就算唔係, 我都會屈佢係架喇, KAKAKAKAK~~~~出世無耐, 我已經每曰教佢講"媽咪", 仲要慢動作, 仲俾靖天婆婆話我好似教緊O的智障既小朋友咁, 問我係咪當個女白痴.... 然後靖天4個月時, 就好無意識咁叫左我一聲"媽咪", 雖然好無意識,但著實真係好心甜~~~~到將近7個月, 無意中, 我又聽到佢叫媽媽.... 雖然又係無意識, 只係叫得一聲...

其實想換個電話好耐..... 但就一直都唔捨得.... 點知...平時靖天扭計, 我地都會俾個電話分散下佢注意... 點知有一晚, 我同靚媽行街睇野, 一覺唔留神, 電話突然間響喎, 心諗.... 唔記得左個電話仲o係靖天"口"入面添, 想囉上手聽既時間, 發現個電話禁制無反應既, 唉. 心諗梗係又hand機啦, 唯有囉舊電出黎.不過真係"唔囉由自可, 一囉...

終於, 靖天o係6個月尾尾呢幾日, 學識自己扶住o的野去企.....平衡力欠佳既靖天 (似足佢媽咪我囉...) , o係爸b既催迫下,終於嘗試自己企既感覺......睇住佢搖搖欲墜, 真係幾搞笑~ 又唔知自己企唔穩, 仲要單手........最終咪跌低囉;有少少得戚......

等了又等, 終於開始有o的力, 自己一個都可以企得耐少少.....一直以黎, 靖天對腳都好有力, 就就係平衡唔到, 同埋協調唔到對手點樣爬得好o的, 又或者自己企起身....呢一日, 靖天又有少少進步, 靠住個地台, 企下坐下咁....為左本書仔, 靖天拼命咁去攞.... 留意佢係單腳...終於都囉到......第一時間放入口!!!發現我地影佢, 打聲招呼先...

實在太..........感動~~~~ 6個月既最後一個星期, 心肝終於肯食粥喇~~~其實為左食固體呢個問題, 己經同靖天婆婆嘈過NXN咁多次........因為初頭心肝唔肯食粥, 所以靖天婆婆就一口咬定佢係唔食粥既, 亦都唔鍾意食粥, 任由我講到口水乾, 請佢繼續俾靖天嘗試, 佢都係唔再肯煲... 一直以黎心肝食固體食物既進度都比較弱.... 礙...

忽然醒起, 我又唔記得幫靖天寫低每周新招......6個月第1個星期:  肯自己主動張口開食糊仔... 1/4碗好快咁食曬... 學識爬爬... 雖然爬得好怪相, 又未完全撐握得好好6個月第2個星期: 去游水.... 唔太怕水, 希望快o的學識游水啦, keke6個月第3個星期: 食到7安奶啦...... 食...

等了又等, 原來心肝o係食方面真係渣少少....... 又或者佢真係要等時機成熟先肯接受外間既食物吧.....踏入6個月, 心肝終於肯乖乖咁食曬小半碗糊仔, 雖然呢款糊仔係媽咪極度反對俾您食, 但奈何靖天婆婆主力操控你既飲食習慣, 媽咪想反對, 都係無用...... 都係鬥唔過您婆婆.... (無時無刻都好羨慕o個o的全職既媽媽, 可以自由咁去控制子女既飲食...

我心肝終於突破6安喇!!! 早o係心肝3個月時已經食緊6安奶......以為好快佢會食到7安, 8安, 點知去到4個幾月就開始厭奶, 一厭, 就個幾月...... 同期既朋友仔個個都已經7安8安咁食...... 直至6個月初時, 佢既食奶情況先得以改善... 肯餐餐食曬6安奶... 去到呢個星期, 靖天婆婆就成日都同我反映話靖天食6安唔夠食, 次次都要補返1...

靖天不愛粥仔, 不愛青菜, 不愛南瓜, 就係鍾意呢ｏ的．．．前幾日去大家樂食飯, 有個甜品跟埋, 成個"飯程"靖天都狂扭......都唔明點解鑊鑊出去食親飯佢都要咁...今次決定唔鬼理佢我有我食佢有佢扭, 不過好彩無喊.... 臨尾上個甜品時, 我地又俾佢.... 品嚐下人間美食... 結果係食到捉住唔肯放手..... kakakakaka!!! 如果佢食粥...

post埋o的video 出黎先........難得靖天第一次游水, 梗係錄低佢....對個泳池充滿好奇.........同其他姐姐同埋小朋友一齊玩水.....高速快艇..... 可惜靖天一味顧住食個船仔既"葉".... 都費事理我地~

等了又等..... 唔係落雨就唔得閒, 終於今日可以行個下水禮喇~~~因為中午出左九龍, 搞到4點幾先返到屋企.......好彩心肝都俾面無扭計, 落到泳池都5點幾...... 天氣都開始陰, 但天氣都熱, 拿拿臨落水玩一陣........個bb池都幾多bb喎, 有一個係10個月大既, 一落水就喊..... 可能驚卦;另一個就歲幾, 自己識玩咯, 犀利犀利~...

