靖天上學了@ Best Concept 第5課
靖天: 『咦? 報告板寫住是日休課一天架噃! 』
09年7月17日 (星期五), 晴
因為前一晚約左哈利波特, 結果….. 怱怱回家, 還是比平常晚了一點睡……..
熟睡到不知幾點…. 忽然聽到靖天不停的咳著, 還帶著點點的”作嘔”聲….
結果…. 還是嘔了….. (仲要o係媽咪心口~~~ 
)
靖天仲以為有人搞佢….. 不停依依亞亞的講左外星話…. (心肝… 係您自己搞自己咋!)
安撫一會, 又睡下來了…….. (時間: 凌晨12:40)
到半夜, 已經不知道幾多點, 靖天又咳起上來……. 還好, 一會就停了…. 想必又是氣管有點兒老毛病吧?! 
跟昨天一樣, 收拾好, 就抱起靖天出門口…….
上到車, 心肝已經醒了…. 一會還叫著要”奶奶”….. 開左俾佢, 食左3安就停口…. 激死人咯! 
(點解好似每次返學, 都有點不順….. 
)
還好, 沿途心肝都乖乖的, 在我懷中休息著…….
由昨天開始, 媽咪加強了”藥量”, 除左提著靖天要返學, 還補了一句: 返學要點架? 同媽咪講bye-bye喎…… 我地試一次丫…….
有些時候, 心肝會跟我揮手說再見, 有些時候, 則攬著我不放…….
到星期五的早上, 我們繼續”落藥”, 到樓下, 心肝開始知意識到, 這不是一場預演, 是真的又要上學了~~~!!!
心肝沒有太出聲, 也沒有哭鬧著….. 出了電梯門, 看到門口, 都沒有反應…… (時間: 08:50)
剛巧有其他同學仔返學, 老師打開門了, 靖天一看老師 (已經不是那位助教 / Ms Ellen), 就攬著我不放….. 看到其他小朋友乖乖的坐著等返學, 我借意分散靖天的影響力…..
『看, 其他小朋友都無喊噃, 仲有玩具玩, 靖天都唔好喊…. 去玩好無?!』
靖天看著小朋友, 沒有出聲, 沒有喊, ……..
到老師要抱走靖天, 靖天竟然半帶主動的向老師懷抱處……
然後, 還是哭了!!~~~!!! 只是叫了幾聲….. 嗚嗚~~~ 嗚嗚~~~~~
關上門, 已經聽不見心肝在哭……
心裡是有點點兒安慰的….. 似乎, 靖天在每早”交接”時間, 在慢慢的進步著….. (媽咪有個大膽的幻想: 但願有一天, 靖天看見門口, 會開心的跟我說再見然後上學去……. 
)
同平時一樣, 跟爸B吃早餐, 然後爸B返工, 我到附近的食店坐坐…….
到10:15….. 沒有收到老師的電話…. 比昨天進步了! 
然後到10:30, 也沒有收到電話…. 心想: 得得地噃…………….
誰不知呢頭想, o個頭就收到Ms Sara打黎……. (時間: 10:35)
那一刻著實有點兒懊惱, 何解靖天第2周比第1周更不滯?! 也有半刻衝動想跟靖天退學去…..
到達門口, 聽不到有小朋友喊喎……… 
助教老師開門….. 咦? 靖天無喊架喎!!! 
靖天見到我當然開心呢….. 才抱起她後, 老師已經說: 『佢今日表現幾好呀…』
『咁…. 』 (咁又咁快接返靖天既?!)
可能老師都知道我想問什麼呢….. 再答: 『其實佢今日表現好好呀, 全程都無點喊過, 係中間時間叫左兩聲…. 不過我地唔想佢每次都喊住咁走, 所以就o係佢最開心既時候叫你接走佢, 等佢覺得返學係開心o的….』
還想跟老師多談幾句, 點知靖天竟然想拉門… 關門…. 見咁情況, 媽咪也識趣, 不再打擾老師, 也跟靖天回家去了!
進電梯, 我還稱讚靖天的好表現……
沿途, 我們就開開心心的到7-11買零食 (應承過心肝, 如果好表現, 就會有小獎勵麻!) 又一路自己行, 一路食小吃……
由金巴利道, 走到巴士站 (也不近啊!) ……… 靖天沿途又跟行人打招呼, 又吃著小香腸, 還甜甜的笑著….. 好迷人啊!!!! 
上車一會, 就呼呼入睡了……. 
在想: 早上的時間雖好, 好像不太適合靖天…… 盤算好不好轉下午班?! 但一轉下午班, 誓必就回不了上午班…… 又, 下午班時間上又似乎更合靖天…… 該如何是好?!
後記:
天文台黃昏話會掛1號風球, 爸B又講到明話第2朝至少發3號…… 再打去BC查詢, 確定打風落雨無得補堂….. 嗚嗚~~~ 呢一刻心情十分低落, 沒有補堂, 我們又蝕本了!
更不開心的是, 難得靖天第2周第2課已經試著習慣, 停一停, 到第3周, 想必又會打回原形, 十分肉赤之餘, 更心痛心肝沒有天時地利, 讓她好好學習…….. 上下又停下, 到幾時先可以成功?! 
(371)
又真係安排得唔錯喎
魏靖天開心時離開.. 讓靖天覺得返學係開心既 !!
真係好好呀 @@
靖天要加油呀 !!
其實都係架…….
靖天的咳好返未?
真是好的開始, 靖天你要加油…
好返好多喇, 仲有少少咁囉, 多謝你呀, 太有心喇~!!!
我會加油喇, 感動中
靖天進步得好快，靖天媽妳唔洗擔心喇，哈哈!但係第二日係咪冇得返學，可惜啲
長憂99呢……..
你留言了, 我好感動呀!!!!!!
(悄悄話: 係有架, 呵呵)
靖天點解會嘔嫁? 唔舒服呀?
氣管唔好, 一咳就會嘔了~~~
但願靖天d咳巳好返了…
靖天, 你真係好叻女呀! 梓朗哥哥真係要多多向你學習先得啦…
靖天媽咪, 想問下哈利波特呢一集好睇嗎? 之前嗰幾集有睇開, 所以都想睇埋佢…不過今集唯有等出碟先有得睇了…
好多了, 謝謝有心呀!
靖天才不叻, 只係多少少聲氣咋, 嗚~~~
你點解問我架? 竟然……???????? (你點知我睇左架, 哈!)
好睇, 但唔好高期望去, 當普通一套西人, 就好睇!
咁唔好比凍嘢佢飲wo
係, 知道! :)
哈! 因你話約咗哈利波特嗎…
幾時講架? 哈哈…… 我無印象既……
Quited Babybuddies class?
quit左喇……… 安排唔到時間呢;