靖天的「真」寵物 II *** Home Playgroup ***
靖天: 『我自己攞得喇!』
上年的7月, 媽咪買了一缸魚, 給靖天練習一下”照顧小動物”……..
爸B媽咪也認真犀利…… 那缸魚, 除了第1回死了大半, 再買回來的魚, 都能養上好幾個月……….
已經8個多月了, 還有”半打”在缸內生活著…..
不得不讚嘆小魚們的生命力!!!! 
.
靖天對小魚麻……..不會很投入, 更不會每天都記得餵小魚……
只是想起來, 看了看, 又會自顧自的拿起魚糧餵著……
媽咪沒有要求靖天每天都記掛著小魚, 就是給她安排一個”生物角“, 就可以了!!! 
.
數個月前, 爸B找來一套”功夫熊貓“給靖天看…..
戲內的”龜長老”, 最後都離開了世界…..
每每靖天看到這一幕, 都會有點失落: 『龜龜…死左喇~!』
媽咪總會加以安慰一番….. 
.
然後, 每次放學, 都經過好幾家的金魚店, 看到魚魚, 看到龜龜, 心肝都嚷著要買…
靖天: 『買啦….. 買龜龜啦!』
靖天: 『唔買喇…. 因為無帶錢囉…….』
靖天: 『今日唔買魚魚喇? 屋企有囉~』
靖天: 『叫爸B買啦~~~』
最後……
媽咪選了旅行回來的那個周日, 拖著爸B, 拉著靖天…….
買魚買龜去! 
靖天: 『龜龜呀!!! 龜龜呀!!!』
擾攘好一會, 終於由媽咪動手, 給靖天先輔導, 後選龜………
心肝本來都沒有太著意, 但付了錢後, 又忽然興奮起來!
拿著魚魚, 拿著龜龜……
開開心心的走路去!
.
回家前, 來了一雪糕店….
心肝每次經過, 都嚷著吃雪糕…….
這天假期, 媽咪打算一家三口的坐下來, 慢慢品嚐…..
只是….. 人太多了!
靖天: 『我自己攞得喇!』
忽然聽見”卟通“聲……
靖天竟然甩手, 將掛著手上的魚魚, 掉到在地上…….. 
裝著魚魚的膠袋穿了…… 
魚魚都跌到在地上, 爭扎著……….
媽咪立即將小魚們拿起, 放回膠袋內……….
心想: 幾十個大洋的魚魚, 還沒有到家, 就得一命嗚呼………
.
爸B將靖天拉到一邊, 不停訓話……
媽咪忙著收拾殘局………
頓時, 大家都混亂起來…..
好端端的假日心情, 都被這下”卟通“徹底的搞砸……….. 
龜龜: 『整乜有個大膠袋架………』
想起千色店有洗手間, 媽咪立即走到洗手間給小魚注上水, 再將膠袋放到龜龜的膠箱內……
幾條小生命, 得以保存下來…….
靖天已經被自己的行為弄得又哭又”對唔住”……
上到巴士…
媽咪: 『靖天, 您整爛左魚魚個袋, 依家魚魚好辛苦, 受左傷喇… 您明唔明白?』
靖天: 『明白…….』
媽咪: 『如果媽咪咁掉您O係地下, 您懂唔懂?』
靖天: 『好痛….. 唔好呀~』
媽咪: 『您咁掉O的魚魚落地, 佢地都會好痛, 好辛苦, 係咪?』
靖天: 『係…….』
媽咪: 『咁依家我要照顧o的魚魚, 您唔好再扭計喇, 好無?』
靖天: 『知道…….』
靖天: 『乖, 依家同你沖涼!』
靖天: 『我都要玩水先~~~』
很投入的玩….. 拿起龜龜咯!
龜龜: 『救命……. 呢個主人好粗魯呀!』
回到家, 媽咪著靖天給小龜一起玩玩, 給龜龜沖個涼…..
意外地, 靖天都不怕的…. 跟小龜一起玩著…..
還有好幾次, 靖天主動的將小龜拿起!!! 
始終….. 養龜都比養魚生動一點, 可以多點觸摸….
對靖天, 也是一件好事啊! (不要什麼都”好驚”, “唔摸”…….)
靖天: 『龜龜, 你沖完涼未呀?』
龜龜: 『你唔幫我點沖呀…. 主人!』
開始不再理會龜龜……
媽咪: 『我地不如同龜龜改個名?』
靖天: 『好呀!』
媽咪: 『叫咩名好呢…….不如叫… 爸b?
