靖天的2歲生日 [郊外生日會@西貢大拗門, PART 1]
多謝你們的出席….. 『咱們仨』有個難忘的生日會咯!!!
2010年, 爸B媽咪為靖天準備了….
生日前夕…..迷你生日會, 相約晴晴和MACY….
生日當天 (下午)…. 跟媽咪拍拖睇戲, 還有到公共遊戲室暢玩一番…..
生日當天 (晚上) … 一家三口到迪士尼共晋晚餐, 請來米妮小姐跟靖天吹爉燭!!!
《前言…》
其實…… 媽咪原先安排的, 並不是這樣的…. 
早在聖誕期間, 已經相約靖天的朋友仔, 在靖天生日前夕, 舉行一個郊外生日會!!!
什麼都準備好, 連蛋糕都訂了……誰不知那個星期遇上了天雨…. 
在人生交叉點上, 媽咪決定將生日會延期一周, 希望可以換來晴天….
結果… MACY和晴晴因事未能出席…. 為彌補媽咪的安排不善, 誠邀她們前來跟靖天玩玩, 吃吃飯, 相聚一下…… 
由衷的跟MACY和晴晴說聲對不起…. 未能讓她們出席….
剛好… 想起一早邀請又因事未能應邀的橋橋,….. 延遲了一星期的生日會, 時間剛剛好, 她可以出席咯! 
最後, 當天早上, 麻煩了一媽請來了朗朗…..
媽咪跟朗朗見過幾次, 這位”經典港男”, 實在可愛…. 知道他一家住在馬鞍山, 也許會有時間前來玩玩啊! 結果, 成功了!!! 
.
《構思…》
不選家中, 是因為家中已經容不下多位小孩子, 而且好玩的玩具都給媽咪掉扔了!
不選麥當勞, 是因為媽咪深知一群2歲寶寶不能完全投入其中, 而且生日會的遊戲過於”兒童”, 更不會為BB特別安排什麼好活動…. 加上麥當勞吃的”熱氣”食品, 媽咪實在擔心會有小朋友不能品嚐!
不選CAFE, 是因為找不到理想的店子….. 本想到貓CAFE / 狗CAFE, 但好友天朗因身體問題, 不能出席, 媽咪實在不想見不到天朗啊!
不選冒險樂園, 是因為爸B極力反對小朋友這麼小就到這些地方玩樂, 而且並不像生日會!
不選PLAYTOWN或其他玩樂型場地, 原因當然是因為銀兩不足….
最後, 媽咪想到了…. 戶外旅行!!!
西貢的大拗門 (即清水灣郊野公園), 是『咱們仨』2008年第1次野餐的地方!!
爸B媽咪只到過一次, 已經深深愛上….
也許… 有空礦的地方… 清新的空氣…. 無敵的海景…. 會理想得多?!
至少… 銀兩花費上, 會慳一點麻!
.
《準備…》
2009年, 爸B媽咪為靖天準備的生日會情況…. CLICK HERE!!
2010年, 爸B公事繁忙未能幫忙準備, 這些粗重功夫, 留待媽咪安排!!! 
上年已經有習慣, 準備了小禮物送給朋友仔, 大家也開心麻!
今年也不例外… 既然選了郊外做生日會地方, 禮物也得送得”郊外”一點麻!!!
出發前的4日, 終於準備好生日小禮物了…
本來想安排了紙杯紙碟, 計計數, 一些特色的生日用品, 都要好幾十…
但到IKEA買的這些小童專用膠製餐具, 價錢更便宜一點… 
既環保, 又划算…. 一個小朋友一套, 原意讓他們在生日會上使用, 後來大家都用上後備的白色紙碟… 
….
泡泡鎗在香港買有點貴, 但在淘寶就便宜多了!!! 我想, 小朋友們都會喜歡麻?! 
來到大拗門當然要放放風箏, 在那處買, 要$20一只, 要是我們能提供一下, 可能爸爸媽媽們也會玩一玩啊!!!
小青蛙袋仔 + 環保餐具 + 泡泡機 + 風箏……
最後, 請了大師傅林師奶幫我們準備了星星啫喱曲奇!!!
中間是啫喱製的…
還有一個『仨』字 (下圖是林C奶特別為靖天安排的!)….
很有意思, 我想…. 認識我們的都知道, 『仨』是代表我們吧?! 
另一份小禮物 — 星星啫喱曲奇!!
郊外生日會, 當然少不了自家製的食物….
這一環就得留給咱們的爸B廚師咯!
早一天, 到街市準備了材料…
當天早上, 早上起來就忙打點….
不過…. 媽咪也有幫忙的啊! 那個芝士三文治就是媽咪杰作咯!
早上, 爸B努力的準備食物!
.
《出發…》
天公造美… 媽咪擔心了整整個多星期, 終於換來了好消息!!
天氣不算寒冷, 而且, 有陣陣的陽光!!
大家心情都好了!! (前陣子媽咪還因為擔心天色不佳要一再取消, 差點哭出來! )
.
早上起來, 爸B在忙準備食物… 媽咪在忙裝扮自己… 靖天在忙搞東搞西…
準備出發!!!
先在家樓下接了梓晴一家…
再到西鐵站等候一一和橋橋…..
靖天拍的Snapshot…. 很有深度!