6個月零1個星期...... 終於眼到靖天向前爬了.......踏入6個月時, 已經發現心肝佢o的手腳突然有力, 只係未協調到.......一心都預算佢o係7個月大前應該會自己爬到..... 依家唯一可以做既只係俾佢學習多o的, 嘗試多o的......點知o係6個月零1個星期既呢一晚...... 靖天竟然因為一個遙控器, 好努力咁向前爬.... Take 1...

淨係識入後波..... 唔知幾時先入返o岩個波, 爬俾我睇呢?　因為仲要掌握到點樣爬, 所以靖天都仲好努力咁去探索緊...例如用下個頭, 又用下對手, 又用下個patpat....結果, 都係向後爬叻o的..... 錄過上半段條片後, 媽咪我就行開左.... 掉低靖天o係床... 點知隔左3-4分鐘後, 返到黎, 竟然發現心肝佢.... 

呢個幾星期開始, 靖天有好大既意欲去爬.....雖然仲未爬得郁, 但已經成日"吉"下"吉"下個patpat, 又玩"push-up".....睇得出佢真係有力左好多...... 仲要好識識聽我講咁, 叫佢"吉"就"吉".......   真過癮!!!!  

踏入第6個月既第1日, 靖天終於都開曉喇~~~ 就係自己張開口, 食糊仔喇!!!!!實在太.......令人感動喇!!!!

踏入6個月, 靖天開始有少少意欲去爬唔知係未發育得好, 定對手未夠力? 還是對腳太粗?試左幾下, 就坐返o係度......可能相機但魔力太大了......... 

其實...... 我又唔覺得佢頭特別大, 只係度左出黎, 多左少少咋麻...上回講到要見e生.......唉........ 入到房就知今次c梗...... 呢位e生上次已經見過, 一個字: 串!!!!10個串, 我會俾佢11個串囉........e生: (度度度)...... 無野呀, 都無問題, 洗乜見我o者~我  : (關我鬼事, 我夠唔想見...

以為係普通檢查, 點知......真係鑊鑊新鮮鑊鑊甘........ 琴日一早就同心肝出左劉e生度打針..... 今次靖天勁咯, 吉左落去, 喊左2下就停左.... 仲要3秒極速同護士小姐玩, 狂笑...... 真係吹啤~~~ 然後下午就同心肝返健康院做例行檢查~~~~上磅....... 6.87kg = 15.11磅...... keep住25%...

開始發現, 每個星期, 心肝都會學懂一樣野....而呢o的野, 係出於自然, 唔洗教..... 唔洗迫~~~~ 不過善忘既我, 已經唔會再記得2個月前既心肝學識到乜野.... 但即管試試:5個月第1個星期:  唔知點樣學識跌落床..... 環顧四周, 佢係最早既一個bb學識點樣跌落床, 勁!  已經好自如咁轉身, 總之一放佢o係床佢就不轉...

踏入第6個月, 爸b決定幫靖天開返個面書, 話第日溝仔容易o的喎~ 人仔細細就有面書........ 真係幾得先得黎大?! 如果想add 一個只得6個月大既bb 落你面書, 就隨便啦:ngchingtin@live.com

靖天快6個月喇, 今日咱們仨又去挑戰下........ 自己~~~一直以黎都好想帶靖天去睇戲, 雖然佢未識睇, 但都好想一家三口入下戲院;之前上sex & the city已經想帶靖天睇, 點知細妹話3級片, bb都唔入得......所以無去;跟住見上功夫熊貓, 卡通片無問題喇卦?! 加上琴日同爸b一齊放假, 咁就去睇個中午場啦!!!11點餵完奶後,...

靖天呢一日, 又坐下學行車~~唔知係咪又大個左, 依家我地叫佢行去邊, 佢就行去邊真係一隻聰明豬 (佢屬豬架麻) 仲行得叻左, 又行得快左喎!見佢走來走去, 真係好過癮~

食過藥後既靖天, 變得軟拿拿.....抱起佢時, 只會軟手軟腳咁伏o係你膊頭, 教人憐愛;同佢講野同佢笑, 都無曬反應......只怪那討厭的咳藥水, 味道似足大人食既咳水, 開始有點兒擔心: 小朋友是否受得來?!然後, 本身練緊仙既靖天, 變本加厲, 唔食+唔食, 全日20安都無....因為攰? 因為o的藥水? 夜晚不停咁喊, 不停咁扭計.... 還好, ...

5個月半既靖天, 終於一嘗做"豆腐"既滋味~事緣星期日既聚會之後, 夜晚開始靖天就有兩聲咳......以為佢扮野啦, o係度玩, 無理佢....點知前晚半夜開始變得好嚴重, 半夜係咁咳, 仲聽到好多痰束住條氣, 搞到佢成晚連奶咀都食唔到~~~~然後聽到佢個鼻好塞, 抖氣好重, 咳聲中亦都帶有痰聲....琴日朝早起身, 決定同佢去睇e生... 本來想同佢出荃灣...

