靖天上學了@ Best Concept 第1課
靖天: 『媽咪……. 媽咪………』
09年7月9日 (星期四), 晴
今天是靖天的超級大日子……. 嚴格來說, 這個課程, 已不算是什麼Playgroup… 是真真正正讓心肝一嘗上學的滋味了!
一再低估自己對靖天的愛與緊張….
前一晚準備好尿片, 後備衣服 (還貼上靖天的大名! 
) 返學回條, 上學的衣服鞋襪…..
然後, 懷著緊張的心情睡覺去….
早上, 本來剛剛好趕得及出門口, 落到樓卻發現忘了”那袋”用品, 又要走一轉…. 遲了一班車, 最後靖天遲到了十多分鐘…… 
到中心樓下, 已經看見一個小男孩在哭鬧著, 結果他的爸爸還是半帶強硬的帶他上課去…..
然後, 去到中心門口, 老師請我入內替靖天除掉鞋子…..
嘩!!! 好震憾呀….. 好多好多喊聲……. 坐在靖天隔離的那位大姐姐, 正在緊緊的攬著媽媽, 不停”扯蝦”式的喊左, 叫左…… 心, 頓時寒起來!!! 
靖天才剛睡醒, 還是傻更更的…..
Ms Ellen出來, 拿了”日用品”, 就拖著靖天離去, 靖天走到一半回頭看我, 我著她先入內玩一會, 除後跟上 (其實是一個大話呢……. 
)
然後助手就示意我可以離開了……… (當時時間: 約09:15)
出了門口, 卻想起靖天好怕小朋友喊, 想提醒老師, 按了數下門鐘, 都無人應….. (應該是太忙了吧?!) 結果….. 懷著忐忑的心情離開……
吃過早餐, 就到附近的麥當當坐坐, …… 不時看著電話, 怕中心打來我聽不到……
時間久了….. 反而越坐越不安…….. (時間: 10:05)
想上网, 討厭的電話卻不靈光!!! 想起附近的咖啡店有電腦, 就急急走到那處, 至少, 上网看看新聞, 看看自己的卜, 時間可能過得快一點麻……
好不容易等到一部電腦, 才查過電郵…. 電話就響起了….. (時間: 約10:20)
也忘記了登出畫面, 就飛快的走到中心…….
蒲入到門口, 已經聽到靖天的聲音….. 好大聲, 好大聲的叫喊著….. 
是心痛的….
老師著我先等候一下….. 一會, 卻聽到靖天收聲了~~~~ 
再隔一會, Ms Ellen就抱著靖天出來…….
看見靖天一刻, 差點兒哭了出來……. 雙眼已哭得通紅, 帶點兒腫…. 小手還拿著一張紙巾 (應該是老師給她抹眼淚吧?!) (時間: 約10:30)
靖天看見我, 沒有哭, 沒有大叫, 沒有扭計… 只是緊緊的攬著我, 伏在我肩上…….
我問老師: 係咪我一走佢就喊…….
老師話係… 我心差點兒跳了出來….. 心肝, 那您就足足哭了個多小時?!
我問老師: 係咪喊得好大聲, 咁點算….?!
老師反而說: 其實佢中途是有靜止過的, 只是需要我抱著, 不願自己一個….. 但第一堂黎講, 佢既表現已經十分成熟, 跟她說, 會明白… 剛才換好片, 著她不要哭, 帶佢搵媽咪, 還要她跟老師和小朋友講再見, 她都一一做到 (那就是剛才聽到靖天忽然停止哭泣的一刻吧?!)
再問老師: 咁….. (其實都唔知應該講乜野, 心太亂了~~~~)
老師再說: 她是需要時間適應的, 亦不要期望她能獨自工作. 今天不要說什麼負面的說話…. 給她一點時間, 應該可以的!!!!
也不阻老師時間, 著靖天說再見後, 就離開了……..!!!!!
出到門口, 我就即刻稱讚心肝做得好, 剛才能離開媽咪個多小時獨立上學去…… 並輕聲的告知她, 明天我們繼續上學…. 借意試試她的反應…..
