幼兒普通話 @ 天鳥 第1課
靖天:『又返學?! 仲要揹書包?!』
已經2歲的靖天, 廣東話是絕對沒有問題的, 什麼都說, 什麼都模仿….. 絕對是超地道的香港人! 
英文麻…. 簡單如: 『Tidy-Up!』…. 『COME on!』….. 『Clap Your Hands!』都可以, 什麼眼耳口鼻, 什麼『What’s You Name?』…. 『How Old are YOU?』都明白一點點, 也會答一點點…
麻…. 上年9月去墾丁時, 學會了『很開心!』的普通話….. 但回來後, 已經忘了!
.
眼看靖天的說話能力尚算不錯, 打算開始給她多點”外語”的練習….
先學的, 是 
說得漂亮一點: 大家都是中國人, 學習普通話是必需的, 英文隨時都可以學 (開個pearl台也能聽, 但家卻沒有”鳳凰台”啊!)…….
說得實際一點: 媽咪對普通話有一份特別感情, 是因為那些音都特別動聽, 什麼”唷”, 什麼”耶”, 什麼”那”…… 說出來, 跟我們說廣東話都動聽多了! 加上近年愛上台劇, 也希望靖天能學上幾句, 跟媽咪一起參觀”煲劇”這個節目!
要找一個好的普通話老師, 其實也不甚容易….
曾致電查詢, 私人性質的, 上門的, 都要至少200個大洋一小時……. 
靖天媽媽只帶著”試驗“性質, 實在不能花費太多!!!
靖天: 『成日要我返學, 有無著數架?!』
過年時, 在家附近的一家”琴行”, 看到了這個”普通話唱遊班“, 2歲已經可以上, 而且費用極度便宜…. 還可以獨立上課, 老師也是正宗北方人, 能操流利普通話, 也有相關的學歷証明, 媽咪決定給靖天一試!!!
這…… 也是最老實的答案!!!
不是因為找到這個唱遊班, 媽咪也不會提早給靖天接觸外語~!
.
預先跟靖天說, 這天我們會找一位新老師, 教她普通話, 她都說: 『好丫!』
在電梯裏, 遇上一位姨姨, 問媽咪: 『幾時返學呀?』 ……. 媽咪: 『今年9月!』
靖天只聽到一半: 『係呀! 我返學呀!』
姨姨: 『係呀~ 返學咁叻呀… 咁出年返學要俾心機咯!』
靖天: 『唔係呀, 我依家返學呀!』
媽咪沒有給姨姨多解釋, 但卻被靖天當時的一番說深深打動……
女兒, 您何時學懂了『依家』?! ……….
超古靈精怪的靖天!
準時到達琴行, 老師卻遲了15分鐘才上課… 
很”C9″的一個樣子, 一點也不專業…
最可憐的是, 她竟然不知道靖天是新學生! 
這一課, 連靖天, 有5位小朋友, 靖天最小, 第2是2歲半的, 然後都是3/4歲的….
看那老師跟兩位媽媽不停交談, 已經有點不滿: 『老師, 已經遲了15分鐘, 還要等多久才開始?!』
走進課室, 4位小朋友都坐成一行, 靖天卻坐著對面的一個小位子, 當然的情況, 就有如4位小朋友齊齊將靖天孤立起來!!! 媽咪看著眼裏, 實在不是味兒! 
結果….. 靖天: 『媽咪, 一齊啦!』…..媽咪: 『唔得架! 靖天上堂, 媽咪唔入得去架!』
都怪老師不停在外邊聊天, 讓靖天有”哭”的機會!
還好, 老師最後走進課室, 拿起糖果, 靖天乖乖的坐下來, 開始上課了!
.
1小時的課很快就過…
遲了一點接靖天, 看見她茫然的不停找我…… 還好, 沒有哭!
老師:『佢成日堂都唔出聲喎! 平時都係咁架?』
老師: 『其實佢講野係咪唔叻架?』
老師: 『我地唱歌佢又唔郁, 就係眼甘甘咁望住我地…..』
老師: 『佢係咪好內向架? 唔鍾意同人玩架?』
都是負面的說話…….
最後, 媽咪忍不住發火!!!
媽咪: 『佢平時好多野講架, 唔會係唔識講野喎!』
媽咪: 『佢O係出面上咁多個PG都未試過咁, 睇黎老師你要多多努力!』
媽咪: 『佢第1堂, 老師你係咪唔應該對佢咁大期望?』
最後, 老師只懂”笑笑口”的…. 沒有多說話!
.
帶著嬲怒和失望的心情和靖天回家去…………
沿途, 媽咪不停跟靖天說普通話, 但靖天就是不瞅, 不睬, 不聞, 不問……
回到家, 終於忍不住, 哭起!!!!!
