靖天上學了@ EduCoach艾篙 第5課
靖天: 『黑眼圈都走出黎….讀書真係辛苦!』
2010年2月25日 (星期四), 晴
半夜靖天是有發燒的, 102度……..
早上起來, 看她沒有發燒, 問她想不想返學: 『返呀!』
結果, 一齊出門去!
天氣回暖, 出門口變得輕鬆一點, 至少不用擔心靖天會著涼!
.
到課室, 靖天有點呆, 告之老師這陣子靖天都有點生病, 還請她幫忙安排早餐時間給她!
(早上起來, 心肝連奶也沒有胃口吃啊!)
從心肝的眼神, 知道她有點不捨得, 但還是給我說了一聲: 『byebye!』
.
11點多, 收到老師電話….. 說靖天發燒了!!! 
媽咪立刻接回靖天, 上到中心, 還沒有走進去, 已經看到心肝伏在老師肩上睡著了…
那一刻, 媽咪有點意外……
心肝, 是第1次躺在第3者的肩上入睡啊!!!!
這……. 靖天應該感到很不舒服, 才會這樣吧?! 
.
這課, 只上了1個小時………
其實見佢都有流鼻水, 好似好攰咁, 但佢全程都無扭計, 無喊, 淨係話掛住媽咪!
感想: 老實說, 我們都發覺, 靖天這陣子的情緒, 比早陣子穩定多了!
雖然佢今日好病, 無咩精神, 但一開始我地同佢做一o的認知性既遊戲, 佢都好集中好投入咁玩左差不多40分鐘, 真係好唔錯!
感想: 40分鐘?! …….. 媽咪很意外靖天能有這麼長的專注力?!
我地今日同佢講故仔, 係「貪心的小狗」, 不過我地準備左o的情境咭, 要佢一路聽, 一路搵返係邊張咭出黎…. 結果唔錯喎, 大部份既咭都搵岩左!
感想: 呢個故事, 媽咪N年前跟靖天說過幾篇, 但加以情境咭來說故事, 還要邊聽邊找, 認真有挑戰性啊!!!!
講完個故仔, 跟住我又叫佢將個情境用LEGO砌返出黎….. 砌完佢仲好開心話要俾媽咪睇… (然後, 老師從房中拿來靖天的製成品!!!)
感想: 砌… 個情境?!…… 有無難o的?! 
看到製成品那刻, 媽咪真的很意外, 真的砌得很好很好, 有花, 有樹, 有屋子, 有人坐著, 有小狗, 有骨頭……… 什麼都齊全!!! 雖明白老師有幫忙協助, 但當知道靖天由”討厭LEGO”到現在”投入砌LEGO”, 這個進步, 可不少啊!
呢舊紅色既就係骨頭喇… 不過好得意喎, 我不停同佢講骨頭, 骨頭, 骨頭, 佢都無反應… 然後我問佢係咪唔明咩叫骨頭, 佢忽然彈左句: 『BONE!』…… 原來要講英文, 佢先明!
感想: 媽咪立即反問老師, 靖天何來懂BONE一字, 要教英文, 也沒有可能教BONE這個生字! 怎樣想也想不通, 終於在下午, 告之爸B這件事時, 想起這陣子, 媽咪原來說了一個英文故事, 講述小狗拿了自己的喜愛的骨頭到學校跟老師分享! iT’S BONE!!! 應該就是在這裏學懂吧? 難怪, 大家都說講故事很重要…… 媽咪為靖天這個”BONE”字, 又興奮了!
做完成個認知學習, 見佢真係越黎越攰, 我地就轉同佢出左去彈琴, 佢都仲投入到, 而且仲跟住我地既指令, 按不同琴鍵…高音低音佢絕對無問題喇, 不過今日同佢試中音就好似未係好分辨到, 可能因為太攰, 集中唔到啦, 下一堂我地會繼續幫佢練習!
感想:中音是比較難分辨, 給點時間, 靖天會掌握到的!
然後我地就教佢用手指去按o的琴鍵, 其實好多差不多年紀既小朋友都會習慣用手拍落個琴到, 靖天都有, 但就相對地少, 大部份時間都係用手指一個, 一個音咁按, 而且好夠力! 我地會慢慢同佢練, 姆指至尾指都會幫佢練習下, 訓練下佢既手指力; 佢按完一個音, 仲要將手攞起, 再按第2個音, 真係好唔錯啊!
感想: 媽咪立即問老師, 小孩學琴的適合年齡, 也希望靖天能提早一點接觸鋼琴….
(當年, 靖天媽媽2.5歲就開始學琴, 縱使希望由女兒做主動說出她的意願, 但內心, 卻有點焦急!)
其實上左幾堂, 靖天有一樣野真係令我好欣賞, 佢好識得用語言去表達佢既需要同埋感受, 2歲既小朋友, 大部份都會比較用動作或者行動, 好似靖天咁肯用嘴巴黎表達既, 其實真係好難得!
