靖天上學了@ EduCoach艾篙 第3課
靖天: 『唔洗擔心喎, 我真係大個女架喇!』
2010年2月18日 (星期四), 攝氏8度
理應是第5堂, 卻因為新年前夕, 老師病倒了, 沒有代課老師, 只得將課堂順延一周! 
兩周沒有見老師, 還要誇著一個農曆年, 整整有五天時間帶著靖天…
這天早上, 還要得攝氏幾度…..
早上起來, 實在十萬個不情願……… 
帶著不安的心情, 抱著靖天上學去……..
怕, 就是怕她又狂哭大叫……
根據當年BC的經驗, 靖天只要有較長的時間沒有見老師並且需要獨個兒上堂, 她都會出現異常的焦慮……. 
在街上, 看見靖天沒有什麼表情…..
媽咪忍不住問到: 『靖天, 您唔開心呀?』
靖天: 『唔係呀!』
媽咪: 『您唔笑既?!』
靖天: 『立即擠起牽強的笑容……』 
.
媽咪: 『您知唔知我地依家去邊呀?』
靖天: 『返學囉!』
媽咪: 『咁返學要點架?』
靖天: 『媽咪BYE-BYE….. 陣間見!』
媽咪: 『咁您會唔會喊架?』
靖天: 『唔喊架…..』
結果, 走進電梯, 靖天都是呆呆的, 該是天氣太冷 + 還沒有睡醒吧?! 
走進中心…….
老師高興的出來迎接靖天…..
靖天竟然自願的走到老師懷中……. 
為了克服靖天與媽咪的那種分離焦慮, 媽咪還是特意大聲的跟靖天道別: 『靖天BYE-BYE…. 俾心機上堂喇, 陣間我黎接返您!!!』
靖天看了我一眼, 有點失落, 但還是細聲的跟我說了一聲: 『BYE-BYE媽咪!』
這天, 靖天媽媽認為, 靖天該是撞邪了!!!! 
(怎可能不哭?!)
.
放學時間, 媽咪還沒有進門口, 靖天已經從玻璃看見我…..
然後, 大哭起來!!!!
任由老師如何安撫, 都不得要領……
在媽咪不停分散靖天注意, 終於成功了……..
媽咪: 『頭先我走左, 佢有無喊呀?』
老師: 『無架, 仲同我地玩得好開心架~! 不過可能真係太掛住你…』
當媽咪預備好, 老師就給媽咪做課堂回顧了……..
很想努力的記下靖天課堂上的點滴, 但已經幾乎忘得一乾二淨……
這陣子的記性, 又差了一點….. 
.
今日教左佢紅色, 可以回家多溫習;
“吹”這個動作比較弱, 似乎還是不夠氣, 宜多練習;
音樂感好強, 歌仔我地唱過兩次, 佢已經會跟住我地試唱;
韻律感表現得越來越好, 而且很投入的又唱又跳;
今次再給她練習高/低音, 都做到了, 明天我們會多加一個”中音”練習, 看看她能否分辨到…..
今日我地做左個練習, 係將O的珠仔放o係一個米桶入面, 要佢o係個桶入面搵返o的珠仔出黎…. 靖天係我咁多個差不多年紀既學生入面, 做得最好既一個! 佢真係會慢慢搵, 攞起後, 仲會好細心咁將粘在珠仔上的米撥走; 因為珠仔中間是空心的, 會沾到米, 佢真係會望住個珠仔, 連中間空心沾左米既地方都清理好, 先放o係我地要求佢放既位置!!!
今日我地同佢玩泥膠, 佢無特別抗拒, 但對玩泥膠既工具都不大有興趣, 也不大十分知道如何運用 (如”碌”泥膠)
今日做的那個勞作, 發覺她對”撕”這個動作似乎運作得不夠理想, 有點”唔夠力”的感覺….. (但佢o係屋企成日撕紙架喎!) 也許是因為今天我們給她撕的是利是封, 質地較好, 方法需要有點不同!
.
盡曬人事………. 只記得這麼多……
沒有像早兩課的, 添了自己感想, 天氣太冷, 人帶點惰性…… 
對於老師在第(6)項對靖天的評價, 媽咪感到大為意外…. 沒有想過, 靖天做事, 會有這麼細心的一面…. 媽咪在家從沒有給靖天進行什麼特訓 (要訓練也該由粗心的靖天媽咪先做!), 女兒的細心, 女兒的小心觀察, 是因為她是一個小女孩?! 抑或是2歲寶寶的特性?! 
.
今天, 多了一位新同學, 靖天上學, 有伴了!!!!!
(294)
靖天真係好細心喔!
令我很意外呢!
呢間pg好似好多搞作咁, 好似好高要求, 睇到靖天放學果度我有同感, 依家哲哲自己一個上堂又係上堂唔喊, 但放學就喊, 問姑娘佢話成堂都忍得住唔喊, 就係知道就快放學太掛住媽媽先黎喊…你話啦, 我地做媽媽知道仔女咁掛住自己點會唔心甜呢~
呢個pg都幾意料之外, 老師係有心機又會花心思教, 算唔錯咯……
佢地會掛住架, 放學喊都好既, 好過返學喊, 個心仲唔舒服;
其實我好羨慕你成日帶個女去唔同既pg體驗~
我去過好少pg咋………..
咁樣黎睇
靖天可以 補番媽咪既不足 ???
下次訂戲票 .. 要靖天一起啊
那就不會再次發生 年初一的事情羅
哈哈 哈哈
不要嬲呀 . 純屬講笑咋 !!
咩喎……. >.<
衰人!!!! xdxddxxdxd
老師都真係好有心機教靖天喎~ 噤你應該放心啦~ 唔知點解每次睇到你寫有關靖天番學嘅嘢, 就會感覺到你好似好緊張同好大壓力噤嘅, 唔知係唔係我嘅錯覺啦~
對啊, 也實在很有心機了, 很安慰…. ^.^
雖然我唔覺得自己緊張個女, 但又真係有相關朋友話過我好緊張啊……. =.=
不記得也寫到咁多 ^^
我以前寫靖天既課堂記錄….. 可以係一篇EASSY架, KAKAKAKAK