是因為聽不明白?
是因為怪媽咪故意為難?
.
2歲半的小女孩 – 媽媽在琴行多次觸怒她, 結果兩母女打起來… 明知是”嬉戲”性質, 但靖天看在眼裏, 卻不能分辨….. 結果, 不到5分鐘, 靖天有樣學樣的, 走過來打了我一下!
4歲的小女孩 – 拿著”人魚公主”FOLDER, 靖天見漂亮, 摸了一下, 誰不知小女孩一手將靖天的小手”FING”開, 就嬲嬲的看著靖天… 然後, 她的婆婆: 『你咪俾佢摸下囉!』當然, 小女孩不從!
龍鳳胎姊弟 – 才進琴行一會, 又離開了, 然後拿來了”燒賣”, 一家三口在品嚐!
完全低什了”屋邨興趣班”的威力!………
媽咪帶靖天上PG, 已經有一年多經歷, 但卻從沒有遇過這樣質數的同學 / 家長……
媽咪並不說自己特別高層次, 只是…… 也不會這個樣子麻?!
.
再併上老師的態度, 實在……….. 十級失望!!!! 
難道”平野真的無好野“?!
靖天: 『我會學壞架!!』
原先當那幾百個大洋的學費掉了就算, 但卻又深深不忿, 結果, 第2天回家前, 決定到琴行再老師理論理論!
媽咪:『老師! 想問下琴日入左課室, 靖天還有喊嗎?』
老師:『無喇!…不過就係唔出聲唔講野, 眼碌碌咁望住我地…..』
老師: 『佢有搵媽咪, 想行去開門, 跟住我話依家上緊堂唔可以開門, 鎖埋度門, 佢就好無奈咁返埋位坐…』
老師:『不過大過佢少少個妹妹, 又走去撩佢… 話: “你媽咪走左喇!”… 佢又眼紅紅想喊咁, 我即係叫個妹妹唔好再刺激佢…. 隔左佢就無無乜事…』
老師:『我地一齊圍圈唱歌, 佢就o係左o係我地中間, 自己轉, 唔肯同我地一齊轉…』
老師:『我地玩配對遊戲, 一路玩一路教生字, 佢都無做, 又唔肯跟我講….』
老師: 『見佢成堂都唔出聲無反應, 我就諗, 佢平時係咪都咁…』
.
然後, 媽咪向老師解釋靖天的性格, 也道出靖天18個月已經學習獨立上堂以增加老師對靖天的信心….
也將日常的生活事和喜好給老師分享一下, 好讓老師能多點了解靖天……
媽咪: 『其實我想問同一齊上堂既小朋友係咪上左好多架喇?』
老師: 『龍鳳胎o個度3歲幾, 暑假已經開始上, 上兩個月參加朗誦比賽仲攞左銅獎! 4歲o個個就上左幾個月, 2.5歲o個個就上個月開始…….』
.
難怪….. 從老師前一天跟家長們的相處表現, 媽咪就知道, 作為一個新生新家長, 總是會顯得格格不入……
這裏不是艾篙, 不是BC, 不是幼潛, 不是Dr Poon’s Playgroup, 老師都不大了解什麼叫”兒童心理”, “兒童教育”, 這裏是要帶真知識給學生….. 懶理學生的性格和需求!
老師也用了低劣但極有效的方法吸引小孩: 獎勵食物!
.
給老師了解了, 希望第2課會有多點進步……….
8堂課, 靖天媽媽不介意浪費了金錢, 但卻極度關注靖天的情緒…….
倘靖天不能接受這樣的學習模式, 媽咪絕不會強迫她….. 
但細心看, …… 這個學習模式, 跟香港的教育, 中小學, 甚為相似…….. 
這…… 似乎是一個預演?!………. 
.
(445)
就係呢個新髮型呀?
可唔可以梳齊陰呀??? 如果可以會好型bor!
係呀, 嗚嗚!!!!!
齊陰………. 唔得呀, 佢o的前陰好參差
一路睇一路想同你講你最尾一段講嘅野，除非你打算一直保護住靖天避開現今傳統的教育，好少好少小學仲可以同你兒童心理學，什麼發掘潛能天花亂墜都係表面野，最後都係一個模式，谷谷谷，所以靖天媽一係儲定彈藥讀私校，一係就要妥協一下囉~
只怕私校都是這個模式啊!
未嬲啦, 錫番…鍚番.
嗚嗚…….. 唔好再提喇……
plz~~~~~~~~~~~~~~~~~~~
(嘻嘻!)
