有丁點兒的興趣~!
又因為Jolly Phonics 同埋Letter land Phonics差異甚大, 在一個試堂班也見識過什麼是Letterland Phonics…. (硬係覺得怪怪的…. )
然後, 發現學Phonics的英文班最少都要3歲以上才能報讀…..
那這3年, 作為媽咪的該如何是好?! 
為靖天準備一些英文班之前, 其實也在想: 作為媽咪的, 是否應樹立一個好榜樣, 至少… 第時心肝問起我, 也不會被她考起麻?! 
(又有點兒怪自己當年沒有好好用功, 也沒有正規的課程教授phonics…… 
)
找了又找, 終於又找了一些資料來……..
原來除左Phonics, 還有一種叫Phonetics的物體啊!!!! 
Phonics係一套由字母組合而知道發音o既系統。可以話係一個實用o既學發音方法，對幼兒最有用，因為串字始終係一件相當繁複o既事，如果能夠將發音同串字連繫起o黎，就對兩方面都有幫助。當然，香港人都好適合學啦，因為畢竟英文唔係母語。
但要留意，Phonics係由英語o既常規中得出而估計字音o既方法，但英語之中有好多情況都冇常規，所以 Phonics準確性只能夠有八成左右。好簡單：同樣有 -ough，rough 同 though 發音就一ｄ都唔似。
Phonetics 就相反，佢唔係幫你估一個字點發音。佢係用一套音標（phonetic symbols，即係 International Phonetic Alphabet – IPA）將語言中o既各個發音以字符標示，然後將一個字o既發音以呢ｄ符號描述出o黎。即係話，佢係寫出左一個字o既發音。
可以咁講，只要你學左呢ｄ符號，又知道點用呢ｄ符號拼出發音，你讀錯一個字o既機會係零！但係要見到呢ｄ符號先得，所以要查字典。但你學 IPA o既同時，亦會觀察到ｄ字母組合同發音o既關係（因為教 IPA 時不免要用字做例），所以可以話，你係間接咁學埋 Phonics。
所以一般初學英語o既人（幼兒或者英語水平唔高o既人），學 phonics 係好o既，因為成效大，收效又快，但長遠都應該學埋 IPA，因為日後接觸到深／新字，可以查字典確定發音。
====================================
總括來說 —————
Phonics的重點是教小朋友閱讀，不是教小朋友準確發音。
Phonetics 對於以英語作第二語言的人來說是一個很重要的學習工具。原因有二：
一．缺乏英語環境，很多字未必有機會聽到 native speaker 怎樣發音。查字典的發音是一個沒辦法中的辦法。
二．糾正發音。香港人的英語帶著很重的廣東話口音。了解英語語音系統和廣東語的語音系統之異同對糾正發音十分重要。其實，native speakers 也會查字典的拼音，因為他們也有自己的鄉音。正如香港人很多的廣東話發音都不正確。
那靖天該學Phonics還是學Phonetics好呢?!
又… 究竟香港有多少間幼稚園 / 小學 / 中學係真係會認真的教小朋友Phonetics?
如果學了Phonics先, 對日後發音, 或學習Phonetics會否壞影響嗎?
又其實, 當年老師教點音o的字, 好似真係用左少少Phonics黎教喎…..事實又係, 好多字, 真係唔可以用Phonics併出黎….. 咁即係點呀?!
十萬九千七個問題……
結果…. 從网上得知香港有一家專辦IPA的課程….
與其十五十六, 心大心細, 唔知點教靖天, 倒不如親身去感受一下……..
橫掂…. 自己既英文水平不嬲都ma-ma-地….. 學多樣野又無壞…
為著靖天, 為著第時唔好俾阿女問到口啞啞, 這個媽咪決心搵返個舊鬼書包, 上學去了!
但願學有所成, 與好友們分享分享吧! 
(1038)
靖天媽咪妳好，我最近都係諗緊究竟教仔仔PHONICS定PHONETICS好，所以SEARCH咗嚟妳個BLOG，而家過咗三年，請問妳最終選擇咗邊種教學法？
我自己以前係學PHONETICS，而PHONICS係最近幾年外國新興嘅教學法，所以如果係教PHONICS我都無從入手，而且我好AGREE LB嘅睇法，覺得PHONICS係畀啲英語母語嘅小朋友學嘅
仔仔今年讀小一，每一兩個禮拜就有英文科嘅背默，每次有4-8句再加5個生字，我覺得佢跟得好辛苦，而且好似對英文好抗拒，我都唔知點好
在課外, 靖天學的是LETTERLAND (很難, 她沒有興趣, 而且很深, 沒有溫習根本追不上進度), 學校學的是JOLLY, 感覺深刻而且我沒有刻意幫她溫習她都記著了!