生日會的地點較偏遠, 爸B媽咪都訂了一架小小旅遊巴… 將小賓客一起車到目的地!!!
離開大西北, 我們先到佐敦取生日蛋糕….
然後, 又轉到尖沙咀, 將彤彤和敏堯都接回來!!!!
討厭的司機走到九龍竟然也不懂路… 兜了好幾圈才到尖沙咀, 害得彤彤和敏堯兩家人在街上呆等….
在車上…. 大家都聊聊天….
到達時間比原訂時間遲了一點…
天朗一家自駕車, 一早已經在目的地等我們咯! 
這天…. 媽咪請來了7位小賓客….
小賓客之一: 彤彤!! (無見一年, 真人跟上鏡一樣可愛!)
小賓客之二: 敏堯!! (扮上小老虎?! 可愛極了!)
小賓客之三: 橋橋!! (差不多一年無見, 這天, 扮上絕種恐龍!!)
小賓客之四: 一一 (這天是化身成憂鬱熊貓俠!)
小賓客之五: 梓晴!! (也有大半年無見… 這天變為一位為食熊貓B)
小賓客之六: 天朗!! (這天扮什麼?! 獅子還是老虎?!)
小賓客之七: 朗朗哥哥!! (臨時捉左人家來玩, 沒有化身小動物!!!)
不要忘記這天的小主角: 靖天青蛙!!!!
上年, 我們的生日會主題是: 紅!!!
今年, 我們的生日會主題是: 動物!!!!
結果…. 小朋友都扮成小動物, 來到靖天的生日會! (好感動唷!!)
而且, 顏色竟然也大不同…..
拍出來的照片, 美了!!!!
這個位置就是早前媽咪實地視察, 最心儀的一個位置!
選了一個有利位置!!!!
因為咱們在聖誕時已經來視察過環境, 當時已經選了了心水地方…
這天就不用東找西找… 見到這個空位沒有人, 就決定在此落腳!!
媽咪準備了小枱布, 好讓小朋友可以坐在地上玩….
也帶來了小火車, 不會太單調麻…
本想多帶幾個小波波, 卻怕爸B怪媽咪麻煩, ….. 打消了念頭….
還好朋友們都很幫忙…
放好食物, 安頓好, 就開始這天的生日會咯!!! 
.
續…
(596)
Pls reply…Thanks a lot!
SENT
靖天mami, 可否提供 泡泡枪 是在那兒買 呀?
您買的那架, 容易按下嗎..?
有沒有淘寶’s link ar..? Many thks!
在淘寶網買的, 如有需要請留下電郵 ^.^
這個很易用啊, 朋友都讚好!
嘩！真係安排周到的生日會！你地好有心思同心機呀!
唔好咁講啦, 我地貪玩咋麻, 嘻
靖天媽咪你真係好有心思又夠細心, 樣樣嘢都諗得咁周到…
戶外旅行真係一個好好既安排, 小朋友有得周圍走最開心…
才不是呢~~~
我自己都想玩架麻, 呵呵!
這樣的生日會很有心思，靖天媽媽好叻呀~!!
咁我都想一齊玩麻, 梗係要花點心思, 嘻!!!
靖天好幸福!有個咁肯為佢花心思心血既mama~~~
大個要好好孝順佢呀知道嗎?
anson咪又係一樣….. 哈哈
希望佢唔激死我都偷笑….
好難忘嘅生日會, 靖天媽媽你真係好有心思, 仲好細心…可怕我地出席唔到, 唔好意思~下次我地一定到~
多謝你地幫靖天慶祝左生日就真呀!!!!
今次玩唔到, 我地仲有好多時間啊!!!
呢個生日會十個正呀!!! 期待下一part!!!
我好努力架喇, 等我等我!
感動因我而放棄選擇貓CAFE / 狗CAFE, 我地都唔想出席唔到靖天bp.. ^^
天朗o個日其實係…panda呀!!
所以我點都要就埋你架麻!!!：）
下? panda? (邊忽似………@.@)
woo~~~好鬼正wor, mama真係好有心機, 睇黎其他小賓客都玩得幾開心wor, 呢個地方very good吖! 郊外空氣又好d, 人都爽神d!
但願, 他們也玩得開心啊!! ^.^
咁多人去郊外, 實在好難得啊!
尼個生日會好多嘢要籌備, 厲害厲害!!仲要一早到現場視察環境, 靖天媽媽確係細心!!
我見到相入面, 靖天喺度”lam”塊星星曲奇呢~
p.s.: 係玻璃曲奇, 唔係啫喱曲奇呀~中間既係果汁糖黎o架~
多謝讚賞, 只要是靖天開心……….. :)
係呀, 佢淨係鍾意個”啫喱”咋… hohohoho
玻璃曲奇, 係喎!!!．．．．．．．
咁人家唔記得個名麻!!!＞.＜
靖天mama你真係好有心機 !!
你呢個idea非常好呀 !
多謝讚賞, 其實係我想玩多o的, 嘻!
你準備左咳水比大家飲用! ! haha..玩到咁high
我第1個俾你飲先啦…… 車!
靖天及一班朋友有媽咪咁細心用心去安排想唔玩得開心都幾難。
多謝你呀, 嘻……..
希望真係啦!