剪咗頭髮？
對, 勿提靖天媽媽的傷心事………
係呀, 我都好驚我個B第時返學唔慣, 規定要乜野時間做乜野野….之前PLAYGROUP導師話我個B係果D唔鍾意聽人講,要自己explore既類型,所以第時返學都係返半日果d好, 唔會影響到咁多, 其他自己教…唉,我都煩緊呢樣野.
幼稚園還可以自己教, 但小學……. 似乎都是全日班啊!
喺有比較嘅情況下,就會知道邊d係好嘅同唔好嘅分別..我覺得返pg最緊要開心, 學唔學到嘢反而係其次, 如果嚇怕咗佢地唔肯返學咪仲可怕….
係呀, 就係有比較先…….
不過一分錢一分貨吧?! orz~
靖天新 Look 好搞笑呀….
咪咁啦, 我為左呢個新造型爭o的喊左出黎架喇…….. >.
我係網上搵０左個私人教，＄１２０一小時，另收車資．收一小時＄＄，但會教個半小時，都幾好，如有需要，ｅｍａｉｌ話我知．ｔｈａｎｋｓ～
咁平??????? 我問過幾個私人教都要250up呀!!!
我想要資料啊!!!!
看來呢個班 唔太適合 under 3 歲既小朋友啊
不過
亦希望 靖天能夠 適應
在這裡學到點點東西 !!
我也這樣想啊……
但錢付了, 還是想多試幾堂, 還望靖天和老師會有好一點的配合啊!
感動到爆…… 你咁快手!!!!
上得小學, 到6歲佢要自己適應同架喇, 除非住係外國或者讀國際學校喇, 不過….無”筆直”做呢樣野…
另外, 求先唔記得講下靖天個頭, 係咪DIY架? 女仔係難攪D, 建議不如出去搵人修下, 日日見住真係唔開心架 ….(我之前都DIY剪衰左,諗住麻醉自己話會習慣喇,結果都係忍唔住…要幫佢”橙青”)
我地都係呢種環境下成長, 辛苦左靖天lu. 我諗媽咪要”輔導”下靖天, 以免佢以為自己做錯左d乜.
“屋邨興趣班”的威力, 學生係咁無得講, 連家長都係咁真係有d哪個.
“睇黎老師你要多多努力” 我都要好好向你學習語言gei技巧 XD
其實呢位老師應該唔差, 可能係我期望錯左……. 囉!!!
都幾”披頭四”feel 喎~~
仲講…… 仲講…………. 係咪想激死我?!
希望靖天能慢慢適應吧…
第2堂, 其實已經有進步了, ^.^
可能靖天未听得明果D煲冬瓜,所以未有反应囖…她语言天份咁高,应该好快适应既.睇多一阵先~
老師也用了低劣但極有效的方法吸引小孩: 獎勵食物!–>十分同意,我昨日同ANNA老师倾开,发现原来老师都系用糖果朱古力等做奖励.我觉得好失望!无理由学校鼓励同学食糖果架.>
煲冬瓜……. 哈哈!!!!
語言天份高, 其實我不覺的啊, 只是多用廣東話, 才說得好一點麻!!!!
其實….. 唔用糖, 用餅, 用蛋糕, 也不顯得”高招”…… 只是, 這是一個最見效的方法呢……
其實要由西式教育方法轉返去香港田鴨式…
的確需要較多時間去接受…
但靖天一路返PG都一路進步…
相信靖天會有足夠的能力面對轉變…
亦可以話係俾靖天多一個學習機會!!!!
是啊…. 我也明白!!!!
會多多給她加油咯, 謝謝你呀!!!!
可能靖天未習慣呢種上堂方式, 始終係bc或艾篙, 老師都很重視新學生.
靖天之前係bc接觸過普通話, 再加上佢既語言天份, 等佢適應咗, 佢一定跟得上.
加油呀, 靖天!
我也是這樣想啊!!!!
但願, 她可以慢慢適應過來啊!
可能我個女比靖天怕生,要好長時間warm up,所以成日都聽到類似
老師: 『我地唱歌佢又唔郁, 就係眼甘甘咁望住我地…..』
老師: 『佢係咪好內向架? 唔鍾意同人玩架?』
的comment. 因此當遇上一些體貼,真正了解孩子的老師,我會好感動!
唔知道啊, 不過希望….. 佢會適應下來咯!!!
Dear Tiger仔:
只怕頭幾年free慣, 跟住就適應不來咯…….. @.@
靖天個頭, 係DIY, 不過係出自婆婆刀下…… 嗚嗚!!!!!
依家我睇慣左無野喇, 但就……. 外人睇到會笑囉….. ORZ~~~~