靖天: 『唔好!』
媽咪: 『咁叫媽咪?』
靖天: 『唔好!』
媽咪: 『咁叫…. 靖天……? 一係叫Veronica?』
靖天: 『唔得架!』
媽咪: 『咁您想改咩名呀?』
靖天: 『叫龜龜啦……..』
結果, 龜龜, 的名字就叫”龜龜”…………
心肝, 您改名, 認真求其啊!
添了幾位新成員……. 真好!
.
貼心記錄:
2010年3月25日 (星期四), 晚上
這天只有媽咪在家照顧靖天 (爸B加班去咯!), 媽咪在清理魚缸, 靖左看了, 又嚷著要幫手…. 『同龜龜沖涼啦!』
結果, 媽咪將龜龜拿出來, 放到企缸上, 好讓龜龜可以走動一下, 靖天又可以零隔膜的接觸一下小動物….
廿幾分鐘後, 媽咪還繼續忙打掃廚房….
靖天: 『媽咪, 我玩完喇!』
媽咪: 『哦, 咁你玩完, 執返好O的野啦…』
老實說, 這是媽咪和靖天慣常的對話, 但大多數情況, 心肝都不會乖乖將東西收好…
數分鐘後, 媽咪走到浴室準備收拾”龜龜”….
媽咪: 『咦? 隻龜呢?!…….』 (嚇然發現, 企缸空空的, “龜毛”都沒條!!!!
媽咪: 『靖天, 隻龜呢?!』
靖天沒有出聲…
心想: 『衰妹, 您唔係掉左隻龜呀?!』
正當媽咪急著找龜龜時…..
媽咪嚇然發現, 龜龜, 和牠的小石仔, 小裝飾, 都放回箱子裏, 而且, 箱子還放回原位 (雪櫃頂)……
這刻, 媽咪感動了……
媽咪: 『你幫我收拾龜龜架?』 (廢話, 難道有鬼來給我們整理?)
靖天: 『係呀!』
媽咪再也忍不住….. 
緊緊的摟著靖天….. 親了她一下….
媽咪: 『您真係好乖, 又好叻啊! 幫我放好龜龜…. 』
靖天得戚的笑了….
女兒…. 根本就不是能力問題, 而是有否用心做每一件事……
假使您能多用心, 多專心, 多學習, 您的成就可以很高的啊!!!
加油吧……. 
.
(658)
媽咪收拾殘局的不慌不忙仲可以冷靜handle一個扭計中的小朋友，果份耐性，強！
我發覺自己近排d eq 低咗好多，成日會黑起口面對住茄茄，認真慚愧…
靖天真係好good girl, 自己收拾，好得人鍾意呀~~!
杏子, 你又何嘗唔係呢…. 成日都咁誇獎,….. @.@
我對住靖天已經分唔清何時黑何時白面了, 唉;
人地媽咪, 收順啲啦
唔得， 點都要嚴謹少少既~!
嘩, 靖天勁乖呀, 仲要無執漏是但一樣喎, 妳幫我讚多個”叻”比靖天啦
係, 今次真係叻返次…..
一次only~!!!
咁即係話平日靖天唔係唔做, 係興趣不大啫…
哈哈! 果然係好醒~
係懶……. 到出汁!!!!! @.@
我…..最怕烏龜…….
下, 點解呀?
靖天真係好乖呀!!! :) 加油呀~
係, 知道!
靖天咁有手尾, 真係抵讚! 果然大個女了, 唔再什麼都驚驚了…
一次半次, ……xdxdxdxd
你地真係好有心機呀, 我都想買魚,但係怕死左阿B會好傷心(或者佢可能唔知), 有諗過買蟻屋(諗住方便D), 但係…比人否決左,話太核突….唉
養魚養龜好方便, 唔怕啊!
其實傷心也是好事….. 這可以練習同理心啊!!!
蟻屋???????????????????????????
好驚~!
靖天真係越大越乖呀~!
一次半次架咋!
靖天真係好乖女！如果我囡囡到靖天咁大果時，都係咁乖就好喇！
不要似靖天, 佢曳既時候太嚇人了!
靖天真係乖女, 記得放番好[龜龜]~果然係一個好主人呀~~^^
哈哈, 我提佢架!
好乖呀! 重有, 靖天唔怕隻龜, 重夠膽用手仔佢捉佢, 叻喎!
係喎, 我都有少少意外~!
ok ka….睇住d 蟻點鑽洞, 可能男同女真係唔同喇..
http://churchfun.com/images/wp/discovery_ant_farm.jpg
好驚…………..@.@