我知道小學的生涯並不好受 (今時今日的香港), 所以我也開始跟女兒練習串單字, 很簡單的, 而且日常也只是”口串”, 上學途中, 坐車途中就串, 沒有刻意, 這樣她會輕鬆一點, 你會試試看嗎?
路過。
個人不喜歡Phonics，原因靖天媽也說了。當有零出錯率的Phonetics，沒理由讓孩子學很多條所謂規則，然後只有八成準確率（五個字有四個估中？其實我懷疑有沒有這樣高，除非把近似的讀音也當作估中）的phonics。
正如你所說，Phonics教小朋友閱讀，不是教小朋友發音的。兩三歲英美小朋友看見一隻貓會指著說cat。當開始學習閱讀認字，見到c-a-t這個字時，便可運用phonics拼/估出讀音，從而將c-a-t這個字和實物聯繫上。在香港，phonics卻用作教導不把英語作為母語的小朋友，把「推斷」出來的讀音當作正確讀音的方法。
其實現在很多幼稚園的中文教材也有普通話漢語拼音（始終不是日講夜講的廣東話嘛！沒有音標怎會讀得準？）。奇怪的是很少人會覺得英文應該用同一套理念處理，卻總是認為太深不適合小朋友學。
同意你先自行上IPA課程。個人推介國際語音學會（ww.ipa.edu.hk）。教得很好，學員上完課後對IPA應有一定認識，字典上任何字的讀音應難不到學員了。但是有些較細緻的地方沒有提及（如英語和粵語的b音其實是有分別的，但導師沒有提及）。
至於靖天，不妨登上Winnie推介的http://www.oupchina.com.hk/dict/phonetic/home.html
將vowel和consonant逐個click，聽聽每個音標發音，當作遊戲。
LB: 感謝你的回覆….
終於遇到有緣人~! 開心開心!!!
WINNIE推介的OUPCHINE內的ipa發音並不清楚, 我還是用老師安排的ipa表來學習…. (未知是否耳朵有問題, 老師錄的十分好啊, 哈哈)
我之前係纲上找到呢個website不知你是否巳看過. send條link俾你看看你用唔用得著. 其實我也很擔心自己教梓朗英文時會教錯咗d音,始終自己不是eng educated…
http://www.oupchina.com.hk/dict/phonetic/home.html
正啊, 又多一個鏈結~~!!
bookmark曬等我得閒就慢慢研究下先~~~
其實…. 教就應該沒有問題, 只係你是否想佢有”外國人口音”咁囉….
幼稚園教 phonics 無非都係想小朋友對英文產生興趣, 從而令他們學懂基本的併音技巧 !!
直至小學學校就會教 Phonetics , 但都只係 帶過 下咁 .. 並不會好仔細咁教 , 所以多數都要自己出去學 !!
初讓聰兒讀 phonics 都驚佢會學壞姿勢 , 但 .. 睇黎唔多會 .. 因為聰兒愈黎愈會興趣 .. 對住隻字母就發音 @@ 哈哈
兩種都學晒羅 .. 都係駛多少少錢 .. 但 .. 真的有幫助 !!
靖天媽咪未雨綢繆 , 自己學定同搵定課程 .. 真係 Good Good Good mami ar ~~~
同聰媽之前研究完, 都明白多了…. 謝謝你啊!
你好呀﹗我係路人甲，不過留意左你個BLOG好耐啦﹗
想當年，我自己好幸運咁有個伯伯教左我phonetics。當時係我小學三年級既暑假，由於屋企父母都唔識英文，我啲英文默書又成日唔合格，所以個伯伯同情我及我父母，就免費教左我﹗
兩個星期我就學哂啦﹗打開本牛津字典，無論邊一個字，只要望住個拼音，我就知道點讀，同埋知道個重音音節喺邊。自始每逢英文默書，我都可以以好少既時間溫習，而又可以取得好好既成績，亦從始對英文產生好感 (因為有成功感嘛)。
到今時今日，我見有啲小學都有教phonetics，但學校會要求學生默音標，我個人認為咁樣會打擊左佢地學phonetics既興趣。以我自己既經驗為例，只要成日查字典，同埋以”玩”既形式去practise，久而久之，自己都會記得啲音標苻號。
時至今日，我仍然可以用IPA去發音，真係畢生受用﹗你宜家學左先，真係好為個女著想，好偉大﹗
Cherry, 謝謝你的鼓勵和支持啊…. 十分窩心!!!
