還是對『蒙特梭利』興趣大一點!!!!

大約在半年前, 得知這家蒙特梭利教育中心, 因為要18個月才能上課, 加上知道要排好耐好耐…所以在靖天13/4個月時, 已經申請輪候, 希望在18個月就能排得上了……

這家蒙特梭利班價錢不平啊….  因為要求一個星期返3日, 即係一個月就會有12堂…. 變相學費就變多了…. 只是除返開, 其實價錢又是合理的…..

到上月中, 中心打來, 是該有位了…..!!!!!  一如所料, 是安排了”下午班“…. 但因為當時媽咪打算到北京上課, 就婉拒了中心的學位….. 然後…… 一個多星期後, 媽咪決定放棄出外進修, 於是就立即致電中心查詢還有否餘位給靖天……. 結果…

也該感謝H1N1…. 忽然提前放暑假 + 暴增個案, 似乎很多小朋友都暫停了課程…..

在月尾再致電查詢, 負責同事告之能安排做一個校訪…. 也該是意味著, 可能有位給靖天上學了!

~~~~~~~~~~~~~~~~~~~~~~~~~~~~~~~~~~~~~~~~~~~~~

約了某天早上, 沒有車仔, 沒有揹帶….

感覺靖天已經差不多歲半了, 應該可以多走一點路麻…… 結果, 當然是呃人的~!

在家中出發到尖沙咀, 其實是十分不方便的…. 附近沒有巴士直達, 要在市中心轉一程巴士, 或是到太子/旺角再轉地鐵….

結果選了一個另類方法….. 在家坐”倒頭車”然後再轉巴士直達尖沙咀….

由出門口計, 到落車, 一個鐘都唔洗, 已經十分幸運了!  等車雖熱, 但好快又有車, 呢日靖天果然有”甩“…..!!!!

到達尖沙咀, 時間尚早, 先到”幼潛中心” 拿一份小冊子 (又唔知點解收唔到通訊, 激氣!)

跟住左走走, 右走走, 還是早一點上去涼冷氣!

舊式的商業大廈, 一層過都是BC (bEST cONCEPT)的….

開口的是Ms Sara(死咯, 都唔記得係咪叫sally 定sandy) …  好似修女的啊!

脫掉鞋子後, 跟手就有一位模特兒身材的老師出來招呼我們…..

都係唔記得呢位老師叫咩名…..  Ms … Ellen?!好似…. 係叫Ellen

淨係覺得佢有琦琦咁既身材, 廣東話有少少唔正, 應該不是香港人吧?! 但又十分nice, 與她對話感覺好舒服… (係高左少少…….. )

老師帶我和靖天參觀兩個課室, 都是”小B們”的課室…

兩個課室都好大好大….. 什麼都是BB板….. 連洗手盆, 洗衫板, 都是迷你的啊!!!

最欣賞莫過於課室內的枱櫈… 矮到丫….. 靖天 (或其他小朋友)坐上去, 就是剛剛好….

明顯地, 枱櫈都是特別製造的…..  整個環境, 就同网上看那些國外的蒙特梭利學校, 或是蒙特梭利家居一樣…. 好似去左小人國咁…….. 加上面積大, 感覺更感舒服…

靖天入到課室已經鬆開唔要我拖, 自顧自的玩東玩西……

我就趁機會問了老師一些問題:

問: 你地既教師都有蒙特梭利執照嗎?
答: 我們有6位老師, 5位是AMI, 1位 (就是我) 是AMS, 因為我在xxxxx考的 (應該是因為那裏沒有AMI學校吧?!)

問: 一班會有多少個小朋友?
答: 一班會有1-2位執業導師 + 一位助手, 一班會有大約12個小朋友….

問: 家長不能相伴, 咁BB便便左點算?
答: 我們會幫忙整理, 所以家長們需要留低尿片, 濕紙巾和便服給我們作後備

問: 如果喊得太犀利, 係咪就要接佢走架喇? 又, 通常要喊幾耐先唔會再喊?
答: 一般黎講佢地需要1個星期零2日 (點解講得咁準既?!) 就可以適應到個環境…. 有o的小朋友初頭喊, 但分散左佢就無事, 當然唔洗接走… 但若果係個幾鐘不停喊, 收唔到聲, 就需要家長接走了.. 所以頭幾堂建議家長們都唔好走太遠, 我地打俾你就需要即刻接返小朋友緩和返佢地…..

問: 咁細個要佢自己一個上堂, 會否俾左個陰影佢, 第時返幼稚園唔肯返學?
答: 呢個其實係小朋友既第一步, 如果第一步已經做好左, 第時返學就唔會有問題了. 反而家長們要諗係咪真係有足夠既準備俾小朋友獨立返學…. 試過有o的家長第1日黎上堂, 黎到門口, 同老師講佢未ready, 退學了…… (咁都得?! ) 雖然之後佢都有帶返小朋友黎上堂….

問: 我無得陪住小朋友, 咁我點先可以知道佢既學習進度?!
答: 頭呢一個多月, 我地落堂都會盡量同家長傾返, 如果太多家長唔方便, 我地都會打電話俾你地傾返個情況, 而家長們有咩疑問亦都好歡迎打俾我地查詢…. 大約3個月到, 就會收到中心既課堂紀錄及報告, 包括一些照片…如果時間長一點 (從其他媽媽blog中得知, 約6個月) 就會拍一些課堂短片給家長們參考…

~~~~~~~~~~~~~~~~~~~~~~~~~~~~~~~~~~~~~~~~~~~~~

其間老師都有觀察靖天的行為…. 話靖天行得好, 企得好直, 不會左搖右罷… (靖天已經行了6個多月了….. )

也發現靖天對什麼事都十分好奇…..

更說靖天能說很多單字…. (靖天習慣邊做邊說, 如坐, 會邊說”坐”, 邊自己坐下來….)

是一個好開始啊, 我知道~~~~~~

我更知道, 靖天對這個課室十分鍾愛……

多次問她: 夠鐘走了, 好嗎? 竟然擰頭嗌”唔好”……

最後細細聲用”糖糖”引佢才能離開課室….

點知去到課室門口, 靖天鬆開左媽咪, 走去拖住助手老師的手, 就走出班房……

生女丫, 生女丫….  有得玩, 有個靚課室, 有老師陪, 就唔洗要媽咪架喇?!  衰女包黎架!

仲要助手老師幫佢著鞋…..  老師講左好多聲, 先醒覺: 要返去媽咪身邊…..  

今日識得跟老師走, 大個就識得跟男仔走咯…. 衰人黎架!

~~~~~~~~~~~~~~~~~~~~~~~~~~~~~~~~~~~~~~~~~~~~~

雖然老師再三提醒要否回去跟爸爸商量… 但這個媽咪心意已決…

又因為H1N1, 中心能安排”第一志願”給靖天上堂, 難得的機會, 更不想錯過…..

歲半人仔就要送她獨立… 卻又口口聲聲話好愛靖天, 好想佢成日痴住自己….

是有點兒矛盾, 做媽咪的, 也解釋唔到….

做媽咪的, 也想BC像兒童無限般, 可以陪著小朋友…. 卻又偏偏不能….

又要馬兒… 又要馬兒…….. 唯有作出抉擇!!!

先為靖天安排一個月的課程 (係咪都要交一個月錢架麻…. ) 但願, 心肝能輕鬆捱過一個月的課程, 也能踏進未來的第2個, 第3個月…..

靖天, 您要多多加油啊!

(652)

Comments

comments