感想: 老師也感受到靖天的嘴巴有多厲害了….. 這個”厲害”, 實在可圈可點…. 
.
這天的認知學習, 令媽咪嘆為觀止!!!!
明白自己看書少, 沒有多大的知識, 教導靖天往往都隨心而做…….
得這位有心的老師啟發, 原來…..
苦悶刻板的說故事, 玩LEGO, 都可以變成這麼有趣…….
老實說, 媽咪也被老師的小遊戲吸引起來….
又老實說, 比起靖天在BC每課只是洗手, 洗枱, 分動物, 吃茶點, 似乎這裏更有意義?! 
.
2月份8堂的課堂, 老師缺了2課, 靖天缺了1.5課, 結果, 只上了4.5課……
很無奈, 感覺靖天跟這家中心沒有很大的緣份…….
但媽咪還是付了3月份的學費……
成果, 總不能單靠短短的一個月就看得出來……
單對單的教學, 就當是給靖天一個”私人補習”的機會, 也給媽咪一個學習的機會…..
誰叫靖天媽媽頭腦簡單, 總是想不到得意好玩的遊戲啟發靖天呼!!!
媽咪和爸B, 還是負責給靖天多點機會, 放眼看世界吧 (即係周圍去囉!) 
.
(521)
我個B都有上呀, 上左兩堂(計埋試堂), 都ok, 我個B23個月, 第一次正式上堂導師都建議佢自己一個上,但係因為果日下午要面試,所以我要求我坐出面囉. 佢第一次一個人上,都OK喎. 今個星期會第一次試獨立上堂,希望佢OK喇.
咦? 你都報了?!……………………
係呀, 一個星期一堂(一小時)ja上,遲d想佢想耐小小,同埋平日就上ic(都係靖天既舊校). 希望佢開始習慣返學既模式喇, 好”痴架”架我個仔.
嗯嗯! 好呀好呀, 慢慢適應麻, 俾心機呀!!!!
之前係佢地網頁見,以為有二人同行9折,想問下你可唔可以扮一齊報, 點知佢話學前課程無……:(
佢係咪一定以廣東話上堂呢？可唔可以選全英文上架？
老師都說廣東話的啊！！！能否以英語則你要查詢一下了！
你好我都剛剛給囡囡在試堂評估,
老師過了1小時便講返囡囡的詳細情況,開頭我也試下的心態,但佢會好詳細講返上堂的情況,我覺得老師好有心教小朋友,但又l無小朋友同囡囡上堂(因我地囡囡15個月,太小,未岩上你那班)我還諗緊上唔上好,剛剛又睇到你的BLOG,其實上幾堂單對單也不錯吧(最重要係價錢一樣)可能遲些會有小朋友加入…..現在信心加大了
靖天現在已經有3個同學仔架喇, 一對四, 剛剛好, 開始有社交, 時而合作時而爭拗, 很好的成經驗驗啊!!!
每次上完堂都會一一報告返當日既嘢又真係幾好喔!
靖天係認知學習方面有了唔錯既進展, 媽媽可以鬆一口氣了吧!
對啊, 至少我知道有什麼我還可以做得更好麻!
認知學習算是有一點進步, 都是老師的功勞, xdxdxdxd
8 堂 上了 4.5 堂
老師缺課 無得補番咩 ???
其實這間學校都不錯啊
可以單對單
而且 .. 每次都有好多課後感 告知媽咪
讓媽咪可以知多一點點呢
看到 靖天的突破
聰媽 也 為之而鼓掌 啊
努力吧 !!
有補堂呀, 不過未補得切咋麻!!!!
(依家一對四lu, 不過仲好, 靖天有少少社交)
不過多謝你, 我地會努力架喇!
單對單咁好~?!
因為老師無生意, kakakakak
老師都好好喎，而且課堂訓練特別又有挑戰性，相信靖天繼續讀落去會有很大的進步。
這個老師也真的很有心思了…… 希望對靖天有幫助咯!
我去睇過Edu Coach既網頁，佢地既學前課程都係由兩歲半開始 (親子班除外)，靖天都未夠兩歲半，佢地都肯收喇？
我見你既comments咁好，我都想同個仔參加，但佢宜家先至15個月。見靖天未夠兩歲半都收，所以想知呢個課程其實係會收幾多歲既小朋友，等我都可以同個仔準確下。
係呀, o個陣因為靖天返左BC 6個月, 見可以獨立上堂, 我咪打去EDUCOACH問可唔可以收2歲囉, 佢話試左堂先, 咁我試左堂老師話佢都可以試下, 咁咪俾錢囉, 嘻~!
15個月又細左少少……… 等佢大一點吧 (唔擔心啊, 個人認為這家絕不會像BC般要排半年先有位, XD)
不過我所知, 佢2歲以下都有親子班, 課程跟靖天上的很似, 只是有家長陪同, 你可以打去問問啊!!!!
Dear tiger 仔:
係呀, 哈哈, 我都記得學前課程無…….. ^.^
唔緊要啦~!