如果靖天是十分抗拒一事 (例如我咬過佢), 佢就會擰頭說不好, 但這一次, 沒有啊!!!~~~ 只是半帶疑惑的說了兩聲: 返學….. 返學……
說罷, 就說要獎勵她一番, 到了附近的7-11買糖去…… 放她落地, 她都願意, 可以知道, 剛才那個70分鐘, 心肝並不是100個不願意的……
之後問她是否因為小朋友哭, 她怕了…. 她皺著眉…. 哩哩哦哦的說了一些話…. 我又借意教她如何處理小朋友喊….. (都係叫佢叫小朋友唔好喊, 摸下佢, 吱下佢…. ) 實在是五十步笑百步!!!! 
但沒辦法, 盡管靖天明白與否, 也沒有第2個方法可以做….. (或者選擇給一個月的學費, 上一堂就退學去?!)
然後, 就跟她回家去了…..
整個下午, 到晚上, 婆婆都說靖天沒有被嚇親的跡象, 要知道心肝是否被嚇, 或會否抗拒, 就要到第2次上課, 她是否願意走入班房就知道了……. 如果是看到門口就大喊起來, 就証明她真的不願意……
但至少, 這一天, 靖天沒有因為”沒有媽咪”而變得嬌嗲, 或是嚇到發燒, 大叫大喊… 從婆婆的經驗, 已經算不錯了….. 
萬幸, 婆婆並沒有怪責我帶靖天去這麼一個鬼地方….. 也許婆婆比較明理, 只要我接受得來, 就可以了….. 是窩心的 (至少沒有了家庭壓力)….
然後, 爸B也沒有話我太狠心, 靖天才18個月就送她獨立….
大家也認為遲早靖天都要有這一天, 大可以趁這個機會, 測試一下她的反應…
婆婆告之, 當年送舅父返學, 就有一個小朋友上了一個星期就退學了, 原因是他哭得太多, 老人家怕他嚇親, 於是就退學, 讓他大一點再來…..
這個做法是否洽當, 並不知道, 但正如婆婆說: 遲早都要返學, 係咪喊兩聲就成世唔洗讀書?!
又這個情況是否適用於只有18個月大的靖天?!
並不知道…….媽咪給靖天這個課程, 總有她的原因…. 
要不是為著那點點的原因, 又何需勞師動眾, 安排又安排的給靖天?! 為著滿足自己的一點慾望? 唉…………… (明白的, 總會明白……. )
但願, 靖天真的能有”克服”的一天……….
心肝, 爸B話… 佢對您好有信心的啊!!! 您當真要加油了!!!!! 
(641)
你講到好鬼入肉呀, 睇到我心都痛埋, 好似個女係我咁 :p
靖天同靖天媽媽努力呀))))))
哈哈, 係事實黎架, 我當時真係咁諗…..
會加油了, 謝謝!
靖天媽媽，這是我的個人經驗和看法。靖天得十八個月就自已返學，實在太細了，現在是第一天，過多二天，可能會有痴身，未返學就喊定先，想問之前返學，有沒有和她來這間學校一次呢？如果可以的話不好時常轉學校，因她會沒有安全感的。如果持續喊，妳又心痛，但又不想放棄，放下交給老師，轉身走吧！是有些天殘忍，想成功，便是這樣。還有，一放學，好多時，我們做媽媽第一樣就問她有沒有喊呀？可以的話不好問，因為小孩子會覺得這個喊便會當兒例行公事吧。媽媽更不捨得。我個仔想當年都喊左三個月了。小靖天努力呵，好期待妳媽媽會話給大家知，靖天唔喊啦！
謝謝stephanie的建議;
當然之前是有跟靖天來過此校做visit呢.. 再者, 這並不是一所什麼的學校, 半pg, 半學校的性質, 2小時一課, 是可以接受的…..
嘩, 喊左3個月, 咪心痛死你?!
其實到第2課, 已經好多了….. 剛剛打好了, 歡迎賜教;
妳咁口齒伶俐, 妳老公一定投降啦, 比著我, 比我老公”拋”吓, 已經打退堂鼓啦, 其實…真係幾嬲自己咁無用嫁
唔好咁講啦, 你小鳥依人式, 老公愛你多一點啊! 嘻~~~
完全感覺到真係心痛死！靖天努力呀！
大家都係為人父母, 感覺不一樣呢…….
靖天會加油了!!! 謝謝你呀~
真係勁肉赤!!!! 比著我可能喊左出黎!!!