左摸摸, 右摸摸, 依家最鍾意就係摸人塊面~ 有時並唔係摸咁簡單, 係搣....... 真係好鬼死痛..... 呢一晚, 靖天坐住咁四圍摸...... 是長大乎?! 

早O係4個幾月時, 已經俾靖天學坐.......早O係4個幾月時, 已經俾靖天學坐.......不過聽聞話咁早坐唔好, 加上佢又平衡唔到, 咪由佢囉~~到左呢幾日, 又再試下俾佢坐下,....咦, 得得地喎~~~~  坐第一次, 失敗左.......... 呢頭錄佢, O個頭就訓底左唯有再接再勵!!!! 今次成功喇, 坐到成分鐘.....仲要扭計都...

我謹以致誠發誓, 所講靖天既壞話, 句句屬實, 並無虛言!!!好多人都話靖天好乖, 連靖天婆婆都話佢好叻好乖 (相對起廿幾年前既媽咪)所以當我話心肝好曳, 唔肯食奶時, 都無乜人信...........為左証明我係唔會砌個女生豬肉, 我決定, 錄低佢既罪証!!!!

經過星期六既影樓拍攝, 靖天又識多左位新朋友: 牛妹妹喇!!!  牛妹妹: 靖天你條裙仔好靚呀, 邊度買架?靖天: 唔好咁大力扯啦..... 爛喇~~~ 乜你咁粗暴架!!   牛妹妹: 摸下都唔得咩!!!???牛妹妹: 睇你下巴尖尖, 都拍得住我咁令女喎!!!!靖天: 頭先扯到我咁大力, ...

不過要靠輔助工具喎........雖然好多研究報告同埋近期潮流都顯示學行車已經唔興~~~~不過既然都買左, 俾佢坐下又無妨......坐一陣, 應該唔會坐到連對腳都"拗"埋卦?! 但睇到靖天識得走來走去, 又確實係一件嘗心樂事~靖天由最初只懂入後波, 到今日前後左右都開始控制到~~~証明佢又真係長大左喇喎......

之前牛媽媽話想組隊同佢隻牛妹妹去studio影相......book個studio原來好平喎.... 可能因為牛媽媽識人啦.....問左幾位媽咪後, 都因為bb太細唔識坐, 怕影得唔好........最終得返我同牛媽媽ok..... 再細問可否自己影唔請photographer, 又得喎, 咁淨係book個studio, 影兩個鐘都唔洗200蚊, 同爸b商量...

隔左差不多2個星期無食糊仔........ 今日再黎過!今朝靖天又唔肯食奶, 搞大半個鐘仲有半安剩, 嬲嬲地, 決定將o的奶開埋糊仔塞佢食埋佢! 俾殘暴媽咪塞食糊仔既靖天!閉實個嘴既靖天: 我唔要呀....媽咪: 張開口啦, 靖天!!!!  靖天: 好難食呀.......我想嘔!!!!!媽咪: 家陣我要你食毒藥咩!!!!! 靖天: 等我l...

唔經唔覺, 靖天出世已經五個月喇~~~~ 由初初出世得的士咁細隻..... 6磅都無... 生長線只係得3%, 仲要俾姑娘叮囑要3小時一餐, 所以O係E院對靖天既時真係比其他人多.......跟住慢慢變大, 變大, 變大......... 滿月後, 已經升到去10%.......到左第2個月, 靖天已經去到25%........ 而且仲KEEP得好好.......

上星期開始, 靖天開始成日都打乞痴, 又好似有少少鼻塞........一路都無理佢, 覺得佢只係鼻敏感...... 加上佢個人又無乜野, 想等佢自己好...... 點知早幾日開始, 發現靖天有流鼻水...... 而且都流得幾密, 食奶時亦都因為塞住個鼻抖唔到氣, 搞到好似好辛苦咁...... 為左避免情況越黎越嚴重, 就決定星期日帶心肝去睇下e生.........

有人話, 跌一次, 大三斤.........話說呢一個晚上, 一如平常咁, 餵好奶後就放靖天上我地張床到休息...... 因為佢鑊鑊都食唔曬枝奶, 所以都慣左等佢訓一陣, 晏少少再餵...... 咁見佢訓左, 就行返出房, 上下网, 休息下...... 點知隔左3-4個字, 突然聽到房間傳來"嘭"一聲...... 心入面第一刻就諗: 無理由會有野跌落地, 跟...

呢一次, 相信會係最後一次........ 由第一次餵靖天食糊仔開始, 佢已經好抗拒, 唔係唔食, 但就好似好為難咁........加上靖天婆婆既唔合作 (竟然用樽餵唔係俾佢一啖啖食), 令食固體既進展大大減慢........加上靖天呢個幾星期食奶都食得好曳為免加重佢免擔 (唔肯食奶), 所以都係決定停一停!!!呢一停, 可能真係要等佢6個月先再食返lu.....