其實本身我對英文都有興趣的, 該是因為同你一樣, 細個讀得好, 有成功感, 就自然鍾意….
對囡囡既英文學習, 實在係好迷惘唔知點教, 或是點開始..
本本”教仔書”都唔同, 都唔知聽個講, 偏偏我又唔太鍾意flash 咭, 變相除左得閒講英文圖書, 也不知如何開始… (再者, 本人的英文發音真係十分地道, 唔想嚇親靖天, 也不想嚇親自己, 嘻~!)
聽聞Phonics十分流行, 偏偏香港又沒有真正的成人Phonics班 (因為phonics唔係俾成人學架麻~) 所以唯有先找IPA COURSE, 了解一下音標, 發音.. 希望靖天長大後, 可以多一點能力指導佢… (唔想佢大個問我點讀, 我都唔識, 好瘀架麻~~ 嘻)
靖天媽媽,我都非常同意cherry講法,我自細就係英文差個堆,不過到我中學時期,有個uncle買左本字典比我,仲教我音標,教音標既時間其實只係數小時,之後我uncle就求其係字典指個字比我叫我睇音標讀,如是者,玩下玩下幾個鐘,成功感真係大好多~音標唔駛特登去記,因為音標其實唔多~只係係字典度”玩得多”,自然就記得~唔識邊個英文字,就點都會用字典查架啦~咁咪順便睇埋音標x)
再者靖天媽去學音標一定唔係問題~大人麻,易理解~
聰媽既說話亦講得有道理~phonics可以比小朋友對英文有興趣~呀呀學語既小朋友最鐘意講講講,睇到乜就講乜,比佢睇到個英文字就會讀得出,讚下佢~小朋友最緊要攞到個興趣,成功感,先會再有下一次啊~
p.s靖天媽我成日都睇你地個blog架,好吸引耶~
仲有呀~如果靖天下次唔小心打碎D咩樽,可以考慮下去SEVEN買樽鮮奶/可樂/維他奶…如果SIZE合心水既,樽口又OK既,咁就唔駛特登買個玻璃瓶啦 X)
乙路人:
很長的篇幅, 十分感激你的支持!
就是知道ipa難學, 所以才自己先試….
到靖天大一點, 才決定由phonics開始, 還是由phonetics開始….
要謝謝你的鼓勵, 7-11牛奶樽我已經買左2個 (飲左2枝奶), 不過樽口好似好細, 靖天用可能有少少”難度”, 同埋又未諗到點用, 得個”放”字…. 嗚~~~~
你好細心啊, 咁都諗到, 謝謝!!!
俾你提醒咗, 我都要學下phonetics先, 將來我個女問我時, 都唔洗口啞啞. 好期待你學完番黎嘅分享呢.
唔好咁講啦, 交流交流就可以了!!!!!! :)
如果想自己學phonics, 可以參考下呢兩個website.
http://www.starfall.com/
http://www.progressivephonics.com/
謝謝你呀!!!!!
學過下….無好formal咁學…
小朋友太細..
跟本學唔到…26個英文字母都分唔到….仲要教發音?
讀英文其實要好靈活運用舌頭…..東方人本來已經係難o的….
另外就係..o的cluster係好難讀…
我自己都讀到o的舌頭打晒結…
例如..months=mo+n+th+s…你要將後面個cluster連埋一齊讀(mo+唔+佛+實)…又要讀晒後面o個3個音…其實好難….
又例如six…3個英文未母….但要發3個音…k音+s音…(識+咳+實)
唔好講小朋友..大人十個有九個都讀錯……..
我唸大約小學先開始學會比較適合
靖天太細未學到, 所以我咪先學左o的基本野先囉, 嘻~
希望第日佢大個可以幫下佢….. 麻!
我一路以為你講既Phonics係Phonetics
如果phonics係要三歲以上學….咁phonetics應該要更大…..因為要不停運用舌頭…..我而家去學都唔係好掂….haha….
師姐都要學phonetics?
好有興趣知道Phonetics到底係點？你幾時上堂等你回來跟我們分享，最低要求幾歲先可以讀？
好啊好啊, 希望可以分享下;
18歲以上就讀得喇, 嘻;
Hello,
It’s the first time I leave a message here. I don’t think phonetic is suitable for your girl as she is too young.
hi yauyinma
謝謝你的到訪啊!
當然知道phonetics尚未適合靖天, 所以才有”自己先學”的打算麻~~~