嗚…. 還好她不是太嚴重呢
我當初都諗過18個月送米b黎呢度, 不過最後都決定等2歲先…
我諗靖天應該適應到o既~
原來米B排了2歲才返BC, 咁… 咪唔會上n1囉?!
但願靖天也會適應到… 唔想每次都早走麻,~!
好淒涼呀~~睇到我有點眼紅 ….
但相信靖天媽的安排是最為靖天著想….靖天要加油啊 !!
哈哈, 遲o的你個女返學, 又會咁呢…….
我仲未喊得出, 但就有少少心痛囉… 嗚~
第一日返到一個鐘 .. 差唔多羅 @@
才 18 個月啊 !!
去到一個陌生地方 , 沒有媽咪 … 安全感薄弱左 …都可以留到一個鐘 .. 算是不錯吧 !!!!
努力 @@
一個鐘我們已經覺得十分好, 只係有點兒心痛….
希望會繼續做得更好吧
見到靖天咁喊法, 我完全代入咗自己個女度. 我個女8月初會開始返育嬰園, 到時佢7個月大. 而家佢已經好認人, 我好擔心佢喺育嬰園見唔到我同婆婆會喊到眼腫鼻腫, 諗下都覺得好心痛.
應該每個與寶寶分離的媽媽都會這樣子吧……
七個月就要返育嬰園了, 相信你既心情比我更加難受…
加油呀, tanmama!!!!
靖天應該會適應到o既! 就算呢一刻小靖天唔明點解媽媽要留下佢自己一個人係度,但你心中那份愛佢一定感受到, 所以他日佢一定會明你所做o既都是為她好. 靖天媽媽你要同靖天一起加油呀!
謝謝你啊, winnie~~~~
靖天都算係咁，成個鐘喎…想到如果係茄茄…唉…真不敢再想下去…不過婆婆講得啱嘅…唔通喊就唔返學咩…
nursery開學頭一個月都會俾媽媽陪返學一個星期，其實bc係咪可以都有類似安排呢？唔使個個小朋友第一次去到陌生地方就要同媽咪分離…
個人認為茄茄應該更能適應, 因為茄茄o係我心目中, 是十分棒的麻!!!!!
我估係因為人數問題, 所以唔可以咁安排卦…. 我連入去課室都唔俾呢…. (又係既, 同一時間handle咁多小朋友+家長, 理解佢地難處)…
如果有video / cam 錄住個情況, 我估做家長既會安心好多, 呵呵~~~~
我睇過一啲FORUM，話BB第一次離開父母返學，你可以俾一樣你自己既隨身用品俾BB”保管”，同佢講﹕一陣放學，媽咪會黎接返你，到時你再俾返我。
當然，呢件隨身用品，係要連BB都自覺到，真係成日會喺你身邊既，例如手鏈等，等佢見物如見人﹗
我個仔比靖天細一年，所以我仲未需要呢個做法，講唔到成效俾你知，但你不妨可以參詳一下﹗
這個方法十分好啊, 但學校老師是否都容許咁做, 又是另一個議題….
我之後2堂都有俾盒糖佢渣住, 第2堂落堂係手, 但第3堂落堂已經唔見左盒堂, 未知是否俾老師拿起了, 哈哈~!!
靖天與媽咪的隨身物…… 好似無, 得佢塊爛布布咋… :(
靖天媽咪, 靖天真係好叻呀, 希望佢每日都有進步, 到最后唔使早退. 其實家人支持真係好重要, 如果佢地反對, 你一句佢又一句, 妳就會下唔到決心嫁啦, 真係好羨慕妳有一個永遠支持你既老公呀, 起碼做起嘢上, 唔使畏首畏尾ma……..
謝謝你的支持啊! 但願靖天會努力下去麻…..
我理解你想說的什麼… 其實老公也不是是是支持, 只係.. 我惡過佢咁解, 嘻~!
一般情況下, 我們都會講講道理, 我講得通, 佢就會接受, 也慶幸自己有這麼一個老公啊, 嘻!
你也要加油啊!
一路睇, 一路幻想如果係我個仔佢會點….
靖天其實真係好叻, 起碼肯聽老師講導理…
好多小朋友見到其他小朋友喊, 都會不自覺地喊埋一份…
會心痛的啊, 靖天情況還可以接受, 已是萬幸了~!
係呀, 小朋友見到人地喊, 又會一齊喊… 好傻瓜啊